JOSUA 1:5 - Khumi Common Language Bible

⁵ Josua awi, nang heng nai ryrei ly ami py nang ai tiu pajau ai ny y. Kai ly Mosi hawi vanrei awm nai kamta, nang hawi py vanrei awm ai, nang ai mana khala py kangkhai su ai ny y. Nang hawi vanrei kang awm jojo ai.

JOSUA 1:5 Iomraidhean Croise

ATITI AWM ANGCHEI NAI 39:2

Areng my Josepha ai awm hai nai deaungkho y, ni i dawn naira tleirei y eaung hai jojo. Ni ly my i yhmkeung Aikupta khumi i yhm y awm bo.

1 ARENG KEH 1:37

Areng ly nang hawi vanrei awm hai nai kamta, Solomon hawi vanrei py awm hai iy, ni i peang nai neng khala ly nang i peang nai neng tleaung y nang chawn hai keh na sy,” napi.

1 ARENG KEH 11:38

Nang ly kai i leu pei naichi tangai angchi khyp iy, kai i Reitachi patawm naimy kai i miseaung Davida kamta, kai i leu tangai nai hawi kai khrei pa-rei sa baly, nang hawi vanrei kang awm hai jojo ai. Nang ai Israela samrang y kang palyn ai i, Davida i katu chanauchi vui y sa pi nai kamta ly nang i katu chanauchi ai py, nang bo y meitang khyp naimy samrang lawm hai ai.

1 ARENG KEH 6:13

Nang i sa nai Achura Yhm theung y hawi, kai i khumi Israela chengchi theung y py, kai awm ai,” napi.

1 ARENG KEH 8:57

Achi i Areng Tameuh ly amsi pajochi hawi vanrei awm hai nai kamta, achi ai mana khala py khai su y naimy, achi hawi vanrei awm hai sy.

1 NENG SATANG 28:20

Samrang Davida ly chapo Solomon teng y, “Nang ly ka-ym awm iy vam nai paleung awm ba. Kalop so amteaung ba. Atiti my py nang ai paka moh sy. Kai i chiu nai Areng Tameuh ly nang hawi vanrei awm ai. Mymy ly nang ai khai su ai ny y. Achura yhm i vui ngai nai atiti sa naichi pajau pa-rei, nang hawi vanrei awm hai ai.

SAM 46:11

Ati cheaungkhang sa thai nai Areng ly achi hawi vanrei awm; Jakob i Tameuh ly achi i abyhra ne.

THEU NAI 3:12

Tameuh my, “Kai ly nang hawi vanrei awm ai; kaimy nang ai kang pato nai ka-ma-ra ly nangmy huni khumichi ai Aikupta pri i dengdairei pahawi nai khala, nangchi bawibawi ly hini mawi y kai, Tameuh ai chiu u ai,” napi.

ISAIA 42:16

“Kai ly kaimy i mei kamjuchi ai nichi tako vai y nai lam mang kapahawi ai. Kai ly nichi i mo y, kaveng ai kangvang lawm hai iy, khuleaung lam hawi y nai ai thleaungthlang hai ai. Hinichi kai sa ai; kaso y naimy awm ai ny y.

JEREMIA 1:8

Kai ly nang hawi vanrei awm iy, nang ai asa hai ai. Hunai deaungkho y nang ly nichi ai jei moh; hini ly kai, Areng i thui nai leu ne! " nanai kai teng y leu ang pei bo.

DANIELA 11:16

Tavai amsa nai Suria samrang ly amtang naira avum y naimy, nichi ai mymy ngaingai sa pajau ai. Ni ly adeu nai pri y kun iy, my i kiu theung y angym pa-rei tym hai ai.

MATTHAI 28:20

leu kang pei nai bawibawi tangai ai nai nichi ai patiu u. Naibaly khen cham, kaimy kypkyp ly neng tem pa-rei py nangchi teng y kang awm jojo ai,” napi.

ROM AVANGCHI TENG Y PAWLA I CHA PA NAI 8:31

Hunaibaly hunichi i molam y ly achi mana thui ai mo? Tameuh my achi mang y asa baly ami my ang tiu pajau ai mo?

ROM AVANGCHI TENG Y PAWLA I CHA PA NAI 8:37

Ny y leang! Huni bawibawi y ly ang tamen nai keung deaungkho y achi ly pajau nai tleaung y pajau ra nai keung ne.

