JOHAN 8:55 - Khumi Common Language Bible

⁵⁵ Nangchi ly mymy ai pany y; kai naini mymy ai pany; kai ly mymy ai pany y na i khyly, nangchi kamta kai py ka-chawi tla teang ai; na i py kai ly mymy ai pany, ni i leu py tangai.

JOHAN 8:55 Iomraidhean Croise

JEREMIA 4:22

Areng my, “Kai i khumichi ly akhum parai; nichi ly kai ai pany u y. Nichi ly hawi y nai deaungdichi hawi atawm; nichi teng y pany thai naira by y. Nichi ly hawi y sa naira y kyh chawn u teu i py, kahawi sa ai nai ly kawp u y,” napi.

JEREMIA 9:3

Nichi ly li-tapawp ai nai ko nai thailiho chyn kamta, labeaung paniu vai y. Nichi i pri y leu meitang peang ai nai tleaung y ly leu ka-chawi my peang nai ne. Areng my, “Kai i khumichi ly kamngo sa tamyhtyh naimy, kai ai nichi i Tameuh palawn ai nai ngai u y,” napi.

HOSEA 5:4

Nichi ly hawi y sa nai molam y, mychi i Tameuh teng y ali u teang thai y. Nichi ly myn chiu naira y paleung apei u nai deaungkho y, Areng ai pany u y.

MATTHAI 11:27

Ngaai my ati cheaungkhang bawibawi kai teng y au bo; naibaly Ampo ny y baly ami py Chapo ai pany y leang; naibaly Chapo hawi, ami teng y Chapo my amteng hai ai nai ngai nai ny y baly ami py Ampo ai pany y.

LUKA 10:22

Ngaai my ati cheaungkhang bawibawi kai teng y au bo. Naibaly Chapo ami mo, nanai ly ampo ny y baly ami py pany y; Ampo py ami mo, nanai ly Chapo hawi, ami teng y Chapo my amteng hai ai nai ngai nai ny y baly ami py pany y,” napi.

JOHAN 1:18

Ami py mana khala y py Tameuh ai niu vai y; Chapo leaungrei awm khyh nai, Ampo teng y awm khyp nai my ly ni i satang thai hai bo.

JOHAN 10:15

Ampo my kai ai pany nai kamta hawi, kai ly Ampo ai pany nai kamta py, kaimy i ly kaimy pany, kaimy i py kai ai pany teang; naibaly beramchi i vui ly kaimy i hengra kapatlaw pi.

JOHAN 15:10

Kai ly Ngaai i leu pei nai tangai iy, ni i tamen naira y awm jo nai kamta, nangchi py kai i leu pei nai tangai baly kai i tamen naira y awm u jo ai.

JOHAN 15:21

Na i py nichi ly kai ai pato nai keung ai pany y nai deaungkho y hinichi bawibawi ly kaimy i amyn deaungkho y nangchi i tlang tleaung y sa ai.

JOHAN 16:3

Ampo kaini ai pany y nai deaungkho y hina nai sa u ai.

JOHAN 17:25

Aw Ngaai Kahawi, khaileaung prichi ly nang ai pany y bo, kai naini pany; naibaly nangmy kai ai pato, nanai py hinichi ly pany;

JOHAN 6:46

Ne mang ly Tameuh teng i theu nai keung leaungrei ny y baly ami py Ampo ai niu vai y leang; mymy ly Ampo ai niu bo.

JOHAN 8:19

Naibaly nichi my ly ni teng y, ‘Ngampo ly ma mang y mo?” napi. Isu my, “Nangchi ly kai ai py pany y, Ngaai ai py pany y; nangchi ly kai ai pany i khyly Ngaai ai py pany ai bo,” nanai pathang.

JOHAN 8:29

Kai ai pato nai keung ly kai teng y awm:ni i kawn naira ngierei kaimy sa pi jo nai deaungkho y mymy ly kai ai patlaw y leang,” napi.

JOHAN 8:44

Nangchi ly ngampo Setan teng i theu nai i, ngampo i ngai phi teng y nai sa ai nai ngai chy bo. Ni ly angchei kha i dengdairei khumi ai padei nai keung ne, naibaly ni teng y leu meitang ha py by y nai deaungkho y mymy ly leu meitang y awm y leang. Mymy ly ka-chawi thui nai khala y amy i satang thui khyp nai ne: ati mana nai mo nabaly mymy ly ka-chawi thui nai keung ne, ka-chawi ampo py ne.

JOHAN 8:51

Meitang khypkhyp kang thui pi, ami py kai i leu tangai baly deungtasa khrairei deira niu ai ny y,” napi.

JOHAN 8:52

Naibaly Judachi my ni teng y, “Nang ai vawinam my nam bo, nanai vai ly kaichi pany bo. Abraham hawi amochi py dei veng bo. Nang ly, ‘Ami py kai i leu tangai baly deungtasa khairei deira pany ai ny y,’ na lawh ly.

AMTAW 17:23

Kai pavai nai tarawi y nangchi i chiu reng nai myn khen nai khala y maicham harei, salo y, PANY Y NAI TAMEUH I VUI, nanai tajiu nai kaniu bo. Hunaibaly nangchi i pany y nai chiu reng nai ai ly kang thui pi nai he.

II KORINTH 4:6

Isu Krista i meimai y ly Tameuh i nang parai nai sai pany naira kangvang kaichi ai ang pei ai nai, “Kangveng i dengdairei kangvang theu ai,” napi nai keung Tameuh ly kaichi i paleung y kangvang ang ko hai veng bo.

I JOHAN 1:6

Tameuh ly kangvang ne, mymy y ly kaveng pipi by y. Achi ly kaveng y tako dudu nai iy, “Kaichi ly mymy hawi amkawm,” na lawh baly, achi ly ka-chawi thui nai teu, leu meitang py patawm nai ny y leang;

I JOHAN 2:22

Isu ly Krista ny y, nanai thui nai keung bo y ka-chawi si keh nai ly ami awm jau mo? Ampo hawi Chapo ai ym y nai keung ly Krista ai paka nai keung ne.

I JOHAN 2:4

Mymy i leu pei naichi patawm y pui naimy, “Mymy ai kapany,” napi nai khumi ly ka-chawi thui nai teu, leu meitang py mymy teng y by y.

I JOHAN 5:10

Tameuh i Chapo ai ym nai khumi ly amy teng y huni pany hai naira awm; Tameuh ai ym y nai khumi ly Tameuh my mymy i Chapo i satang pany hai nai ly ym y nai deaungkho y, ni ai ly ka-chawi thui nai keung palawn nai teu.

AMTENG HAI NAI 3:9

Khen cham, Juda tatang ny y naimy, ka-chawi thui iy Juda angam nai Setan i achu nai kamkawmchi ai ly, khen cham, nichi kypkyp ai ly nang teng y katym hai iy, nang i kheu keung y ambeu hai ai i, nang ai katamen, nanai nichi ai kang pany hai ai.