JOHAN 9:2 - Khumi Common Language Bible

² Naibaly abangnaichi ly mymy teng y, “Rabbi, mei kamju naimy tapen nai ly kamngo sa nai ami mo? Hini khumi my a, amhm ampo my a?” nanai deng.

JOHAN 9:2 Iomraidhean Croise

THEU NAI 20:5

Kai ly nangchi i Areng Tameuh ne i, mani myn ai py chiu u moh. Hunai deaungkho y myn ai lu meung u moh, chiu py chiu u moh. Kai ai niu ngai y nai keungchi ai ly nichi i katu chanauchi tlang tleaung y, deung thom deung palyh khrairei kapajeng ai.

MATTHAI 16:14

Naibaly nichi my ly, “Phyreichi my ly Baptis sa nai keung Johan na a, ang napi; phyreichimy ly Elija na a, ang napi; phyreichi my ly Jeremia mo, amo ami mo na a, ang napi,” napi.

MATTHAI 23:7

seng meingtym y nichi ai chiu nai amichi my nichi ai, ‘Rabbi,’ napi nai py ngai u parai lawh.

MATTHAI 23:8

Na i py nangchi ly ‘Rabbi’ ang palau nai amteng u moh; nangchi ai patiu nai keung ly leaungrei awm khyh, naibaly nangchi bawibawi ly amjo amnau ne.

LUKA 13:2

Naibaly mymy ly nichi teng y, “Huni Kalili pri i khumichi ly hunai kamta atiti patang nai deaungkho y Kalili pri i khumi bawibawichi tleaung y kamngo keh nai athang khai u lawh a?

JOHAN 4:31

Hunai sala y abangnaichi my ly ni teng y, “Sara, cho ba,” napi.

JOHAN 9:1

Naibaly Isu my tako nai tarawi y tapen khyp khala i dengdairei mei pajau nai leaungrei ai niu.

JOHAN 9:34

Nichi my ly mymy teng y, “Nang ly kamngo naimy tapen nai na a, kaichi ai patiu lawh a?” nanai pathang i, ni ai ly atho y my patheu bo.

AMTAW 28:4

Naibaly cheng takhrachi my ly mymy i kiu y pavui atang kalangkang jo nai niu i, “Hini khumi ly kasi nga nai khumi ngaw ngaw khyh, pangli i dengdairei chymme naimy lawi i py, vawitheung tha ai nai Keung my mymy ai heng ai nai pei y nai bo hi ly,” na u leungtang.