JOSUA 12:7 - Khumi Common Language Bible

⁷ Josua hawi Israela chengchi ly Jordan tavo nidym mang Lebanon leaunghawi y awm nai Balakat mary dengdairei, tokalawi mang Edom pri sahawi i Halet mawi tym pa-rei kau nai meingtym y peang nai samrang bawibawichi ai tiu i, pajau vui nai ne. Josua ly hini meingtym ai Israela theaung bawibawichi teng y amtym jojo ai nai khu paji pi bo.

JOSUA 12:7 Iomraidhean Croise

ATITI AWM ANGCHEI NAI 14:6

Edom pri mawitleaung y awm nai Horit chengchi, daichi ka-vym y awm nai Elparan mary y tym pa-rei tleh ai nai hui u bo.

ATITI AWM ANGCHEI NAI 32:3

Jakob ly Edom pri y awm nai mymy i amjo Esaw teng y satang thai hai yb ai nai mo mang y pato man bo.

ATITI AWM ANGCHEI NAI 36:20

Edom pri y awm yb nai Horit cheng Seira i chapochi ly hinichi ne: Lotan, Shobal, Zibeon, Anah, dishon, Ezera hawi Disanchi ne.

ATITI AWM ANGCHEI NAI 36:8

Hunai deaungkho y Esaw ly Edom pri mawi tleaung mang y khuteng sa bo.

SAM 135:11

Amori samrang Sihon, Bashan samrang Oka hawi, Kanan pri i samrang bawibawichi ai padei pawn nai ne.

Leu Thui Nai 2:1

Achi ly Areng my leu pei nai kamta amki iy Akaba pangli Katheaung mang y tapai naimy, daichi ka-vym theung y ali teang i, Edom pri mawitleaung mang y kra parai pa-rei amki u nai ne.

Leu Thui Nai 2:4

Naibaly mymy ly nangchi i vui kai teng y leu ang pei nai ly: ‘Nangchi ly nangmychi i amjo amnau Esaw i kangpreangchi awm nai Edom pri mawitleaung tako u prei ai bo. Nichi ly nangchi ai ang jei u ai. Kai ly nichi i khaileaung bipeurei malawn py nangchi ai kang pei ai ny y.

JOSUA 11:17

Israela chengchi my peang vui nai khu ka-peang ly tokalawi mang Edom pri sahawi Halet mawi dengdairei, tosyh mang Heramon mawi tokalawi mang, Lebanon leaunghawira awm nai Balakat mary tym pa-rei kau nai ne. Josua ly huni khu ka-peang y peang nai samrangchi hawi, neng kra parai pa-rei tavai atiu; na i py ni ly huni samrang bawibawichi ai patiu iy padei pawn nai ne.

JOSUA 11:23

Areng ly Mosi dengdairei leu pei nai kamta, Josua my huni pri verei ai tiu i peang vui bo. Ni i Israela cheng theaung bawibawichi ai peang hai ai nai, huni pri ai khu paji pi bo. Naibaly pri verei ly tlamsa naimy awm nai ne.

JOSUA 3:17

Khumi bawibawichi tako u nai pajau pa-rei, Areng i Leu Maikawm Pawm angjeaung nai pathyp pi nai keungchi ly Jordan tavo umtang phuirawm naira y angdo u bo.

JOSUA 9:1

Jordan tavo nidym mang y awm nai mawi aheung, mawi kheutang, tosyh mang Lebanon mawi ryrei sau nai, Mrethe pangli peang meingtymchi ai peang nai samrang bawibawichi ly Israela chengchi i, eaung pawi sa nai satang thai u bo. Huni samrangchi ly Hiti cheng, Amori cheng, Kanan cheng, Perizi cheng, Hivit cheng, Jebusi cheng i samrangchi ne.