JOSUA 11:16 - Khumi Common Language Bible

¹⁶ Josua ly tosyh mang y awm nai mawi aheung meingtym hawi mawi kheutang meingtymchi, tokalawi mang y awm nai mawi aheung meingtymchi hawi mawi kheutang meingtymchi, Kosen pri verei hawi huni i tokalawi mang y awm nai khutaha meingtym, Jordan tavo leaunghawi dengdairei pri verei ai tiu i peangvui nai ne.

JOSUA 11:16 Iomraidhean Croise

SAM 105:44

Mymy ly nichi teng y khumi takhrachi i prichi pei pi nai deaungkho y, nichi ly huni khumichi i li hlauchi nga nai ne.

SAM 78:55

Mymy i khumichi jeu u nai khala, hu y athum ai nai pri y, awm yb nai khumichi ai patheu pi pawn bo; Israela cheng theaungchi teng y, huni pri ai phy paji pi chum baly, huni meingtym tleirei y khuteng cha hai bo.

Ezekiela 17:23

Asang keh nai Israela mawi saleung y kaui ai. Huni keung ly changpichi ampho iy athai py athai ai i, apu parai nai saitleang keung lawm ai. Huni keung y tavo cheaungkhangchi tabu sa u ai i, keung ka-khuira y py abyh u ai.

Ezekiela 36:8

Na i py Israela mawichira y dengkeaung keungchi ly ngam sai angpho ali teang iy, kai i khumi nang Israela chengchi i vui, athaichi athai ai. Nangchi ly kra y nai sala y nangmychi i pri y vawi ai nai nga u ai.

Leu Thui Nai 1:7

Tai aphrei iy khuleaung amso u jau. Amori chengchi awm nai mawitleaung pri hawi, huni sahawi i mawitleaung pri, adym angdeang, Jordan tavo jawn, tokalawi khu hawi Mrethe pangli mang y chei u. Hunaibaly Kanan pri mang y chei u, hu i bo baly Lebanon mawi lem iy Euphrat tavo tym pa-rei chei u.

JOSUA 10:40

Josua ly pri verei ai tiu nai eaung bo. Ni ly mawi tleaung pri i samrangchi, nisi mang mawi aheung hawi, nidym mang mawi kheutangra y awm nai samrangchi hawi, tokalawi mang i khutaha meingtymra y awm nai samrang bawibawichi ai py tiu i eaung nai ne. Huni pri i khumi bawibawichi ai leaungrei py tleaung y pa-rei tamyh pawn bo. Israela chengchi i Areng Tameuh my leu pei nai saho y hina nai sa nai ne.

JOSUA 10:41

Josua ly tokalawi mang i Kadesabana mary dengdairei, pangli peang sahawi y awm nai Kaza mary y tym pa-rei py, Kosen pri dengdairei tosyh mang i Kibeon mary tym pa-rei py, tavai thau u bo.

JOSUA 11:15

Areng ly mymy i miseaung Mosi teng y leu pei nai kamta, Mosi ly Josua teng y leu pei pateang bi nai ne. Josua my py Mosi my leu pei nai kamta sa. Areng my Mosi teng y leu pei nai ngierei ai Josua ly sa nai ne.

JOSUA 11:2

Tosyh mang i mawi aheung meingtym, Kalili ang tokalawi mang i Jordan tavo jawn, mawi kheutang hawi nidym mang Dora khu ka-peang y awm nai samrangchi teng y py, satang thai hai nai ne.

JOSUA 11:21

Huni neng khala Josua ly Hebron mary, Debira mary, Arnet mary, Juda mawi aheung meingtym, Israela mawi aheung napi nai mawi aheung meingtymchira y awm nai tlumtlang len nai Anakim chengchi awm naira mang y tavai thau u bo. Josua ly Anakim chengchi ai leaungrei py tleaung y pa-rei padei iy, nichi i marychi ai py maitlawi kaleung hai bo.

JOSUA 12:8

Huni meingtymchi ra y mawi aheung meingtym, nidym mang y mawi kheutang meingtym, Jordan tavo leaunghawi hawi huni sahawi y awm nai mawi kheutang meingtym, nidym mang mawi aheung meingtym hawi, tokalawi mang khutaha meingtymchi abawi nai ne. Huni meingtymchi ra y awm nai khumichi ly Hiti cheng, Amori cheng, Kanan cheng, Perizi cheng hawi Jebusi chengchi ne.

JOSUA 9:1

Jordan tavo nidym mang y awm nai mawi aheung, mawi kheutang, tosyh mang Lebanon mawi ryrei sau nai, Mrethe pangli peang meingtymchi ai peang nai samrang bawibawichi ly Israela chengchi i, eaung pawi sa nai satang thai u bo. Huni samrangchi ly Hiti cheng, Amori cheng, Kanan cheng, Perizi cheng, Hivit cheng, Jebusi cheng i samrangchi ne.