JOSUA 12:1 - Khumi Common Language Bible

¹ Israela chengchi ly tokalawi mang Arnon tavo leaunghawi dengdairei, tosyh mang Heramon mawi ryrei, nisi mang khu ka-peang hawi Jordan tavo leaunghawi jeungrei ai tiu nai peang chum veng bo.

JOSUA 12:1 Iomraidhean Croise

1 ARENG KEH 4:19

Uri i chapo Keba ly Amori samrang Sihon hawi Bashan samrang Oka i peang nai Kilead khu ka-peang; hini khu ka-peangchi ai peang nai keung leaung holai nyhrei bo y, pri verei y peang nai keung kalenkeh leaungrei awm rai nai ne.

SAM 133:3

Heramon mawi salo y tla nai kadam ly Zion mawichi salo y tla nai kamta ne. Huni meingtym ly deungtasarei heng naira napi nai amtheaung naira ai Areng my pei nai meingtym ne.

SAM 136:21

Mymy ly nichi i pri ka-peangchi ai, mymy i khumichi teng y pei pi bo; mymy i tamen nai ly deungtasarei ne.

SAM 89:12

Nang ly tosyh ngan hawi tokalawi ngan ai sa nai ne. Tabor mawi hawi Heramon mawichi ly nang ai amo theu naimy palo u bo.

ISAIA 16:2

Nichi ly Arnon tavo peang y ajeng u nai thym khala, tabu khai su nai tavochi kamta, kheupui meaung kamhi aleaung ali naimy awm u bo.

Kati Nai 21:13

Nichi ly hu i nai khuleaung amsa u taleang bi i, Arnon tavo tosyh mang i Amori pri daichi ka-vym hawi amtawn prei nai daichi ka-vym theung y tai u. (Arnon tavo ly Moba pri hawi Amori prichi i khujyh ne.)

Kati Nai 21:21

Israela chengchi ly Amori samrang Sihon teng savaichi pato iy,

Kati Nai 21:24

Na i py Israela chengchi ly paleung ka-e neangneangchi ai tavai keung y padei iy, Arnon tavo tosyh mang Ammon pri khujyh Jabbok mary y khrairei, samrang Sihon i khu ka-peangchi pajau vui bo. Ammon pri khujyh ryrei naini tiu pajau khyh nai ly huni khujyh ai khaw pa-rei amtang pajau nai deaungkho y ne.

Kati Nai 32:19

Jordan tavo nisi mang y kaichi i vui khu ka-peang phy pi yb nai deaungkho y, nidym ngan mang i khu ka-peang ai ly paleung no bi y leang bo,” nanai thui pi u nai ne.

Kati Nai 32:32

Kaichi ly Jordan nisi mang i pri amtym ai nai Areng my leu pei nai kamta tangai iy, Kanan pri mang y angpeang naimy tavai thau u ai,” nanai pathang u bo.

Kati Nai 32:33

Hunai deaungkho y Mosi ly Amori samrang Sihon hawi Bashan samrang Oka nini i peang nai khu ka-peang raurei, tengpang sahawi i marychi ai Kad theaung, Ruben theaung hawi Manase theaung ka-hyhreichi teng y jyh pi nai ne.

Leu Thui Nai 2:24

“Achi ly Moba pri katlen vui nai bo y Areng my achi teng y leu pei nai ly ‘Vaimy tako u amteaung ly Arnon tavo angpeang u jau. Hesabon mary i Amori samrang Sihon hawi ni i pri verei peang ai nai sa thai naira kang pei ai. Ni i pri y peang vui ai nai tiu u amteaung jau.

Leu Thui Nai 2:32

Samrang Sihon ly achi ai tiu ai nai my i tavaimi bawibawichi hawi Jahaz mary sahawi y ang tym u bo.

Leu Thui Nai 3:1

“Hunaibaly achi ly tosyh ngan mang y awm nai Bashan pri mang y asyh u bo. Huna nai khala Bashan samrang Oka ly my i tavaimi bawibawichi hawi achi ai tiu ai nai Edrei mary sahawi y tym u nai ne.

Leu Thui Nai 4:44

Mosi ly Tameuh i reita leuchi Israela khumichi teng y pei pi bo.

Leu Thui Nai 4:48

Israela chengchi my peang nai khu ka-peang ly Arnon tavo peang i Aroer mary dengdairei, Heramon mawi napi nai Sirionmawi khrairei kau nai ne.

JOSUA 1:15

Nangchi i Areng Tameuh my pei nai Jordan tavo nidym mang i pri tiu u pajau ai nai pa-rei, nichi ai sabawm ai nai tla. Israela chengchi tlamsa naimy awm u nai khala, nangchi ly Areng i miseaung Mosi my pei nai Jordan tavo nisi mang i pri y vawi u pajau ai,” napi.

JOSUA 11:17

Israela chengchi my peang vui nai khu ka-peang ly tokalawi mang Edom pri sahawi Halet mawi dengdairei, tosyh mang Heramon mawi tokalawi mang, Lebanon leaunghawira awm nai Balakat mary tym pa-rei kau nai ne. Josua ly huni khu ka-peang y peang nai samrangchi hawi, neng kra parai pa-rei tavai atiu; na i py ni ly huni samrang bawibawichi ai patiu iy padei pawn nai ne.

JOSUA 11:3

Huni bo y ni ly Jordan tavo peang y awm nai Kanan chengchi, Amori chengchi, Perizi chengchi, mawitleaung pri y awm nai Jebusi chengchi, Mizapa pri Heramon mawi kheutang y awm nai Hivit chengchi teng y py satang thai hai bo.

JOSUA 13:8

Ruben, Kad hawi Manase theaung ka-hyhreichi ly Jordan tavo nisi mang y awm nai khu ka-peang ai, Areng i miseaung Mosi my phy paji pi nai kamta, nga u chum nai ne.

JOSUA 22:4

Vai ly nangchi i Areng Tameuh my adeu nai kamta, nangchi i chengchi ly tlamsa naimy awm u bo. Hunai deaungkho y nangchi ly Areng i miseaung Mosi my khai takhra pi nai, Jordan tavo nisi mang y awm nai, nangmychi i khu ka-peang mang y vawi u.

TARA CHIH NAI KEUNGCHI 11:18

Naibaly nichi ly Edom pri hawi Moba prichi ai taki iy, daichi ka-vym tako prei naimy Moba pri nisi mang, Arnon tavo vai mang y tym u nai khala, huni meingtym y tai u bo. Arnon tavo ly Moba pri i khu ka-peang ne nai deaungkho y, huni tavo ly nichi angpeang u y.