JOHAN 9:39 - Khumi Common Language Bible

³⁹ Isu my ly, “Mei kamjuchi mei angvang thai ai nai hawi mei kangvangchi ly mei paju thai ai nai py kai ly hini khaileaung pri y tara chih ai nai kang jeu nai ne,” napi.

JOHAN 9:39 Iomraidhean Croise

ISAIA 29:10

Areng ly nangchi ai rai y naimy i hai vui ai. Amochi ly khumichi i mei lawm ai nai avo teu i py, Tameuh ly nichi i mei tamym pi vui bo.

ISAIA 44:18

Hina nai khumichi ly khri pa-rei akhum nai deaungkho y, mychi ly ati sa nai mo, nanai py apany u y. Kateng niu y, pany y ai nai, mychi i mei hawi paleung katheuchi kho u typ veng bo.

ISAIA 6:9

Hunai deaungkho y mymy ly kai ai huni khumichi teng y pato iy, “Nichi teng y, nangchi ly avaw avawrei tangai u teu i py, pany thai ai ny y; khenkrei khenkrei teu i py, awm nai sai pany u ai ny y, nanai thui pi,” nanai leu pei bo.

Ezekiela 12:2

Mymy ly “Nang khumicho awi, nang ly atiu ham nai khumi cheng theung y awm nai ne. Nichi ly mei awm i py ati sai py niu u y, kano awm i py ati sai py thai u y. Ati mana nai mo na baly nichi ly atiu ham naichi ne nai deaungkho y ne.

MATTHAI 11:5

mei kamjuchi ly mei angvang u bo, kheu kangbaichi py tako u bo, keaungsichi ai py paichai bo, kano kapangchi py kano ha u bo, kadeichi ai py pathau bo, khumi kamawnchi teng y py Satang Kahawi thui pi bo.

MATTHAI 15:14

Nichi ai paka u reng moh; lam patei nai keung mei kamju teu. Hunaibaly mei kamju ai mei kamju my lam patei baly angawm y tla mei ai,” napi. Naibaly Petera my niteng y,

MATTHAI 6:23

Na i py nang i mei chai y baly nang i tlang bom verei y kaveng kawi be ai mang. Hunaibaly nang theung y awm nai kangvang ly kaveng ne iy khyly, huni kaveng ly khri pa-rei ty na ly!

LUKA 1:79

Kaveng theung y hawi, deira ka-khui y ateh naichi ai angvang hai ai nai hawi, Awm nem naira lam y achi i kheu takan hai ai nai py, Salo mang i dengdairei kani si nai ly achi ai ang de ai,” nanai thui yb.

LUKA 13:30

Naibaly khen cham, kangkhym kangtem naichi py kangman keh y awm ai, kangman keh naichi py kangkhym kangtem y awm ai,” napi.

LUKA 2:34

Naibaly Simeon my nichi ai amtheaung hai i amhm Mari teng y, “Khen cham, hini deaungdi ly khumi neangneangchi i paleung y dawn nairachi ai amteng hai thai ai nai, Israelachi theung i khumi neangneangchi ai atlym hai ai nai hawi, aei nai ka-ma-ra lawn ai nai py khai nai ne:

LUKA 4:18

“Khumi kamawnchi teng y Satang Kahawi thui ai nai ang khai takhra nai deaungkho y, Areng i Phailo ly kai i tlang tleaung y awm; Miseaungchi teng y alaw hai ai nai leu hawi, Mei kamjuchi teng y mei angvang teang ai nai leu thui ai nai py, Ana patang naichi ai patheu ai nai py,

LUKA 7:21

Naibaly hunai thym khyp khala y Isu my no naichi ai hawi, no awm naichi ai hawi, vawinam my nam naichi ai py neangneang hawi sa pi: mei kamju neangneangchi ai py mei angvang hai.

JOHAN 12:31

Vai hini khaileaung pri ai chih thym rai; vai hini khaileaung pri i areng ai ly patheu vui ai.

JOHAN 12:46

Ami py kai ai ym nai ngierei ly kaveng y awm jo y ai nai, kai ly kangvang, khaileaung pri y kang jeu nai he.

JOHAN 3:17

Tameuh my khaileaung pri ai pasum ai nai Chapo ai pato nai ny y, khaileaung pri ly mymy deaungkho y heng thai ai nai pato nai teu.

JOHAN 3:19

Pasum naira ly hini ne he: kangvang ly khaileaung pri y ang tym bo, na i py khumichi i atiti sa naichi ly hawi y nai deaungkho y, nichi ly kangvang tleaung y kaveng ngai keh bo.

JOHAN 8:12

Naibaly Isu my nichi teng y leu thui bi i, “Kai ly khaileaung pri i kangvang ne; ami py kai teng y abang nai ly kavengra y tako ai ny y i, heng naira kangvang nga lawh ai,” napi.

JOHAN 8:15

Nangchi ly khumichi i dawn nai kamta chih jojo, kai ly ami ai py chih y leang.

JOHAN 9:25

Naibaly mymy ly, “Ni ly khumi kamngo ne mo ne y mo, nanai pany y; lamrei kapany, jangni ly mei kapjau i vai ly kaniu thai,” nanai pathang.

AMTAW 26:18

mymychi i mei pali hai ai nai, hunaibaly kaveng dengdairei kangvang mang y hi vui thai ai nai hawi, Setan i aly peang naira i nai ly Tameuh mang y hi vui thai ai nai hawi, kamngo pahen naira nga thai ai nai hawi, kai ai ym nai deaungkho y chai chum naichi theung y yhmtheaung kamtym nga thai ai nai py, mymychi teng y kang pato nai he,’ napi.

II KORINTH 2:16

kamkawm hareichi i vui ly deira y dei ai nai kamui ne; kamkawm takhrachi i vui ly hengra y heng ai nai kamui ne. Hunai kamtachi i vui ly ami pha pajau ai mo?

EPHESI 5:14

Hunai deaungkho y mymy ly, “I nai khumi awi, anglaw ly! Kadeichi theung i dengdairei angthau, Hunaibaly Krista my ly angvang hai ai mang,” napi.

II THESALONIKA 2:10

tama dudu naichi i vui hawi y nai tapawp nai cheaungkhang hawi jeu ai; ati mana nai mo nabaly nichi ly hengra nga thai ai nai leu meitang tamen naira ai patawm y leang bo.

I PETERA 2:9

Na i py kaveng theung i nai mymy i kangvang rengrang tlai naira y kun ai nai nangchi ai ang palau nai keung i hawi parai nai sai nangchi ly amteng hai thai ai nai, nangchi ai ly cheng vawi takhra nai, pathyp pi nai keung tahm asang parai nai, theaung kachai, Tameuh i khumichi kypkyp ne;

I JOHAN 2:11

Na i py amy i amjo amnau ai niu ngai y nai khumi ly kaveng y awm iy, kaveng y tako nai py ne teang; kaveng my ly mymy i mei ai paju hai nai deaungkho y mymy ly amy i tako ai nai lam py pany y.