JONA 3:6 - Khumi Common Language Bible

⁶ Huni satang ai Ninevi samrang my thai nai khala y, samrang atehra i nai ang thau i, samrang ateaung aleng vui iy paisiu amchiu bo. Naibaly maidym theung y ateh nai ne.

JONA 3:6 Iomraidhean Croise

1 ARENG KEH 21:27

Elija my hini leu thui pi pajau nai khala y Ahab ly mymy i ateaungchi sei vui iy, paisiu amchiu bo. Ni ly teicha py cho y naimy paisiu amchiu iy i bo. Aleaung ali nai khala py meimai takhuisui nai ne.

JOBA 2:8

Joba ly my i angvawichi tahu ai nai laawm phei la iy, maidym theung y ateh.

JOBA 42:6

Hunai deaungkho y kai ly kaimy i katheu chum nai leuchi molam y, kaji naimy spryh hawi maidym theung y ateh iy, uikheih naira nga bo.

ISAIA 15:3

Lamchira y awm nai khumichi ly paisiu akhiu u nai ne. Khaileaung ka-hochi hawi yhm amphuchi salo y py, paleung si nai patei iy vo u bo.

JEREMIA 13:18

Areng ly kai teng y, “Samrang hawi my i amhm i apu parai nai areng lukhymchi ly mychi lu i nai tla pawp veng bo i, nichi teng y mymychi i samrang atehra i nai satlo u sy, nanai thui pi.

JEREMIA 36:13

Mikaia ly khumi mipuichi teng y Baru i phain pi naichi theung i, my i thai nai ngiereichi huni khumichi teng y thui pi bo.

JEREMIA 36:24

Na i py cha aeangra abawi nai leu sai bawibawichi thai nai samrang py, bangtangchi py jei hyn y, uikheih nai ka-ma-ra py patei u y.

JEREMIA 6:26

Areng my mymy i khumichi teng y, “Nangchi ly paisiu akhiu iy maidym theung y jawn y tlawntlai; chanau leaungrei dei keng nai molam y vo tangam nai kamta, paleung ama naimy vo u. Ati mana nai mo nabaly nangchi ai tamyh pawn ai nai keung ly vaimy ang jeu iy ang tiu praw ryp ai nai deaungkho y ne.

TANGAM NAI LEU 2:10

Jerusalem mary i miteaungchi ly paisiu kanih akhiu naimy mymychi i lu tleaung y spryhchi aprawn iy, khaileaung y tynteng y naimy ateh u bo. Mary i anglochi py khaileaung y lu meung naimy awm u nai ne.

TANGAM NAI LEU 3:29

Athang khai naira awm py awm lym ai i, achi ly ahui naimy khaileaung y lu meung ai nai avo.

Ezekiela 26:16

Pangli mang khuleaung chei nai prichi i samrang bawibawichi ly samrang atehrachi ra i nai satla u iy, mymychi i ateaung kangjiuchi hawi, mawi en thun nai ateaungchi aleng iy khaileaung y kaso theu naimy ateh u ai. Nang i avum nai khym taham ai niu iy nichi ly lyh naimy, kaso theu u jojo ai.

DANIELA 9:3

Naibaly kai ly biu hai naimy paisiu kanih akhiu iy, maidym theung y ateh i, Areng Tameuh teng y chiu sa hnei takeng nai ne.

MIKHA 1:10

Kath mary y awm nai paleung ka-echi teng y, achi i tavai sum nai satang ly thui pi moh. Nangchi i vo nai py nichi niu u moh sy. Beth Leaphra mary i khumichi awi, paleung phra atho di nai sai amteng ai nai, spryhra y aho u.

MATTHAI 11:21

“Aw Korazin awi! Nang ly taham si! Aw Bethsaida awi! Nang ly taham si! Nangni i meingtym y atiti rengrang sa naichi ly Tura hawi Sodom avang y sa nai ne iy khyly, nini ly jangni ka-so paisiu kanih akhiu iy, maiphu ataphum naimy uikhei pawn ai bo.

LUKA 10:13

“Aw Korazin awi, nang ly taham si! Aw Bethsaida awi, nang ly taham si! Nangni i meingtym y atiti rengrang sa naichi ly Tura hawi Sidon avang y sa nai ne i khyly, nini ly jangni ks-so paisiu kanih akhiu nai, maiphu theung y ateh iy uikhei pawn ai bo.