JOHAN 9:24 - Khumi Common Language Bible

²⁴ Hunaibaly mei kamju ai pa-nyh heang bi i mymy teng y, “Tameuh ai palo, huni khumi ly kamngo ne, nanai kaichi pany,” napi.

JOHAN 9:24 Iomraidhean Croise

EZARA 10:11

Huna nai y nangchi i amsi pajochi i Areng Tameuh teng y nangmychi i kamngo ahui iy, mymy i kangai su u. Achi i pri theung y nangchi hawi vanrei awm nai cheng takhra khumichi hawi, nangchi i cheng takhra ajuchi hawi py amprei u,” nanai aeu naimy thui pi.

ISAIA 66:5

Mymy ai jei kaji naimy leu tangai nai khumichi awi, nangchi ly Areng i leu pei nai tangai u. Nangchi ly kai i tlang tleaung y ka-ym awm u nai deaungkho y, nangchi i cheng phyreichi ly nangchi ai niu ngai y iy ang paleang u parutu nai ne. Nichi ly nangchi ai panui hai iy, “Kaichi ly nangchi amo theu nai kaniu u ai nai ngai. Hunai deaungkho y Areng ly sa thai naira nang parai nai patei iy atleu pi na sy,” napi u. Na i py huni khumichi ly kangji kangai nga u ai!

MARKA 15:27

Naibaly mymy hawi vanrei ly damra khumi leaung nyhrei ai py tahen teang, mymy i lamtang mang y leaungrei, langvawi mang y leaungrei.

LUKA 15:2

Naibaly Pharisaichi hawi Reita patiu nai keungchi my ly. “Hini khumi ly khumi kamngochi ai kawn i, nichi teng y biu cha teang ly,” nanai jo sei u lenglang.

LUKA 19:7

Naibaly huna nai niu baly nichi bawibawi my, “Khumi kamngo teng y anga ai nai kun bo ho,” nanai josei u.

LUKA 7:39

Naibaly mymy ai chi nai keung Pharisai ly huna nai niu baly mymy i paleung theung y, “Hini khumi ly amo ne i khyly mymy ai nam nai keung neampachy ly ami mo, mana nai khumi mo, nanai pany ai bo, ni ly khumi kamngo nai i,” napi.

JOHAN 14:30

Kai ly nangchi hawi leu neangneang arum ali y leang bo, khaileaung pri i areng ang jeu ai bo, ni ly kai teng y ati sai py ngo y ai;

JOHAN 16:2

Nangchi ai achura yhm i nai ang patheu ai; ne, ami py nangchi ai ang padei ai nai ngierei ly Tameuh i vui y atiti kahawi sa, nanai adawn ai: huna nai neng tym ai;

JOHAN 18:30

Nichi my ly ni teng y “Hini khumi ly kamngo ny y nai khyly kaichi nang teng y kang au y leang bo,” nanai pathang u.

JOHAN 19:6

Naibaly pathyp pi nai keung kalenchi hawi miseaung luchi my ly ni ai niu baly, “Kraws tleaung y tahen, kraws tleaung y tahen,” nanai aeu u. Pilata my nichi teng y, “Nangchi my tako hai ly, kraws tleaung y tahen u; kai ly ati sai py kamngo kaniu y leang,” napi.

JOHAN 5:23

Ami py chapo ai tahm khai y nai ngierei ly Ampo, ni ai pato nai keung ai py tahm khai y nai bo.

JOHAN 8:46

Kai ai kamngo lam y pasum thai ai nai nangchi theung y ami awm mo? Kai ly leu meitang thui nai ne baly ati mana nai kai ai ym u y?

JOHAN 8:49

Isu my, “Vawinam my kai ai nam nai ny y leang; Ngaai ai kapalo nai ne i nangchi ly kai i amyn taphra lawh ly.

JOHAN 9:16

Hunaibaly Pharisai phyreichi my ly, “Huni khumi ly Anawn Kani ja y nai deeaungkho y Tameuh teng i theu nai ny y leang,” napi. Na i py phyreichi my ly, “Khumi kamngo my ly hina nai rengrang sa nai ly mana sa thai mo?” napi. Naibaly amprei u i amkawm u takhra bo.

JOHAN 9:25

Naibaly mymy ly, “Ni ly khumi kamngo ne mo ne y mo, nanai pany y; lamrei kapany, jangni ly mei kapjau i vai ly kaniu thai,” nanai pathang.

ROM AVANGCHI TENG Y PAWLA I CHA PA NAI 8:3

Naibaly tlang deaungkho y Reita ly ham y i sa pajau ai vuilam ny y nai ly, achi, tlang i reita y tako y naimy Phailo i reita y takho lawh nai keungchi y ly Reita leu khai rym nai ly sa angym naimy awm thai ai nai,

II KORINTH 5:21

Mymy y ly achi ly Tameuh i hawi naira lawn thai ai nai, kamngo pipi pany y nai ai ly Tameuh my achi deaungkho y kamngo palawn bo.

JOSUA 7:19

Josua my ni teng y, “Deang awi, Israela chengchi i Areng Tameuh i mo y meitang khyp thui ba. Nang i sa nai saichi apha y naimy kai teng y thui pi ba,” napi.

AMTENG HAI NAI 11:13

Naibaly huni neng thym khyp khala y ly kaleih khrikhri pa-rei ho i, avang kalen pui phy horei y phyrei ly anawi be bo: naibaly dei nai kamthom ly khri pa-rei jei i Tameuh ai palo u bo.