JOSUA 11:11 - Khumi Common Language Bible

¹¹ Nichi ly mary i awm nai khumichi ai, leaungrei py tleaung y pa-rei padei pawn i, mary ai py mai leng u veng bo.

JOSUA 11:11 Iomraidhean Croise

Leu Thui Nai 20:16

“Na i py nangchi i Areng Tameuh my pei nai pri i marychi ai nangchi peang nai khala ly mary theung y awm nai khumi ngiereichi ai tleh pawn ai nai tla.

Leu Thui Nai 3:7

Tawnbawichi hawi marychi theung i vawnsaichi py la pi pawn vui bo.

Leu Thui Nai 7:2

Nangchi i Areng Tameuh ly hini khumichi ai nangchi i kiu y au iy, nichi ai nangchi my eaung nai khala, nichi bawibawi ai tamyh pawn ai nai tla. Nichi hawi amkawm moh ly nichi ai pahen py pahen moh.

JOSUA 10:40

Josua ly pri verei ai tiu nai eaung bo. Ni ly mawi tleaung pri i samrangchi, nisi mang mawi aheung hawi, nidym mang mawi kheutangra y awm nai samrangchi hawi, tokalawi mang i khutaha meingtymra y awm nai samrang bawibawichi ai py tiu i eaung nai ne. Huni pri i khumi bawibawichi ai leaungrei py tleaung y pa-rei tamyh pawn bo. Israela chengchi i Areng Tameuh my leu pei nai saho y hina nai sa nai ne.

JOSUA 6:21

Nichi ly mary theung y awm nai neampacho, neampachy, miteaung deaungdichi ai py, si, beram, keaungngo kano kasauchi ai py, haisau hawi tleh u pawn bo.

JOSUA 6:24

Naibaly nichi ly mary hawi vanrei, mary theung y awm nai cheaungkhangchi ai, mai hawi leng pawn bo. Na i py nichi ly muku, tangka, kheupaja kamsen, tamochi hawi sa nai ateaungchi ai la iy, Areng i ateaung kry nai theung y khai u bo.