JONA 2:7 - Khumi Common Language Bible

⁷ Kai ly dei enten nai neng khala, aw Areng, kai ly nang teng y chiu kang sa. Nang py nangmy i Achura yhm kachai mang my, kai i chiu sa nai raawi tangai pi kyh ba.

JONA 2:7 Iomraidhean Croise

2 NENG SATANG 30:27

Pathyp pi nai keungchi hawi Levi theaungchi ly mipuichi i vui, Areng teng i amtheaung naira hnei pi nai deaungkho y, Tameuh ly mymy i awm nai kani pri mang dengdairei, nichi i chiu sa nai pathang pi nai ne.

SAM 11:4

Areng ly Achura yhm kachai theung y awm; mymy i areng atehra ly kani pri mang y awm. Mymy ly khumi bawibawichi ai khen patawm iy, nichi i sa nai leaungsaichi pany pi.

SAM 142:3

Kai ly paleung phra nai khala y kai i tako ai nai lam mymy pany nai ne. Kai i tako nai lam y paleung ka-echi ly kai i vui deaung pateung pi yb bo.

SAM 143:5

Kai ly lawm veng nai neng kanichi ai tami pajau y; kai ly nang i sa nai ngiereichi ai dawn pasym bo; nang i sa nai kuchi bawibawichi ai py dawn pasym nai ne.

SAM 18:6

Kai ly patangra avum nai y Areng ai kapalau; kasabawmra nga ai nai kai i Tameuh ai kapalau nai ne. Mymy ly Achura yhm theung i dengdairei kai i palau nai raawi tangai pi bo.

SAM 20:7

Phyrei khumichi ly mychi i tavai ka-ri hawi keaungngochi ai a-ym u. Na i py achi ly achi i Areng Tameuh ai a-ym u nai ne.

SAM 22:14

Kai i atho ly khaileaung y beu nai tui kamta phuirawm veng bo. Kai i hiu bawibawichi ly athlengthlai pawn bo. Taku theung i paleung pakawi ly tlawn vui nai phajeaungdeng kamta lawm bo.

SAM 27:13

Areng i hawi nairachi hini deung y kai ly niu ai, nanai ym bo.

SAM 42:11

Kai ly ati mana nai y hina tanrei paleung atho di ai mo? Ati mana nai y paleung bi paleung mawn ai mo? Kai ly Tameuh ai athang khai ai; kai i atleu keung, kai i Tameuh ai kapalo bi ai.

SAM 42:5

Kai ly ati mana nai y paleung ama lawh mo? Ati mana nai y paleung bi paleung mawn lawh mo? Kai ly Tameuh ai athang khai naimy kaawm ai. Kai i atleu keung, kai i Tameuh ai kapalo bi ai.

SAM 43:5

Kai ly ati mana nai y hina tanrei paleung atho di ai mo? Ati mana nai y paleung bi, paleung mawn mo? Kai ly Tameuh ai athang khai ai; kai ai atleu keung, kai i Tameuh ai kapalo bi ai.

SAM 65:4

Nang i Achura yhm y awm iy, nang teng y ahihawi ai nai nangmy vawi takhra nai khumichi ly taham hawi nai ne. Kaichi ly nangmy i yhm dengdairei hawi nairachi, nang i Achura yhm kachai i amtheaung nairachi nga u nai deaungkho y, paleung tienem ai.

ISAIA 38:17

Kai i paleung bi naira ly paleung savairu nai mang y amtlau vui ai. Nang ly kai i tlang ai ka-jeira cheaungkhangra i nai atleupi bo. Kai i kamngo ngierei py pahen pi bo.

ISAIA 50:10

Areng ai tahm khai iy, mymy i miseaung i leu tangai nai khumichi awi, nangchi i tako ai nai lam ly veng py veng lym ai. Na i py nangchi ly Areng ai ym u; Nangchi i Tameuh ai paleung pado u.

JONA 2:4

Nang i mei ka-niu i nai kai ai patheu vui nai deaungkho y, nang i Achura yhm kachai ai, mana khala py niu ai ny y leang bo, nanai dawn.

MIKHA 1:2

Khumi cheng cheaungkhangchi awi, tangai u; khaileaung pri i khumi bawibawichi awi, tangai u! Sa thai naira angym nai Areng ly nangchi hawi y nai pany hai ai. Tangai u! Mymy ly kani pri Achura yhm mang my leu pei bo.

HABAKKUK 2:20

Areng ly mymy i chai parai nai Achura yhm y awm. Khaileaung pri y awm nai khumi bawibawichi ly mymy i mo y awmnem naimy awm u sy.

HEBRAI 12:3

Nangchi ly phailo mang y paha u y naimy akawm y ai nai ly, mymy i tlang tleaung y khumi kamngochi i huna tanrei aei akhikan naira patang nai keung ai ly dawn u cham.

1 SAMUELA 30:6

Davida i khumichi ly mychi i cho chanauchi chau pawn nai molam y paleung si naimy, Davida ai lengseaung hawi aphi ai nai pahyn nai deaungkho y, Davida ly rai naira avum bo. Na i py ni ly mymy i Areng Tameuh teng i dengdairei atho nga nai ne.