JOSUA 12:2 - Khumi Common Language Bible

² Nichi ly samrang leaungnyhrei ai pajau veng bo. Samrang leaungrei nai ly Hesabon mary ai peang nai Amori samrang Sihon ne. Ni i pri y (Arnon tavo leaunghawi sahawi i) Arraw mary hawi, huni tavo leaunghawi sahawi y awm nai mary dengdairei, Amori khu ka-peang Jabbok tavo ryrei kau nai Kilead pri ka-hyhrei abawi nai ne.

JOSUA 12:2 Iomraidhean Croise

ATITI AWM ANGCHEI NAI 32:22

Huni vum y my Jakob ly ang thau i ajuni ai py, aju katheangni ai py, chapo leaung holai hareichi ai py, Jabbok tavo vai mang y angpeang hai bo.

1 NENG SATANG 5:8

Belachi ne. Bela ly Aza i chapo Shem i katu ne iy, Joela i nupai ne. Huni nupai ly Aroe mary ra py, huni mary tosyh ngan mang i Nebo mary, Balamon marychi ra khrairei awm nai khu ka-peang ra py awm u nai ne.

NEHEMIA 9:22

“Nang ly nichi ai mymychi i khujyhra y awm nai prichi hawi, khumichi ai eaung ai nai pei bo. Nichi ly samrang Sihon my peang nai Hesabon pri py, samrang Oka my peang nai Bashan pri py peang u bo.

SAM 135:11

Amori samrang Sihon, Bashan samrang Oka hawi, Kanan pri i samrang bawibawichi ai padei pawn nai ne.

JEREMIA 48:19

Aroh mary y awm nai khumichi awi, lam teng mang y angdo iy ajeng jo ly preang nai khumichi teng y atiti tym naichi deng cham.

Leu Thui Nai 1:4

Mosi ly Hesabon mary y peang nai Amori samrang Sihon ai py, Asataroth mary hawi Edrei marychi ai peang nai Bashan samrang Oka ai py, Areng myeaung hai vui nai bo y thui pi naichi ne.

TARA CHIH NAI KEUNGCHI 11:13

Ammon samrang my Jephetha i savaichi teng y, “Israela chengchi ly Aikupta pri i dengdairei theu u nai khala, kai i khu ka-peang ai Arnon tavo dengdairei Jabbok tavo hawi, Jordan tavo khrairei peang u vui nai ne. Huna nai y nangchi ly vai, huni khu ka-peang kai teng y paleung kahawi naimy, pei teang ai nai tla,” napi.

TARA CHIH NAI KEUNGCHI 11:22

Nichi ly tokalawi mang y Arnon tavo, tosyh mang y Jabok tavo khrairei py, nisi mang y daichi ka-vym, nidym mang y Jordan tavo khrairei py, Amori khu ka-peang ngierei ai peang pi vui bo.