JOHAN 9:22 - Khumi Common Language Bible

²² Mymy i amhm ampo my ly Judachi ai jei nai deaungkho y huna nai leu thui nai teu: Judachi my ly ti y rai khala y py, ami py mymy ly Krista ne, nanai asa hai nai khumi ai ly achura yhm i dengdairei patheu ai, nanai arum u yb bo.

JOHAN 9:22 Iomraidhean Croise

LEU KACHENG 29:25

Amy i tlang tleaung y khumi takhrachi my ati mana dawn na mo, nanai paleung mawn nai khumi ly ka-jeira avum ai. Na i py Areng teng y abyh nai khumi ly chymme ai.

ISAIA 51:12

Areng my, “Nangchi ai atho kawi angym hai nai keung ly kai ne. Acha keung tanrei heng sau khyh nai dei thai nai amjy khumi ai, nangchi ly ati mana nai jei u nai mo?

ISAIA 51:7

“Leu meitang pany nai khumichi awi, kai i patiu pi nai leu ai dawn thleng nai khumichi awi, kai i thui nai leu tangai u. Nangchi ai kangji kangai pei iy, khumichi my thui tamawn nai khala jei u mo?

ISAIA 57:11

Areng my, “Kai ai tapawp iy tami vui nai, pany y vui na pa-rei, nangchi jei u nai tameuhchi ly amichi mo? Kai ly kra parai pa-rei tynkryh y naimy awm nai deaungkho y, nangchi ly kai ai jei y nai awm u nai a?

LUKA 6:22

“Khumi i Chapo deaungkho y khumichi my nangchi ai niu ngai y nai ang jo iy, nangchi i amyn hawi y, nanai nichi my paleang nai khala y ly nangchi tahm hawi ai.

JOHAN 1:19

Naibaly Judachi ly, “Nang ly ami mo?” nanai deng ai nai Jerusalem avang i dengdairei ni teng y pathyp pi nai keungchi hawi Levi chengchi ai pato khala y Johan i pany hai nai leu ly hini ne he.

JOHAN 16:2

Nangchi ai achura yhm i nai ang patheu ai; ne, ami py nangchi ai ang padei ai nai ngierei ly Tameuh i vui y atiti kahawi sa, nanai adawn ai: huna nai neng tym ai;

JOHAN 19:38

Naibaly huna naichi sa nai bo y ly Josepha Arimathai avang i khumi, Isu teng y abang teang (ne mang ly Judachi ai jei nai deaungkho y kangviu y abang) ni ly Isu i veu la vui ai nai Pilata teng y hnei. Naibaly Pilata my pei i ni ly jeu iy veu la veng bo.

JOHAN 20:19

Naibaly huni kani saryhrei nai angchei i kani dym mang y ly, Judachi ai jei nai deaungkho y abangnaichi ly mymychi i awm naira yhm katheu kho veng nai bo y Isu ly nichi theung y angdo i nichi teng y, “Nangchi teng y paleung awmnem naira awm sy,” napi.

JOHAN 7:13

Khumi mipuichi ai tapawp nai teu,” napi. Na i py Judaichi ai jei nai deaungkho y ami py ni i satang ka-thai ra y thui vam y.

JOHAN 9:18

Na i py Judachi my mei kangvang nga nai i amhm ampo ai heang y ryrei ly mei kamju ne i, mei kangvang nga, nanai ly mymy i satang ym y.

JOHAN 9:21

na i py vai mana niu thai mo, nanai ly pany y, mymy i mei angvang hai nai keung ai py pany y; mymy teng y deng u; miteaung na a, mymy i satang ly mymy thui sy bei,” nanai pathang.

JOHAN 9:34

Nichi my ly mymy teng y, “Nang ly kamngo naimy tapen nai na a, kaichi ai patiu lawh a?” nanai pathang i, ni ai ly atho y my patheu bo.

JOHAN 9:35

Nichi ly mymy ai patheu, nanai Isu my thai iy mymy ai hau i, “Nang ly Tameuh i Chapo ai ym a?” napi.

AMTAW 4:18

Hunaibaly nini ai palau iy, Isu i amyn y den py leu thui y ai nai hawi, patiu y ai nai py leu pei.

AMTAW 5:13

Na i py kalangchi ly ami py nichi theung y abawi vam y; ati py ne sy khumichi my ly nichi ai palo.

AMTAW 5:40

Naibaly mymy i thui nai ly teng napi bo; hunaibaly nichi ly amtaw thau naichi ai palau iy tabeang i, Isu i amyn y den py leu thui y ai nai leu pei kheng iy patheu bo.

AMTENG HAI NAI 21:8

Na i py jei naichi hawi, ym y naichi hawi, amso ngailai naichi hawi, khumi ai padei naichi hawi, angai naichi hawi, atam kawp naichi hawi, myn y chiu naichi hawi, ka-chawi thui nai bawibawichi py mai hawi kan kang nai ang y phy nga ai nai nichi i vui ne ai: huni ly pa-nyh dei naira ne,” napi.