JOSUA 1:6 - Khumi Common Language Bible

⁶ Nang ly atho sa iy vam parai naimy awm ba. Nang ly hini khumichi ai lu sa iy, nichi i amsi pajochi teng y kaimy pei ai adeu nai pri y kun iy tiu vui ai nai tla.

JOSUA 1:6 Iomraidhean Croise

ATITI AWM ANGCHEI NAI 12:7

Areng ly Abram teng y amteng i, “Hini pri ly nang i kangpreangchi teng y kapei ai,” napi. Naibaly Abram ly mymy teng y amteng hai nai Areng i vui maicham sa bo.

ATITI AWM ANGCHEI NAI 26:3

Vai hini pri y awm rai, kai ly nang hawi vanrei awm ai i, amtheaung hai ai. Kaimy nang hawi nang i kangpreangchi ai hini khu ka-peang bawibawi kang pei ai. Nang i ampo Abraham teng y kaimy adeu nai kamta sa pi ai.

2 SAMUELA 10:12

Achi ly ham parai naimy achi i khumichi hawi achi i Tameuh i marychi i vui atho sa iy tiu u sina! Areng ly mymy i ngai nai kamta so sy!” napi.

1 ARENG KEH 2:2

Samrang my, “Kai ly dei ai nai neng tym bo; nang ly nangmy ai a-ym iy ham parai naimy,

1 NENG SATANG 22:13

Nang ly Israela chengchi i vui Mosi teng y Areng my pei nai reitachi ai kry baly, nang i dawn nai kamta eaung ai. Atho so ly ka-ym awm ba. Ati sai py jei moh.

1 NENG SATANG 28:10

Areng ly mymy i chai parai nai Achura yhm sa ai nai molam, nang ai vawi takhra bo, nanai nang pany ai nai tla. Hunaibaly vaimy huni Achura yhm sa pajau. Atho ala iy so ba,” napi.

1 NENG SATANG 28:20

Samrang Davida ly chapo Solomon teng y, “Nang ly ka-ym awm iy vam nai paleung awm ba. Kalop so amteaung ba. Atiti my py nang ai paka moh sy. Kai i chiu nai Areng Tameuh ly nang hawi vanrei awm ai. Mymy ly nang ai khai su ai ny y. Achura yhm i vui ngai nai atiti sa naichi pajau pa-rei, nang hawi vanrei awm hai ai.

2 NENG SATANG 15:7

Na i py nangchi ly ham parai nai awm u. Paleung atho di u moh. Nangchi i sa nai kalop molam y amtheaung naira nga u ai,” napi.

2 NENG SATANG 20:11

Hina nai sa nai molam y nichi my vawitheung tha teang i, kaichi ai nang i pei nai pri dengdairei patheu ai nai ang tym u bo.

2 NENG SATANG 20:7

Nang ly kaichi i Tameuh ne. Nang i khumi Israela chengchi ly hini pri y kun nai thym khala, nang ly hini pri y awm yb nai khumichi ai patheu vui iy, hini pri ly nangmy i ahawi Abraham i kangpreangchi teng y deungtasarei amtym ai nai pei pi bo.

SAM 27:14

Areng ai ly ym ba. Paleung phra moh; ym naira awm. Areng ai ly ym.

DANIELA 10:19

Ni my, “Tameuh ly nang ai tamen nai ne. Hunai deaungkho y paleung mawn moh, jei moh,” ang napi. Hini leu thai nai khala kai ly atho awm teang chum baly ni teng y, “Areng awi, nang i thui ai awm nai ly thui ba. Nang ly kai ai awm hai nem ba,” napi.

HAKAI 2:4

Na i py aw mipuichi awi, paleung atho di u mo? Kai ly nangchi hawi vanrei awm nai ne iy, nangmychi sa ai awm nai kalop naini, nangchi so u.

ZEKHARIAH 8:9

“Sorai paleung awm u! Nangchi thai u nai leuchi ly kai i Achura yhm sa palum teang ai nai langdeng pala nai neng khala y, amochi thui nai leuchi ne.

