JOSUA 11:20 - Khumi Common Language Bible

²⁰ Huni khumi bawibawichi ai pahen y naimy tleh pawn ai nai, Areng ly huni khumichi ai ham parai naimy, Israela chengchi ai tiu hai bo. Huni khumichi ai tamyh pawn ai nai tla nai ly Mosi dengdairei Areng my leu pei yb nai deaungkho y ne.

JOSUA 11:20 Iomraidhean Croise

2 SAMUELA 17:14

Abasalom hawi Israela cheng bawibawichi my, “Hushai i tau pei nai ly Ahithophela i tau pei nai tleaung y hawi keh,” nanai thui u. Abasalom teng y patang naira tym hai ai nai Areng ly Ahithophela i pei nai tau kahawi ai phra hai vui nai ne.

1 ARENG KEH 12:15

Samrang ly hina nai mipuichi ai tahm khai y naimy awm nai ly amo Ahijah dengdairei Neba i chapo Jeroboam teng y Areng i leu pei nai angym ai nai mymy i kangai ne. Hunai deaungkho y samrang ly khumichi i leu tangai pi y nai ne.

2 NENG SATANG 22:7

Tameuh my tahyh yb nai kamta huna nai tym nai y, Ahazia ly dei nai ne. Ahazia ly huni mary y Joram hawi vanrei awm nai thym khala, Ahab i samrang kangpreang myh vui nai molam y, Areng my vawi takhra nai Nimshi i chapo Jehu hawi avum bo.

2 NENG SATANG 25:16

Huna nai khala y Amazia my, “Kaimy nang ai mana khala samrang ai tau pei nai keung y kang khai mo? Nang ly awm pypy, ti y baly kang padei vui ai!” napi. Amo my ly “Nang ly hini atitichi sa iy kai i tau pei nai dawndan y lawh baly, Tameuh my nang ai padei ai nai dawn yb nai vai ly kai pany bo,” nanai thui chum baly sai py katheu y naimy awm pypy bo.

THEU NAI 10:1

Naibaly Areng my Mosi teng y, “Nang ly samrang teng y chei ly kai ly rengrang nairachi Aikupta khumichi teng y patei ai nai py, nichi teng y patei pi nai rengrang naichi satang nangmychi katu chanauchi teng y thui pi thai ai nai py, kai ly samrang hawi ni i bangtangchi ai paleung tang hai nai ne. Kai ly Areng ne, nanai nangchi bawibawi pany u ai,” napi.

THEU NAI 11:10

Naibaly Mosi nini Aron my samrang i mo y rengrang naichi sa pi i py, Areng my samrang i paleung tang hai cheng i Israela chengchi ai, my i pri theung i nai theu ai nai pei y bo.

THEU NAI 14:17

Kai ly Aikupta chengchi ai paleung tang hai nai deaungkho y, nichi ly Israela chengchi nithun hui u kathiu ai. Kai ly samrang hawi vanrei ni i tavaimichi, keaungngo ka-richi ai eaung nai khala ly kai i nang parai nai saichi niu u ai.

THEU NAI 14:4

Kaimy samrang i paleung tang hai cheng nai deaungkho y, ni ly nangchi ai ang hui ai; naibaly samrang ly kai i eaung naira niu ai i, ni i tavaimichi py kai i nang parai nai saichi niu u ai. Huna nai khala Aikupta chengchi py, kai ly Areng ne, nanai pany u ai,” napi. Israela chengchi ly Areng my leu pei nai kamta sa u bo.

THEU NAI 14:8

Areng ly samrang i paleung tang hai iy Israela chengchi ai hui u bo; Israela chengchi ly amo theu sau naimy theu u nai ne.

THEU NAI 4:21

Areng my Mosi teng y, “Vai nang ly Aikupta pri y vawi ali teang bo i, kaimy sa thai naira kang pei nai rengrang tlai naichi samrang i mo y so pi takengkei ba; na i py kaimy samrang i paleung tang hai ai; ni ly Israela chengchi ai theu ai nai pei ai ny y,” napi.

THEU NAI 9:12

Na i py Areng ly samrang i paleung tang hai taleang bi i, Areng my Mosi teng y leu pei yb nai kamta, Israela chengchi ai chei ai nai pei y bi nai ne.

THEU NAI 9:16

Na i py Khaileaung pri verei kai i sa thai naira niu u ai nai, kai ly nangchi ai deung sau hai nai ne.

ISAIA 14:24

Ati cheaungkhang sa thai nai keung Areng my vaineng abeu iy leu pei nai ly “Kai i dawn pasym yb naichi ly tym ai. Leu pacheang yb nai kamta ly tym takengkei ai.

ISAIA 34:2

Areng ly khumi cheng cheaungkhangchi i tlang tleaung y py, nichi i tavaimi kamkawm bawibawichi i tlang tleaung y py, kado theu nai deaungkho y phra hai ai nai pajeng bo.

ROM AVANGCHI TENG Y PAWLA I CHA PA NAI 9:18

Hunaibaly Tameuh ly mymy i ngai nai ngierei ai ly pahen iy, mymy i ngai nai ngierei ai py paleung tang hai ai.

Leu Thui Nai 2:30

“Na i py samrang Sihon ly achi ai ni i pri theung mang tako prei ai nai pei y. Nangchi i Areng Tameuh my huni samrang i paleung tang hai nai deaungkho y, achi my ni ai tiu pajau vui i, ni i pri peang vui iy vaini khrairei achi ly hu y khuteng sa jo nai ne.

Leu Thui Nai 7:16

Nangchi i Areng Tameuh my nangchi i kiu y au nai khumi ngiereichi ai nangchi ly tamyh pawn ai nai tla. Huni khumichi ai den py pahen moh, huni khumichi i tameuhchi ai chiu u moh, chiu u lawh baly nangchi ly dei u ai.

TARA CHIH NAI KEUNGCHI 14:4

Na i py Areng ly Philistia chengchi ai tiu ai nai neng kahawi hau nai deaungkho y, Samson ai hina nai sa hai nai ne, nanai ly ni i amhm ampo ly pany y. Huni neng ly Israela chengchi tlang tleaung y, Philistia chengchi my pajau nai neng ne.

1 SAMUELA 2:25

Khumi tengtawi tamang naichi ai Areng my ama hai pajau teu i py, Areng i tlang tleaung y tamang nai khumi ai ly ami my ama hai pajau ai mo?,’ nanai parip bo. Na i py nini ly ampo i parip nai leu tangai hawi y; ati mana nai monabaly Areng my nini ai padei ai dawn yb nai deaungkho y ne.