JONA 2:2 - Khumi Common Language Bible

² “Aw Areng, kai ly patang naira avum nai deaungkho y, nang teng y kang kaau bo. Nangmy py thai nai ne. Kai ly dei kho peang i dengdairei nang ai kang kaau nai raawi ly nangmy thai bo.

JONA 2:2 Iomraidhean Croise

2 NENG SATANG 33:12

Samrang ly ngari kamtang avum nai khala y, mymy i Areng Tameuh teng y ali teang i, kasabawmra nga ai nai hnei takeng bo.

SAM 116:3

Deira ka-jei awm nai ly kai ai patiu bo; deira ly kai ai taki maimy awm; Kai ly jei hyn i, paleung mawn parai na bo.

SAM 120:1

Kai ly patang naira avum nai khala y Areng ai kapalau i, mymy ly pathang pi bo.

SAM 16:10

Ati mana nai mo nabaly nang ly kai ai tavau kho y chei ai nai pei y nai deaungkho y ne. Kai ly ka-ym awm parai naimy kalop sa pi bo. Kai ai deira tavau kho y au su ai ny y.

SAM 22:24

Mymy ly khumi kamawnchi ai khai su y leang; nichi i ngari patang naichi ai py dawndan pi y nai by y. Mymy ly nichi teng i nai meimai hi pi vui y leang. Sabawm ai nai nichi i aeu hnei takeng nai pathang pi bo.

SAM 34:6

Jeaungmang nai khumichi ly mymy ai palau u nai khala, mymy pathang pi iy, nichi ai ngari kamtangchira i nai atleu bo.

SAM 4:1

Aw Tameuh, kai ai ama hai nai keung! kai i palau nai khala y pathang pi kyh ba. Kai patang nai thym khala y sabawm ba. Vai py kai ai pahen iy kai i chiu sa nai tangai pi kyh ba.

SAM 61:2

Kai ly yhm hawi palo i, paleung phra atho di nai deaungkho y, nang ai aeu naimy palau bo! kai ai chymme naira mang y pahawi kyh ba.

SAM 65:2

Amychi adeu nai leu sa khyp ai avo nai ne; khumi bawibawichi ly mychi i kamngo nai molam y, mymy teng y ahihawi u ai.

SAM 86:13

Kai i tlang tleaung y nang i khaw parai nai tamen naira ly khri pa-rei len parai na ly! Nang ly kai ai tavau kho i nai atleu bo.

ISAIA 14:9

Tavau pri ly Babulon samrang ai lamchung ai nai angveirym nai ne. Khaileaung pri y awm nai thym khala, khri pa-rei sa thai naira awm nai khumichi i phailochi ly aleaung ali u bo. Samrangchi i phailochi py, mychi i samrang atehrachira i nai ang thau u bo.

TANGAM NAI LEU 3:55

“Aw Areng, angawm theung mang dengdairei, kai ly nang ai kaau bo.

Ezekiela 26:20

Jangni jangkhawn khala heng nai khumichi hawi vanrei awm ai nai, nang ai khaileaung anui tavau pri y kang tha ai. Kai ly nang ai huni tavau pri y awm nai phra seaungkhrang jo nai khaileaung angawm y awm hai ai. Nang ly hu i dengdairei heng nai khumichi awm nai meingtym mang y mana khala py, vawi ali teang ai nai nga ai ny y.

Ezekiela 31:14

Hunai deaungkho y mana tanrei tui nga teu i py, vai i dengdairei mani keung py huni saitleang keung tanrei, changpichi salo mang y asang ai ny y. Huni keung salyh kamsuichi ly khupanym y tym pa-rei asang ai ny y. Huni dengkeaung keung bawibawichi py khumichi kamta, khaileaung y dei iy tavau pri y ang vum u ai,” napi.

MATTHAI 12:40

Jona ly ngo kalen pui i kajeu theung y kani kani thomrei vum vum thomrei awm nai kamta ly, Khumi i Chapo ly khaileaung theung y kani kani thomrei vum vum thomrei awm teng ai he.

LUKA 11:10

Ami py hnei nai ngierei ly nga ai; ami py hau baly niu ai; ami py takhei baly ang paeaung pi ai.

LUKA 22:44

Naibaly mymy ly khrikhri pa-rei phailo seaung i, chiu sa patyp bi, naibaly mymy i ka-ui ly thi amai len parai nai kamta khaileaung y leaung.

AMTAW 2:27

kai i phailo ai tavau kho y khai jo y ai i, Nang i Khumi Kachai ai veaung vui ai nai pei y nai deaungkho y, Kai i ngan py athang khai parai naimy awm teang ai.

HEBRAI 5:7

Ni ly tlang y awm nai thym khala y ly, dei naira y mymy ai paheng pajau nai keung teng y ly khrikhri pa-rei aeu nai hawi mei katiu tla nai tarawi y chiu sa nai hawi atiti hnei nai talam iy, Tameuh teng y aau nai deaungkho y ang tangai pi:

1 SAMUELA 1:16

kai ai tahm by y nai neampachy, nanai dawn moh kyh; kai ly paleung ka-dawn hawi y nai deaungkho y, hina nai chiu kasa nai ne,” napi.

1 SAMUELA 30:6

Davida i khumichi ly mychi i cho chanauchi chau pawn nai molam y paleung si naimy, Davida ai lengseaung hawi aphi ai nai pahyn nai deaungkho y, Davida ly rai naira avum bo. Na i py ni ly mymy i Areng Tameuh teng i dengdairei atho nga nai ne.