JONA 2:6 - Khumi Common Language Bible

⁶ Kai ly mawichi kheutang y tym pa-rei py, vawi lam by y nai tavau pri mang y py, anum vui bo. Na i py, aw kai i Areng Tameuh, nang ly kai ai thiu paraira i dengdairei atleu bo.

JONA 2:6 Iomraidhean Croise

JOBA 33:24

Huni kani pri amtawi thau naimy ly pahen i, “Ni ai patleaung pi! Ni ly tavau pri y satla ai nai ny y. Ni ai atleu ai nai vang ly hi y awm,” nanai thui ai.

JOBA 33:28

Mymy ly kai ai tavau pri y chei hai y bo; naibaly kai ly vai, kaheng jo rai,” nanai thui ai.

SAM 104:6

Naibaly huni khaileaung ai suida pangli hawi kanih kamta khiu bo; tui py mawichi ai um nai ne.

SAM 104:8

Tuichi ly mawi saleung i dengdairei leaunghawichi mang py, nangmy nichi i vui sa pi yb nai meingtym mang py leaung nai ne.

SAM 116:3

Deira ka-jei awm nai ly kai ai patiu bo; deira ly kai ai taki maimy awm; Kai ly jei hyn i, paleung mawn parai na bo.

SAM 143:7

Aw Areng, vaimy kai i hnei takeng nai pathang pi kyh ba! Kai ly athang khai naira pipi by y na bo. Kai ai meimai hi pi veng moh kyh ba; meimai hi pi vui lawh baly kai ly tavau kho y chei nai khumi kamta lawn ai.

SAM 16:10

Ati mana nai mo nabaly nang ly kai ai tavau kho y chei ai nai pei y nai deaungkho y ne. Kai ly ka-ym awm parai naimy kalop sa pi bo. Kai ai deira tavau kho y au su ai ny y.

SAM 18:5

Deira vuinawnchi ly kai ai ang pi cheng na. Deira angawm my ly kai ai patiu ai nai deaung pateung yb bo.

SAM 30:3

Kai ai deira tavau kho i dengdairei palau ali teang bo. Kai ly tapreaung angawm theung y satla nai ne i py, nang ly kai ai dei hai y naimy, heng ai nai pei bo.

SAM 30:9

“Kai dei baly ati amran ai mo? Tapreaung angawm y tym nai molam y ati kahawi theu ai mo? Khumi kadeichi ly nang ai palo pajau na a? Nichi ly nang i ka-ym awm nai amthang hai pajau na a?

SAM 55:23

Na i py aw Tameuh, nang ly khumi ai padei nai keungchi hawi, tapawp nai keungchi ai, nichi i deung ka-hyhrei tym y rai khala my tapreaung angawm theung y ang vum hai ai; kai naini ly nang ai kang-ym ai.

SAM 65:6

Nang ly sa thai naira hawimy mawichi ai meingtym tasyh iy, nang parai nai sa thai naira pateng bo.

SAM 69:2

Kai ly thiu parai nai aneaung kapan theung y a-up bo; kheu amchynra khaileaung katang by y; kai ly tui kathiu mang y tym na bo; tui sampyhchi ly kai ai ang-um ai bo.

ISAIA 38:10

Kai ly saneng kachi awm ai ny y, hawi khyp khala my tavau pri y ang vum ai bo, nanai kadawn nai ne.

ISAIA 38:17

Kai i paleung bi naira ly paleung savairu nai mang y amtlau vui ai. Nang ly kai i tlang ai ka-jeira cheaungkhangra i nai atleupi bo. Kai i kamngo ngierei py pahen pi bo.

ISAIA 40:12

Suida pangli tui ai kiu padawi hawi neh nai khumi, ti y baly kani khusang ai kiu hawi kah iy pata pajau nai khumi awm a? Khaileaung kathau ngiereichi ai khaura y khai pajau nai khumi, ti y baly mawi katheang kalenchi ai, sie khyry hawi neh pajau nai khumi awm a?

Ezekiela 26:20

Jangni jangkhawn khala heng nai khumichi hawi vanrei awm ai nai, nang ai khaileaung anui tavau pri y kang tha ai. Kai ly nang ai huni tavau pri y awm nai phra seaungkhrang jo nai khaileaung angawm y awm hai ai. Nang ly hu i dengdairei heng nai khumichi awm nai meingtym mang y mana khala py, vawi ali teang ai nai nga ai ny y.

Ezekiela 31:14

Hunai deaungkho y mana tanrei tui nga teu i py, vai i dengdairei mani keung py huni saitleang keung tanrei, changpichi salo mang y asang ai ny y. Huni keung salyh kamsuichi ly khupanym y tym pa-rei asang ai ny y. Huni dengkeaung keung bawibawichi py khumichi kamta, khaileaung y dei iy tavau pri y ang vum u ai,” napi.

HABAKKUK 3:10

Nang ai niu nai khala, mawichi ly amchyh u; Kani mang dengdairei tuichi leaung. Khaileaung theung i tuichi ly katyn amsau na; tui sampyhchi py asang na bo.

HABAKKUK 3:6

Mymy anawn nai khala y, khaileaung amchyh na. Tlenrei khen lau nai ryrei my, khumi cheng cheaungkhangchi ahyn u bo. Deungrei awm nai mawichi ly dei lawm vui iy, jangni jangkhawn i neng y mymy aleaung reng nai, mymy awm jojo nai mawi katheangchi ly tama pawn veng bo.

MATTHAI 16:18

Naibaly kang thui pi, nang ly Petera ne, naibaly hini lengseaung pui tleaung y ly kai i palau takhra kamkawm kapadyh kalau ai i, tavau kho i apai katheu pa-kho my ly huni ai pajau y ai.

Leu Thui Nai 32:22

Kai i kado theu nai ly mai kamta angveaung ai i, khaileaung tleaung y awm nai ngierei kang hai ai. Kado theu nai mai kangveaung ly tavau pri khrairei py, mawi kheutang khrairei py kang hai ai.