JOSUA 11:8 - Khumi Common Language Bible

⁸ Areng ly Israela chengchi teng y paleung ka-echi tlang tleaung y eaung hai bo. Nichi ly tosyh mang Sidon mary hawi, Misrhoth Maim marychira y tym pa-rei py, nisi mang Mizapa leaunghawi y tym pa-rei py, paleung ka-echi ai tiu u i, leaungrei py tleaung y pa-rei padei u bo.

JOSUA 11:8 Iomraidhean Croise

ATITI AWM ANGCHEI NAI 10:15

Kanan i chapo chalu ly Sidon ne; Hetha py Kanan i chapo ne teang i, nichi ly nichi i amyn angam nai khumi chengchi i amsi pajochi ne.

ATITI AWM ANGCHEI NAI 49:13

“Zebulun ly pangli peang y awm ai. Mymy i tuivum ly samphochi khen naira apu parai nai tuivum lawm ai. Mymy i pri ly Sidon mary y khrairei kau ai.

2 SAMUELA 24:6

hu i nai bi baly Kilead pri hawi Hiti khu, Kadesa mary mang py khuleaung amsa u bi nai ne. Naibaly Dan mary hawi Sidon mary tengtang y chei u bo.

ISAIA 23:4

Aw Sidon mary, nang ly tahm anem veng bo! Pangli hawi suida pangli puichi i thiu parai nai meingtym my, “Kai ly mana khala py cho chanauchi by y. Kai ly mana mo khala py, chapochi py chaniuchi py tapen vai y, kapacho vai y,” nanai thui naimy, nang ai kang khai su nai ne.

ZEKHARIAH 9:2

Hadara pri hawi abi nai Hamath pri ai py, kawp keh nai hawi tau awm nai Turu mary hawi Sidon marychi ai py, mymy peang nai ne.

Leu Thui Nai 7:2

Nangchi i Areng Tameuh ly hini khumichi ai nangchi i kiu y au iy, nichi ai nangchi my eaung nai khala, nichi bawibawi ai tamyh pawn ai nai tla. Nichi hawi amkawm moh ly nichi ai pahen py pahen moh.

Leu Thui Nai 9:3

Na i py nangchi i Areng Tameuh ly nangchi i mo mang len parai nai mai kangveaung kamta tako nai ly nangmychi my vai niu u ai. Nangchi tako nai thym khala mymy ly nichi ai sum hai nai deaungkho y adeu yb nai kamta, nangchi ly huni khumichi ai patheu vui iy taphra u praw ryp pajau ai.

JOSUA 10:20

Josua hawi Israela chengchi ly paleung ka-e neangneangchi ai tleh u bo. Na i py paleung ka-e phyreichi ly tleaung iy, lengseaung apai tapang nai theung y aheu u nai deaungkho y tleaung u nai ne.

JOSUA 11:3

Huni bo y ni ly Jordan tavo peang y awm nai Kanan chengchi, Amori chengchi, Perizi chengchi, mawitleaung pri y awm nai Jebusi chengchi, Mizapa pri Heramon mawi kheutang y awm nai Hivit chengchi teng y py satang thai hai bo.

JOSUA 11:7

Hunai deaungkho y Josua hawi ni i risa bawibawichi ly Meron micheaungra y Tai u nai paleung ka-echi ai tiu u tamangtang i,

JOSUA 13:6

Peang vui ai nai awm rai nai khu ka-peangchi ly Lebanon mawi hawi Misrepho Main mary sala, mawi aheung meingtym y awm nai Sidon chengchi i khu ka-peang bawibawi py abawi nai ne. Israela chengchi ly hini prichi ai peang vui ai nai amsa u nai khala, nichi bawibawi ai kaimy paryh vui ai. Kai ly nang ai leu kang pei nai kamta, Israela chengchi i vui khu ka-peang bawibawi ai phy paji pi ai nai tla.

JOSUA 19:28

Ebron mary, Rihob mary, Hammon mary, Kanah marychi dengdairei, Sidon mary ryrei tym.

JOSUA 21:44

Areng my nichi i amsi pajochi teng y leu adeu nai kamta, pri verei y tlamsa nai awm bo. Areng my Israela chengchi teng y, paleung ka-e awm nai ngiereichi ai tiu i, eaung hai bo. Mani paleung ka-e my py, nichi ai amtang pajau y.