JOSUA 1:9 - Khumi Common Language Bible

⁹ Hunai deaungkho y kai i leu pei nai kamta vam parai naimy awm ba. Jei nai awm moh. Paleung phra moh. Nang i Areng Tameuh ly nang i chei naira tleirei y nang hawi vanrei awm nai ne,” nanai leu pei bo.

JOSUA 1:9 Iomraidhean Croise

ATITI AWM ANGCHEI NAI 28:15

Kai ly nang hawi vanrei awm iy nang i chei naira tleirei y kaimy kang kry ai; kaimy kang awm hai ai; nang ai hini pri y kang pahawi ali teang ai. Nang hawi adeu nai leu angym y ryrei ly nang ai kang khai su y leang mang, nanai leu kang pei nai ly nang pany jo ai nai tla,” napi.

ATITI AWM ANGCHEI NAI 39:2

Areng my Josepha ai awm hai nai deaungkho y, ni i dawn naira tleirei y eaung hai jojo. Ni ly my i yhmkeung Aikupta khumi i yhm y awm bo.

ATITI AWM ANGCHEI NAI 39:3

Areng my Josepha teng y awm hai nai deaungkho y mymy i kalop sa nai tleirei y eaung naira nga nai niu bo.

2 SAMUELA 13:28

Abasalom ly samrangchi hawi amlau nai cha nei pawi pui angveirym iy miseaungchi teng y, “Amanon ly kreip hang nei nai pavui tleaungleaung nai khala y, kaimy leu kang pei ai. Huna nai khala y nangchi ly ni ai tleh u, jei u moh. Kaimy rara ne sy. Vam parai naimy so u! mynkym u moh! " napi.

1 NENG SATANG 28:20

Samrang Davida ly chapo Solomon teng y, “Nang ly ka-ym awm iy vam nai paleung awm ba. Kalop so amteaung ba. Atiti my py nang ai paka moh sy. Kai i chiu nai Areng Tameuh ly nang hawi vanrei awm ai. Mymy ly nang ai khai su ai ny y. Achura yhm i vui ngai nai atiti sa naichi pajau pa-rei, nang hawi vanrei awm hai ai.

2 NENG SATANG 15:7

Na i py nangchi ly ham parai nai awm u. Paleung atho di u moh. Nangchi i sa nai kalop molam y amtheaung naira nga u ai,” napi.

SAM 46:7

Ati cheaungkhang sa thai nai Areng ly achi hawi vanrei awm; Jakob i Tameuh ly achi i abyhra ne.

ISAIA 41:10

Jei u moh, kai ly nangchi hawi vanrei awm! Kai ly nangchi i Tameuh ne; ati mo ra py nangchi ai jei hyn hai ai ny y! Kai ly nangchi ai khaw hai iy sabawm ai. Nangchi ai ama hai iy atleu ai.

ISAIA 43:1

Israela chengchi awi, nangchi ai sa nai keung Areng my, “Jei u moh, nangchi ai kaimy atleu ai. Kaimy nangchi ai amyn pathi iy kang palau bo; nangchi ai kaimy peang.

ISAIA 43:5

Jei u moh, kai ly nangchi hawi vanrei awm! Kamlo parai nai nisi hawi nidym mang, kangtem keh meingtym dengdairei, nangchi ai nangmychi pri y, kaimy kang hawi ai.

ISAIA 8:12

“Nang ly huni khumichi i dawn tau naira y abawi moh. Nichi i jei hyn naira y jei moh.

DANIELA 10:19

Ni my, “Tameuh ly nang ai tamen nai ne. Hunai deaungkho y paleung mawn moh, jei moh,” ang napi. Hini leu thai nai khala kai ly atho awm teang chum baly ni teng y, “Areng awi, nang i thui ai awm nai ly thui ba. Nang ly kai ai awm hai nem ba,” napi.