Kati Nai 26:53

“Khumi theaungchi i vuikanai nawi, di ka-ly khen iy Kanan pri phy paji pi.

Kati Nai 33:53

Kai ly nangchi teng y huni pri pei nai deaungkho y, nangchi ly huni pri ai tiu iy khuteng sa u ai nai tla.

I KORINTH 16:13

Atyp u ly, ym naira y ly khaw pa-rei angdo u, vam u ly., ham parai naimy awm u.

EPHESI 6:10

Kangkhym i naira y ly Areng y hawi mymy i atho y ly ham parai naimy awm u.

Leu Thui Nai 1:8

Nangchi i amsi pajo Abraham, Isaka, Jakob hawi nichi i kangpreangchi teng y, hini pri bawibawi pei ai, nanai Areng my leu adeu nai ne. Nangchi chei u ly peang u,’ nanai leu ang pei,” napi.

Leu Thui Nai 11:8

“Vaini nangchi ai kaimy pei nai reita leu bawibawichi patawm u. Huna i naini nangchi ly hu mang vai i pri peang u pajau ai.

Leu Thui Nai 31:23

Naibaly Areng my Nun i chapo Josua teng y, “Atho alo ly sorai paleung thau. Nang ly Israela chengchi ai lu sa iy kaimy adeu nai pri y kun ai nai nga ai, kai ly nang hawi vanrei awm hai ai,” nanai thui pi.

II TIMOTHEI 2:1

Hunaibaly kai i chanau awi, nang ly Krista Isu y awm nai pahenra deaungkho y ham naira nga ryh nga ryh nai awm ba.

JOSUA 1:18

Nang i peang nai akhi vui iy, leu pei nai ngai y nai khumi ly dei naira avum ai. Hunai deaungkho y atho sa iy vam parai naimy awm ba,” nanai pathang u bo.

JOSUA 1:7

Atho sa iy vam parai naimy awm ba. Kai i miseaung Mosi my pei nai reita bawibawichi ai takhawi y naimy kry ba. Reita leu pei nai ngierei ai ati sai py takhawi y naimy kry baly, nang ly nangmy dawn nai kamta eaung ai.

JOSUA 1:9

Hunai deaungkho y kai i leu pei nai kamta vam parai naimy awm ba. Jei nai awm moh. Paleung phra moh. Nang i Areng Tameuh ly nang i chei naira tleirei y nang hawi vanrei awm nai ne,” nanai leu pei bo.

JOSUA 10:25

Josua my tavai luchi teng y, ‘Areng ly nangchi i paleung ka-e ngiereichi ai, hina nai kamta sa nai deaungkho y jei u moh; paleung phra u moh; atho sa iy paleung sorai naimy awm u,” napi.

JOSUA 13:6

Peang vui ai nai awm rai nai khu ka-peangchi ly Lebanon mawi hawi Misrepho Main mary sala, mawi aheung meingtym y awm nai Sidon chengchi i khu ka-peang bawibawi py abawi nai ne. Israela chengchi ly hini prichi ai peang vui ai nai amsa u nai khala, nichi bawibawi ai kaimy paryh vui ai. Kai ly nang ai leu kang pei nai kamta, Israela chengchi i vui khu ka-peang bawibawi ai phy paji pi ai nai tla.

JOSUA 18:3

Hunai deaungkho y Josua my Israela chengchi teng y, “Nangchi i amsi pajochi i Areng Tameuh my, nangchi ai pei nai pri theung y kun u y naimy, mana tanrei ajeng u jo ai mo?

JOSUA 21:43

Hina nai kamta Areng ly Israela chengchi i amsi pajochi teng y pei ai, nanai adeu hai nai pri verei ai, nichi ai pei pi nai ne. Nichi ly huni pri ai peang vui iy, hu y khuteng sa u bo.

1 SAMUELA 4:9

Philistia chengchi awi, paleung sorai u sy, neampacho luitang kamta tiu u, ti y baly Hebrai chengchi ly achi teng y miseaung achei reng nai kamta, achi ly nichi y teng miseaung achei ai nai tla ai; hunai deaungkho y neampacho luitang kamta tiu u!” napi.