JOSUA 10:10 - Khumi Common Language Bible

¹⁰ Areng ly paleung ka-echi ai ahei phro iy preang hai bo. Huna nai khala Israela risachi ly Kibeon mary theung y, paleung ka-e neangneangchi ai tleh iy, Bethoron mawi aleaung palem i, tokalawi mang Azeka mary hawi Mekeda marychi khrairei tiu u nai ne.

JOSUA 10:10 Iomraidhean Croise

2 SAMUELA 22:15

Mymy ly thailihochi hawi ko iy paleung ka-echi ai ahei hai; amlosadi theu hai iy nichi ai preang hai bo.

1 ARENG KEH 9:17

Hunai deaungkho y Solomon ly Keza mary ai sa palum teang nai ne.) Solomon ly tlawi mang Beth Horon mary,

2 NENG SATANG 14:12

Asa hawi Juda tavaimi kamkawm ly Ethiopia chengchi ai tiu nai khala, Areng ly Ethiopia chengchi ai sum hai bo.

2 NENG SATANG 25:13

Huna nai thym khala y Amazia my tavai keung y abawi ai nai pei y nai Israela risachi ly Samari mary hawi Beth Horon mary sala y awm nai Juda marychi ai tiu i, khumi leaung 3,000 reichi ai padei iy, vawnsai neangneangchi la pi pawn nai ne.

SAM 18:14

Mymy ly thailihochi ko naimy, paleung ka-echi ai ahei hai pawn bo. Amlosadi theu hai naimy nichi ai angpreng hai bo.

SAM 44:3

Nang i khumichi ly huni pri y haisauchi hawi peang u nai ny y leang; mychi atho hawi py peang vui nai ny y leang; nang i sa thai naira haiho hawi, nang ly nichi ai tamen nai deaungkho y nichi hawi vanrei nangmy awm pi nai molam py, nichi ly huni pri y peang vui pajau nai ne.

SAM 68:14

Ati cheaungkhang sa thai nai Tameuh ly Zalmon mawi salo y samrangchi ai ahei hai nai khala, huni mawi salo y kadamchi tla hai bo.

SAM 78:55

Mymy i khumichi jeu u nai khala, hu y athum ai nai pri y, awm yb nai khumichi ai patheu pi pawn bo; Israela cheng theaungchi teng y, huni pri ai phy paji pi chum baly, huni meingtym tleirei y khuteng cha hai bo.

ISAIA 28:21

Areng ly Perazim mawi hawi Kibeon leaunghawira y sa nai kamta tavai thau ai. Mymy ly mymy i sa ai awm nai kalop amcheang pa-rei sa ai. Huni kalop ly aneng parai nai ne.

ISAIA 30:30

Areng ly khumi bawibawichi teng y phum-ang angym nai raawi thai hai iy, mymy i kado theu nai haiho avum hai ai. Mai kadeu kangveaungchi, kani pajyh nai, ji amaichi tla nai hawi, khri pa-rei kani nai hai ai.

ZEKHARIAH 14:3

Naibaly Areng ly jangni neng khala i kamta theu iy, huni khumichi ai tiu ai.

Leu Thui Nai 7:23

Areng ly nangchi i paleung ka-echi ai nangchi i kiu y au ai i, nichi ly ahei seaungkhrang iy kanghawi y myh u ai.

JOSUA 10:11

Israela risachi my tiu nai deaungkho y, Amori risachi ly mawi aleaung lam mang y preang u nai khala, Azeka mary tym pa-rei, lam jeungrei kani mang i ji amai kalen puichi, nichi i tlang tleaung y Areng my tla hai bo. Ji amai tla hai nai deaungkho y dei naichi ly Israela chengchi my padei iy dei nai tleaung y nawi keh nai ne.

JOSUA 10:28

Huni kani y my Josua ly Makedah mary ai tiu pajau iy, Makedah samrang ai patiu vui bo. Mary i khumichi ai py, leaungrei py takhawi y naimy tleh chauchau nai ne. Jeriko samrang ai padei nai kamta, Makedah samrang ai py padei teang bo.

JOSUA 10:9

Josua ly Kilakala mary i dengdairei, Kibeon mary mang y vumtorei tavai amsa i, Amori tavaimichi ai tiu tamangtang nai ne.

JOSUA 11:8

Areng ly Israela chengchi teng y paleung ka-echi tlang tleaung y eaung hai bo. Nichi ly tosyh mang Sidon mary hawi, Misrhoth Maim marychira y tym pa-rei py, nisi mang Mizapa leaunghawi y tym pa-rei py, paleung ka-echi ai tiu u i, leaungrei py tleaung y pa-rei padei u bo.

JOSUA 12:16

Makeda mary, Bethela mary,

JOSUA 15:35

Jamuth mary, Adulam mary, Sokoh mary, Azeka mary,

JOSUA 15:41

Kederoth mary, Bedakon mary, Naamah mary hawi Makedah mary napi nai mary kalen holai tariurei hawi vanrei, tengpang sahawi i avangchi py abawi nai ne.

JOSUA 16:3

Huni bo y nidym mang Japhaleti chengchi awm nai, tlawi Beth Horon meingtym y tym. Hu i nai bi baly Keza mary takoleu iy, Mrithe pangli ra y tem nai ne.

JOSUA 16:5

Ephraim theaung yhm dengtheungchi i vui phy pi nai khu ka-peang khujyh ly anui mang ichi ne. Nisi mang khujyh ly Atarothada mary dengdairei amteaung iy, nisi mang i tleng Beth Horon mary ai takoleu i,

JOSUA 21:22

Kibazim mary, Beth Horon mary napi nai mary palyhrei hawi, tengpang sahawi y awm nai sui tlai nairachi nga u.

TARA CHIH NAI KEUNGCHI 4:15

Naibaly paleung ka-echi ai tiu i, Areng my Sisera i tamo ka-richi hawi tavaimichi ai ahei hai phro nai deaungkho y, Sisera ly my i ka-ri tleaung i nai satla iy, angprengvui nai ne.

TARA CHIH NAI KEUNGCHI 4:16

Barka my py my i ka-richi hawi tavaimichi py cheng takhra khumichi awm nai Haroset mary y tym pa-rei hui i, Sisera i tavaimichi ly leaungrei py tleaung y na pa-rei dei u nai ne.

TARA CHIH NAI KEUNGCHI 5:20

Ka-si taukichi ly kani mang y atiu u; nichi ly kani khusang mang y amki prei nai thym khala, Sisera ai tavai tiu u bo.

1 SAMUELA 13:18

vai kamkawm harei nai ly Beth Horon mary awm nai mang y, takhra kamkawm harei nai ly Zeboim leaunghawi hawi daichi ka-vym mang y motha nai khujyh lam mang y hui u nai ne.

1 SAMUELA 17:1

Philistia chengchi ly Juda pri Sokoh mary y tavai tiu ai nai akachu u bo; huni mary hawi Azeka mary sala i, Ephe Damim napi nai meingtym y tai u.