Leu Thui Nai 20:1

“Nangchi ly paleung ka-echi ai tiu naira y, nangchi tleaung y atho len nai ka-ri kamkawm, keaungngo kamkawm, tavaimi kamkawmchi hawi avum nai khala, nichi ai jei u moh. Nangchi ai Aikupta pri i dengdairei atleu nai keung Areng Tameuh ly nangchi hawi vanrei awm hai ai.

Leu Thui Nai 20:4

Nangchi i Areng Tameuh ly nangchi hawi vanrei tavai thau ai i, mymy ly nangchi ai tavai eaung hai ai,’ nanai tavaimichi ai atho pei ai nai tla.

Leu Thui Nai 31:23

Naibaly Areng my Nun i chapo Josua teng y, “Atho alo ly sorai paleung thau. Nang ly Israela chengchi ai lu sa iy kaimy adeu nai pri y kun ai nai nga ai, kai ly nang hawi vanrei awm hai ai,” nanai thui pi.

Leu Thui Nai 4:31

Areng ly pahen parai nai Tameuh ne. Mymy ly nangchi ai khai su y ai i, tama py tama hai vui ai ny y. Mymy ly nangchi i amsi pajochi hawi asa nai Leu Maikawm ai py tami pi ai ny y.

Leu Thui Nai 7:24

Mymy ly nichi i samrangchi ai nangchi i kiu y au ai. Nangchi ly huni samrangchi ai tamyh pawn nai deaungkho y, nichi i satang ly khumichi my tami u pawn ai. Mani paleung ka-echi my py, nangchi ai amtang pajau ai ny y. Nangchi ly paleung ka-e bawibawichi ai tamyh u ai.

II TIMOTHEI 4:17

Na i py aeu nai leu ly kaimy deaungkho y thui pi angym thai ai nai hawi, Cheng Takhra bawibawichi ly thai ai nai py Areng ly kai ai ama hai i, ham hai:khrangsi takai i labeaung i nai py kai ai ang tleaung hai.

HEBRAI 13:5

Nangchi i paleung awm nai sai ly tangka ai paleung no nai abawi y nai awm sy; nangchi i awm nai ryrei my paleung hawi u; mymy kypkyp my ly, “mana khala y py kang patlaw y ai i, khai py kang khai su y leang mang” napi.

JOSUA 1:17

Mosi i leu tangai nai kamta, nang i leu py tangai ai. Areng Tameuh ly Mosi hawi vanrei awm nai kamta, nang hawi py vanrei awm hai sy.

JOSUA 1:9

Hunai deaungkho y kai i leu pei nai kamta vam parai naimy awm ba. Jei nai awm moh. Paleung phra moh. Nang i Areng Tameuh ly nang i chei naira tleirei y nang hawi vanrei awm nai ne,” nanai leu pei bo.

JOSUA 10:8

Areng my Josua teng y, “Nichi ai jei moh. Kai ly nichi ai nang i kiu y kang au bo. Ami py nang ai amtang pajau y leang,” napi.

JOSUA 21:44

Areng my nichi i amsi pajochi teng y leu adeu nai kamta, pri verei y tlamsa nai awm bo. Areng my Israela chengchi teng y, paleung ka-e awm nai ngiereichi ai tiu i, eaung hai bo. Mani paleung ka-e my py, nichi ai amtang pajau y.

JOSUA 3:7

Areng ly Josua teng y, “Israela chengchi i mo y vaini dengdairei, nang ai kaimy tahm kang pasang ai. Kai ly Mosi hawi vanrei awm nai kamta, nang hawi py vanrei awm, nanai nichi pany u ai.

JOSUA 6:27

Areng ly Josua hawi vanrei awm nai deaungkho y, ni i amyn ly pri verei y amthang nai ne.

TARA CHIH NAI KEUNGCHI 2:18

Areng ly Israela chengchi ai lu sa nai keung leaungrei theu hai nai tleirei, Areng my huni lu sa nai keung ai sabawm nai deaungkho y, huni lu sa nai keung heng nai ryrei ly nichi ai paleung ka-echi teng i nai atleu pi. Areng ly nichi ai khri pa-rei pahen nai ne; ati mana nai mo nabaly nichi ly ngari kamtang hawi pahyp y naimy ana naira avum u iy, vo tangam u nai deaungkho y ne.

TARA CHIH NAI KEUNGCHI 6:16

Areng my, “Kai ly nang ai sabawm ai i, huni ly nang sa pajau ai; nang ly khumi leaungrei ai tiu pajau vui nai kamta, Midian chengchi ai rai y naimy tiu pajau ai,” napi.

1 SAMUELA 10:7

Huni atitichi ang tym nai khala y, Tameuh my lam patei nai kamta so.