JOSUA 11:2 - Khumi Common Language Bible

² Tosyh mang i mawi aheung meingtym, Kalili ang tokalawi mang i Jordan tavo jawn, mawi kheutang hawi nidym mang Dora khu ka-peang y awm nai samrangchi teng y py, satang thai hai nai ne.

JOSUA 11:2 Iomraidhean Croise

1 ARENG KEH 15:20

Samrang Benhadad ly Asa i tau pei nai kamta sa ai nai ngai nai deaungkho y, my i tavai luchi hawi tavaimichi ai pato iy, Israela marychi ai tiu hai bo. Nichi ly Naphtali khu ka-peang verei bo y Ijon mary, Dan mary, Abel Beth Maaka mary hawi Kalili khuchi ai nga vui bo.

1 ARENG KEH 4:11

Solomon i chaniu Taphath ai pom nai Benabinada ly Dora khu verei y peang.

Kati Nai 34:11

hu i bo baly tokalawi mang Ain nisi ngan Harbel mang py, naibaly Kalili ang peang nisi mang i mawi aheungchi ai kan prei chum baly,

LUKA 1:39

Hunai khala y Mari ly angthau i, mawi tleaung y Judai pri i avang harei naira y chei praw:

LUKA 5:1

Naibaly hina nai ne, khumi mipuichi ly Tameuh i leu tangai ai nai mymy ai i meimeaung nai khala y ni ly Kenneseret ang peang y angdo nai ne;

JOSUA 10:40

Josua ly pri verei ai tiu nai eaung bo. Ni ly mawi tleaung pri i samrangchi, nisi mang mawi aheung hawi, nidym mang mawi kheutangra y awm nai samrangchi hawi, tokalawi mang i khutaha meingtymra y awm nai samrang bawibawichi ai py tiu i eaung nai ne. Huni pri i khumi bawibawichi ai leaungrei py tleaung y pa-rei tamyh pawn bo. Israela chengchi i Areng Tameuh my leu pei nai saho y hina nai sa nai ne.

JOSUA 10:6

Huna nai khala Kibeon mary i khumichi ly Kilakala meingtym y awm nai Josua teng y khumi pato i, “Nang i miseaungchi ai khai su moh; jeu kaliki ly kaichi ai atleu kyh ba. Mawi tleaung mang i Amori samrang bawibawichi ly amkawm iy kaichi ai tiu u bo,” nanai satang thai hai bo.

JOSUA 11:16

Josua ly tosyh mang y awm nai mawi aheung meingtym hawi mawi kheutang meingtymchi, tokalawi mang y awm nai mawi aheung meingtymchi hawi mawi kheutang meingtymchi, Kosen pri verei hawi huni i tokalawi mang y awm nai khutaha meingtym, Jordan tavo leaunghawi dengdairei pri verei ai tiu i peangvui nai ne.

JOSUA 11:21

Huni neng khala Josua ly Hebron mary, Debira mary, Arnet mary, Juda mawi aheung meingtym, Israela mawi aheung napi nai mawi aheung meingtymchira y awm nai tlumtlang len nai Anakim chengchi awm naira mang y tavai thau u bo. Josua ly Anakim chengchi ai leaungrei py tleaung y pa-rei padei iy, nichi i marychi ai py maitlawi kaleung hai bo.

JOSUA 12:23

Dora mary, (Kalili pri y awm nai) Koeng mary hawi,

JOSUA 12:3

Huni bo y tosyh mang Kalili ang dengdairei, pangli kadei nisi mang y awm nai Bethjesimoth mary tym pa-rei Jordan tavo leaunghawi, hu i nai bi baly Piska mawi kheutang ryrei kau nai khu ka-peang py abawi nai ne.

JOSUA 13:27

Jordan tavo leaunghawira y sa nai Besarim mary, Benimara mary, Sukkkoth mary, Zaphon marychi hawi, Hesabon samrang Sihon ka-peang theung i awm rai nai khu ka-peangchi abawi nai ne. Nichi i khu ka-peang khujyh ly Jordan tavo jeungrei tosyh mang Kalili ang ryrei ne.

JOSUA 17:11

Manase theaung ly Isakha hawi Asha khu ka-peangchi theung y awm nai Beth Shan mary, Ibalam mary hawi tengpang y awm nai marychi bo y, Dora mary (pangli peang y awm nai ne), Adora mary, Taanch mary, Mekido mary hawi, tengpang sahawi y awm nai marychi ai peang bo.

TARA CHIH NAI KEUNGCHI 1:27

Manase cheng theaungchi ly Basen mary, Taanach mary, Dora mary, Ibalam mary, Mekido marychi hawi, huni marychi sahawi y awm nai mary katheang kalenchira i khumichi ai patheu y nai ne. Hunai deaungkho y Kanan chengchi ly huni mary katheang kalenchira y my awm u jojo.