HAKAI 2:4

Na i py aw mipuichi awi, paleung atho di u mo? Kai ly nangchi hawi vanrei awm nai ne iy, nangmychi sa ai awm nai kalop naini, nangchi so u.

HAKAI 2:5

Aikupta pri i dengdairei nangchi vawi u nai khala y, kai ly nangchi hawi vanrei awm jo ai, nanai adeu nai kamta, vai khrairei nangchi hawi vanrei kai awm; hunai deaungkho y jei u moh.

AMTAW 4:19

Na i py Petera nini Johan my ly nichi teng y, “Tameuh i mei ka-niu y Tameuh i leu patawm nai tleaung y ly nangchi i leu patawm nai teng keh lawh a? Dawn u cham.

Leu Thui Nai 20:1

“Nangchi ly paleung ka-echi ai tiu naira y, nangchi tleaung y atho len nai ka-ri kamkawm, keaungngo kamkawm, tavaimi kamkawmchi hawi avum nai khala, nichi ai jei u moh. Nangchi ai Aikupta pri i dengdairei atleu nai keung Areng Tameuh ly nangchi hawi vanrei awm hai ai.

Leu Thui Nai 31:23

Naibaly Areng my Nun i chapo Josua teng y, “Atho alo ly sorai paleung thau. Nang ly Israela chengchi ai lu sa iy kaimy adeu nai pri y kun ai nai nga ai, kai ly nang hawi vanrei awm hai ai,” nanai thui pi.

Leu Thui Nai 31:28

Kai ly hini satangchi thui pi thai ai nai, nangchi cheng theaungchi i lu sa nai keungchi hawi miteaung keh bawibawichi ai angym hai, kaimy kani hawi khaileaung ai tauh iy nichi teng thui pi ai.

JOSUA 1:10

Naibaly Josua ly lu sa naichi ai palau i, Tai tleirei y awm nai khumichi teng y chei hai iy,

JOSUA 1:17

Mosi i leu tangai nai kamta, nang i leu py tangai ai. Areng Tameuh ly Mosi hawi vanrei awm nai kamta, nang hawi py vanrei awm hai sy.

JOSUA 1:18

Nang i peang nai akhi vui iy, leu pei nai ngai y nai khumi ly dei naira avum ai. Hunai deaungkho y atho sa iy vam parai naimy awm ba,” nanai pathang u bo.

JOSUA 10:25

Josua my tavai luchi teng y, ‘Areng ly nangchi i paleung ka-e ngiereichi ai, hina nai kamta sa nai deaungkho y jei u moh; paleung phra u moh; atho sa iy paleung sorai naimy awm u,” napi.

JOSUA 10:8

Areng my Josua teng y, “Nichi ai jei moh. Kai ly nichi ai nang i kiu y kang au bo. Ami py nang ai amtang pajau y leang,” napi.

JOSUA 3:7

Areng ly Josua teng y, “Israela chengchi i mo y vaini dengdairei, nang ai kaimy tahm kang pasang ai. Kai ly Mosi hawi vanrei awm nai kamta, nang hawi py vanrei awm, nanai nichi pany u ai.

JOSUA 6:27

Areng ly Josua hawi vanrei awm nai deaungkho y, ni i amyn ly pri verei y amthang nai ne.

JOSUA 8:1

Areng my Josua teng y, “Nang ly tavaimi risachi hawi vanrei, A-i mary mang y tavai thau ba. Jei moh, paleung phra moh. Kai ly nang i kiu y A-i samrang hawi vanrei, mipuichi, ni i mary, ni i khu ka-peang kang pei ai.

TARA CHIH NAI KEUNGCHI 6:14

Hunaibaly Areng my, “Nangmy i atho haiho pui hawi chei iy, Midian chengchi teng i nai Israela chengchi ai atleu ba. Kaimy nang ai kang pato nai bo,” napi.

1 SAMUELA 10:7

Huni atitichi ang tym nai khala y, Tameuh my lam patei nai kamta so.