JOSUA 13:3 - Khumi Common Language Bible

³ tokalawi mang y awm nai Avim chengchi i peang nai khu verei ai, peang vui ai nai awm rai nai ne. (Aikupta pri khujyh theung y awm nai Shihor micheaung dengdairei, tosyh mang Ekron khujyh tym pa-rei kau nai khu ka-peang ly Kanan chengchi awm nai khu ka-peang ne. Philistia samrangchi ly kaza mary, Arzu mary, Esakalon mary, Kath mary hawi Ekron marychira y peang nai ne.)

JOSUA 13:3 Iomraidhean Croise

ATITI AWM ANGCHEI NAI 10:6

Hama i chapochi napi nai kusha, Aikupta, Libia hawi Kananchi ly nichi i amyn angam nai khumi chengchi i amsi pajochi ne.

ATITI AWM ANGCHEI NAI 15:18

Huni neng huni meingtym y Areng ly Abram hawi Leu Maikawm asa bo. Mymy ly Abram teng y, “Nang i kangpreangchi teng y, Aikupta pri khujyh dengdairei Euphrat tavo tym pa-rei,

1 ARENG KEH 8:65

Huni Achura Yhm y Solomon hawi Israela cheng bawibawichi ly Taichy pawi kani saryhrei sa u bo. Khumi humchi ly tosyh mang Hamath mawi aleaung dengdairei, tokalawi mang Aikupta pri khujyhra khrairei, khumi mipui ka-teng ka-tang ny y na naichi jeu u achu nai ne.

1 NENG SATANG 13:5

Hunai deaungkho y Davida ly tokalawi mang Aikupta khujyh dengdairei, tosyh mang Hamath mawi aleaung lam tym pa-rei, pri verei y awm nai Israela mipui bawibawichi jeu u ai nai palau bo. Nichi ly Kiria Jarim mary i dengdairei Jerusalem mary mang y Leu Maikawm Pawm tapyn ai nai ne.

ISAIA 23:3

pangli vai takhra mang y pato iy, Aikupta pri i theu nai amti amjangchi ka-jo ka-van sa iy khumi cheng cheaungkhangchi hawi ka-sum ka-pai sa hai u bo.

JEREMIA 2:18

Vai, nang ly Naing tavo tui nei ai nai Aikupta pri y chei nai ly kamran awm ai, nanai athang khai a? Euphrat tavo tui nei ai nai Asuria pri y chei nai ly kamran awm ai, nanai athang khai a?

Leu Thui Nai 2:23

Kariti tlawn i khumichi ly Mrethe pangli peang jeungrei y awm u bo. Nichi ly hu y awm yb nai Avim chengchi ai tamyh pawn iy, nichi i pri tokalawi ngan Kaza mary y tym pa-rei peang u veng bo.)

JOSUA 13:13

Na i py Israela chengchi ly Kisuri cheng hawi Maaka chengchi ai patheu y nai deaungkho y, vaini khrairei Israela pri y awm u nai ne.

TARA CHIH NAI KEUNGCHI 16:5

Philistia samrang leaung pangreichi ly Delila teng y chei i ni teng y, “Samson ly ati mana nai, hina tanrei atho awm na mo nanai py, ni ai ati mana patiu iy ana thai ai mo nanai py, pany pajau ai nai ni ai parawi hyp iy deng ba. Kaichi my leaungrei y tangkacho sang atlo chungvairei kang pei ai,” napi.

TARA CHIH NAI KEUNGCHI 3:3

Huni pri theung y awm jo rai nai khumi chengchi ly Philistinchi i mary pangrei ra i Philistin khumi, Kanan khumi bawibawichi, Sidon khumichi hawi Bala Heramon dengdairei, palo parai nai Hamath mawi aleaung mang y khrairei awm nai, Lebanon mawi y awm u nai Hivit khumichi ne.

1 SAMUELA 5:1

Philistia chengchi ly Leu Maikawm Pawm nga vui chum baly, Ebenezar mary i dengdairei mychi i awm nai Asadod mary mang y kajeaung u i,

1 SAMUELA 5:10

Hunai deaungkho y nichi ly Leu Maikawm Pawm ai takhra Philistia mary harei Ekron mary mang y tha u bi bo. Na i py huni mary y Leu Maikawm Pawm tym nai khala khumichi my, “Nichi ly achi bawibawi ai padei ai nai, Israela chengchi chiu nai Tameuh i Leu Maikawm Pawm achi teng y ang tha lawh bo,” nanai aeu u.

1 SAMUELA 5:8

Naibaly nichi ly Philistia samrang leaung pangreichi teng y savaichi pato iy, palau i nichi teng y, “Israela chengchi i Tameuh i Leu Maikawm Pawn ai, kaichi mana kasa u aimo?” nanai deng. Samrangchi my, “kath mary y tha u,” napi i, Leu Maikawm Pawm ai Philistia mary harei, kath mary y tha u bo.

1 SAMUELA 6:4

Philistia miteaung kehchi my, “Kaichi ly ati katalamrachi talam ai mo?,” nanai deng u. Naibaly nichi my, “Nangchi ly samrang leaung pangreichi ai, leaungrei y muku uisalu myn pangrei hawi, muku paju myn pangrei talam u ai nai tla. Samrang leaung pangreichi hawi nangchi bawibawi ly no mi amjy harei avum u nai ne.