JONA 1:6 - Khumi Common Language Bible

⁶ Naibaly samphora y lu sa nai miteaung keh ly chei i ni teng y, “Nang ly ati mana nai y i ngym vui lawh mo? Angthau ly nangmy i tameuh teng y achi ai atleu ai nai chiu so bei. Mymy ly achi ai pahen iy atleu tan atleu lym ai,” napi.

JONA 1:6 Iomraidhean Croise

2 SAMUELA 12:22

Davida my, “Ne, deaungdi heng nai thym khala y cho nei y naimy vo tangam nai ne. Areng ly kai ai pahen iy deaungdi ai dei hai y ai, nanai kadawn.

ESTHER 4:16

“Susa mary y awm nai Juda cheng ngiereichi ai pangym ly kai i vui biu hai iy vum thom, kani thom sai py cho nei u moh sy; kai hawi kai i miseaung neampachychi py biu kahai u ai; huni bo y samrang i reita taphra nai y ang padei lawh teu i py samrang teng y kun ai,” nanai pathang bo.

SAM 107:6

Nichi ly patang naira avum u nai deaungkho y Areng ai palau u i, mymy ly nichi ai patang naira i nai atleu bo.

SAM 78:34

Na i py huni khumi phyreichi ai mymy dei hai teu i py, dei kamthunchi ly mymy teng y ali u teang nai ne. Nichi ly uikheih iy paleung apei parai naimy chiu sa u bo.

ISAIA 3:15

Nichi teng y kai i khumichi ai ana ai nai, khumi kamawnchi tlang tleaung y neng ka-pe dyp ai nai py sa thai naira by y. Huni ly ati cheaungkhang sa thai nai keung kai, Areng my pei nai leu ne,” napi.

Ezekiela 18:2

mymy ly “Amhm ampochi kreip athai katho cha nai molam y, cho chanauchi ho kyn u,” nanai thui achi nai leu ai Israela chengchi avaw avawrei thui u nai ly ati y thui u nai mo?

JOELA 2:11

Areng ly mymy i tavaimichi ai, kani pajyh nai katyn ka-tawm hawi leu pei nai ne. Mymy i leu pei nai tangai u nai tavaimi risachi ly vuikanai nawi, sa thai naira py awm. Areng i neng kani ly khri pa-rei jei ai hawi na ly! Huni neng kani ai ami katlen vui pajau ai mo?

AMOS 5:15

Hawi y nai ai niu ngai moh ly hawi naira ai ly paleung apei ba. Tara jeungchira y leu meitang awm ai nai akry u. Kani pri tavailuchi i Areng ly hini khumichi theung i heng rai nai khumi phyreichi ai, pahen tan pahen lym ai.

JONA 3:8

Khumi bawibawichi hawi tawnbawichi ly paisiu amchiu u ai nai tla. Khumi luteng ly paleung apei parai naimy Tameuh teng y chiu sa ai nai tla. Huni bo y amy i hawi y nai hawi, sa ta-li naichi khai su ai nai tla.

JONA 3:9

Huna khala naini Tameuh ly paleung amtlau tan amtlau lym ai. Kado theu nai py rym tan rym lym ai. Achi py tlang hengra nga pajau ai!” napi.

AMTAW 21:13

Naibaly Pawla my, “Ati mana nai kai ai paleung si hai ai nai vo u ryry lawh? Areng Isu i amyn deaungkho y Jerusalem y kawm ai nai kavam nai khyh ny y leang, dei ai nai py kavam nai na a,” nanai pathang.

ROM AVANGCHI TENG Y PAWLA I CHA PA NAI 13:11

Vai dymkhawn i atiti awm nai sai pany u iy, i ngym nai ly anglaw ai nai neng tatang ne, nanai deaungkho y huna nai kamta so u; vai dymkhawn ly achi ym angchei nai khala i tleaung y ly achi i heng naira ly kasa kyh veng bo.

EPHESI 5:14

Hunai deaungkho y mymy ly, “I nai khumi awi, anglaw ly! Kadeichi theung i dengdairei angthau, Hunaibaly Krista my ly angvang hai ai mang,” napi.