JOSUA 11:23 - Khumi Common Language Bible

²³ Areng ly Mosi dengdairei leu pei nai kamta, Josua my huni pri verei ai tiu i peang vui bo. Ni i Israela cheng theaung bawibawichi ai peang hai ai nai, huni pri ai khu paji pi bo. Naibaly pri verei ly tlamsa naimy awm nai ne.

JOSUA 11:23 Iomraidhean Croise

NEHEMIA 9:24

Nichi ly Kanan pri ai peang u; huni pri y awm nai khumichi ai nangmy tiu vui bo. Nang ly nangmy i khumichi teng y Kanan pri samrangchi hawi mipuichi ai, ngai nai kamta sa pajau ai nai sa thai naira pei pi.

SAM 46:9

Mymy ly khaileaung pri verei y atiu naichi ai anawn hai bo; thailihochi ai khei vui iy, tivichi tameang pawn iy, khopuichi ai py mai y veang pawn bo.

THEU NAI 34:11

Vaini nang teng y kaimy kang pei nai reita leuchi tangai. Nangchi tako nai lam i Amori cheng, Kanan cheng, Hiti cheng, Perizi cheng, Hivit cheng, Jebusi chengchi ai kaimy paryh pi pawn ai i, tlamsa ra nga u ai.

Ezekiela 45:8

Hini khaileaung meingtym ly peang thym nai samrang i vui phy pi nai meingtym ne. Huna khala naini, ni ly khumi mipuichi ai ano kalikachi y ai i, Israela cheng theaung bawibawichi ai huni bo i awm rai nai khaileaung meingtymchi amtym u ai nai pei ai.

Leu Thui Nai 1:38

Na i py nang i bangtang Nun i chapo Josua ly huni pri y kun ai nai nga ai; Josua ai sabawm u. Ni ly Israela chengchi ai lu sa iy huni pri peang ai,’ napi.

Leu Thui Nai 25:19

Hunai deaungkho y nangchi ly Areng Tameuh my pei nai pri y tym iy, tengpang sahawi i paleung ka-echi my tiu naira i law tleaung nai, tlamsa naimy awm nai khala, Amalek cheng bawibawichi ai tamyh pawn ai nai tami u reng moh!

JOSUA 12:7

Josua hawi Israela chengchi ly Jordan tavo nidym mang Lebanon leaunghawi y awm nai Balakat mary dengdairei, tokalawi mang Edom pri sahawi i Halet mawi tym pa-rei kau nai meingtym y peang nai samrang bawibawichi ai tiu i, pajau vui nai ne. Josua ly hini meingtym ai Israela theaung bawibawichi teng y amtym jojo ai nai khu paji pi bo.

JOSUA 18:10

Josua py Areng i kangai lawm ai nai tambe va iy, Israela theaungchi ai khu ka-peangchi phy pi nai ne.

JOSUA 22:4

Vai ly nangchi i Areng Tameuh my adeu nai kamta, nangchi i chengchi ly tlamsa naimy awm u bo. Hunai deaungkho y nangchi ly Areng i miseaung Mosi my khai takhra pi nai, Jordan tavo nisi mang y awm nai, nangmychi i khu ka-peang mang y vawi u.

JOSUA 23:1

Neng kra kyh nai bo y Areng ly Israela chengchi ai, tengpang sahawi y awm nai paleung ka-echi my patang hai naira i law tleaung hai. Josua py khri pa-rei miteaung acheang na bo.