JONA 1:5 - Khumi Common Language Bible

⁵ Sampho i khumichi ly jei hyn nai deaungkho y, amymy i ym nai tameuhchi teng y mymychi ai sabawm ai nai chiu sa u. Naibaly sampho vawn jang ai nai vawnsaichi tui theung y aphi u. Huna nai thym khala y Jona ly sampho taku theung y satla iy i vui nai ne.

JONA 1:5 Iomraidhean Croise

1 ARENG KEH 18:26

Nichi py mychi teng y tym hai nai si katai ai apathyp ai nai sa u chum baly, bala tameuh teng y kani thun teng na pa-rei chiu sa u bo. Nichi my, “Aw bala tameuh! kaichi i chiu sa nai tangai pi kyh ba,” nanai aeu u chum baly, mychi i sa nai maicham ai taki teungtareung iy lam u. Na i py bala tameuh teng i ati sai py pathang y.

JOBA 2:4

Setan my, “Khumi nanai ly tlang heng naimy awm thai ai nai, my i yhmtheaung katui awm nai ngireichi khai su ai nai ne.

SAM 107:25

Mymy leu pei nai khala y ali kamchai theu i, tui sampyhchi theu.

SAM 148:8

kani amai hawi khupanymchi awi, mymy i leu tangai nai ali kamchaichi awi, khaileaung mang dengdairei Areng ai palo u.

Parip nai leu 3:6

Mymy ly hau iy niu ai nai neng hawi tama ai nai neng py, pakym achu ai nai neng hawi aphi su ai nai neng py,

ISAIA 45:20

Areng my, “Khumi cheng cheaungkhangchi awi, jeu u achu. Empara pri anawi nai bo i, dei kamthum khumi bawibawichi awi, nangchi cheng y nai khumichi awi! nangmychi i dengkeaung mynchi patei iy, atleu pajau y nai tameuhchi teng y chiu nai khumichi awi, nangmychi naimy tara amteng ai nai jeu u!

JEREMIA 2:28

“Nangmychi i vui nangchi sa nai tameuhchi ly ma mang y mo? Nangchi patang naira tym nai khala y, huni tameuhchi my atleu pajau lawh baly atleu pi na sy. Aw Juda pri, nang i marychi nawi nai kamta, nang i sa nai tameuhchi khri pa-rei nawi parai na ly!

HOSEA 7:14

Nichi ly ym tatang nai paleung hawi chiu so u y. Amymy ai atlym hai iy, aeu naimy tangam u bo. Nichi ly choh bai palo hawi kreip hang nga ai nai chiu sa nai khala y, myn y chiu nai khumichi kamta, amymy ai tamo kalem nga hai iy, hnei takeng reng. Nichi ly kai ai tiu u lawh ly!

JONA 1:14

Hunaibaly sampho i khumichi my Areng teng y, “Aw Areng, hini khumi i dei nai molam y, kaichi ai dei ai nai pa-rei pajeng y ai nai kang takeng. AwAreng, hini kalop ly nangmy i ngai nai kamta sa nai kalop ne,” nanai chiu sa u bo.

JONA 1:16

Huna nai aham nai khala y sampho i khumichi ly Areng ai khri pa-rei jei u nai deaungkho y, apathyp u chum baly mymy ai chiu ai nai vaineng adeu u nai ne.

JONA 1:6

Naibaly samphora y lu sa nai miteaung keh ly chei i ni teng y, “Nang ly ati mana nai y i ngym vui lawh mo? Angthau ly nangmy i tameuh teng y achi ai atleu ai nai chiu so bei. Mymy ly achi ai pahen iy atleu tan atleu lym ai,” napi.

MATTHAI 25:5

Naibaly aju la nai keung ly jeu patyh kyh nai deaungkho y nichi bawibawi ly i kamhm ngam i, i u pawn veng bo.

MATTHAI 26:43

Naibaly mymy ly chei bi iy nichi ai ly i ngym nai niu taleang bi, nichi khri pa-rei i amhm na.

MATTHAI 26:45

Hunai pajau khala y ly mymy ly abangnaichi teng y chei bi i nichi teng y, “Vai ly i u ly, anawn u jau; khen cham, neng ly tym bo: Khumi i Chapo ai ly khumi kamngochi i kiu y patiu hai ai bo he.

AMTAW 27:38

Naibaly cha angkhyh nai bo y choh ly pangli tui y aphi i, paleaung jang hai kyh bo.

TARA CHIH NAI KEUNGCHI 16:19

Delila ly Samson ai my i phai tleaung y pa-i chum baly khumi leaungrei ai palau iy, Samson i sam palawn saryhrei ai vau hai vui bo. Naibaly Samson teng y atho by y leang bo i, Delila ly ni ai ana amteaung nai ne.

1 SAMUELA 24:3

Samrang ly lam sala i beram haichi sahawi y awm nai tapiu harei niu baly, amdaw ai nai kun bo. Huni tapiu i theung mang y ly Davida hawi ni i khumichi aheu nai ne.