JOHAN 8:44 - Khumi Common Language Bible

⁴⁴ Nangchi ly ngampo Setan teng i theu nai i, ngampo i ngai phi teng y nai sa ai nai ngai chy bo. Ni ly angchei kha i dengdairei khumi ai padei nai keung ne, naibaly ni teng y leu meitang ha py by y nai deaungkho y mymy ly leu meitang y awm y leang. Mymy ly ka-chawi thui nai khala y amy i satang thui khyp nai ne: ati mana nai mo nabaly mymy ly ka-chawi thui nai keung ne, ka-chawi ampo py ne.

JOHAN 8:44 Iomraidhean Croise

ATITI AWM ANGCHEI NAI 3:15

Nang hawi neampachy ly leaung leaungrei aniu ngai y ai nai kang sa; nang i kangpreang hawi neampachy i kangpreang ly paleung ka-e awm jojo ai. Neampachy i kangpreang my nang i lu y chiu piupa ai i, nang my nichi kheu patui y patiu ai,” napi.

1 ARENG KEH 22:22

Areng my, ‘mana tapawp ai mo?’ nanai deng baly, huni phailo my, ‘kai ly Ahab i amo bawibawichi teng chei iy nichi ai ka-chawi thui hai ai,’ napi. Areng my py, ‘nang chei ly Ahab ai ka-chawi naimy tapawp hyp, eaung ai mang,’ nanai leu pei bo,” napi.

1 NENG SATANG 21:1

Setan ly Israela khumichi ai patang hai ai ngai nai deaungkho y, Davida ai khumi amyn vuikanai la ai nai dawn hai bo.

JOBA 1:11

Nang ly ni i nang nai yhmtheaung katuichi ai chau hai lawh teu baly, ni ly nang ai mei ka-niu y my ang pasawi ai,” napi.

MATTHAI 12:34

Pavui i kangpreangchi awi! Nangchi ly kamngo awm iy leu kahawi mana thui u thai ai mo? Paleung y kawi palai nai ly labeaung y thui reng.

MATTHAI 13:15

Ati mana nai mo nabaly hini chengchi i paleung ly kyh chawn veng bo, Nichi i kano py pang panang veng i, Nichi i mei py pasym teang. Ti y baly nichi i mei my niu lawh iy, Nichi i kano my thai lawh ai i, Nichi i paleung my pany thai lawh ai, Naibaly nichi ly hi ali teang lawh iy Nichi ai hawi kaso pi vui lawh na,’ napi.

MATTHAI 13:38

ti kahawi ly kani pri i chanauchi ne; choh myn ly kamngo sa reng nai keung i chanauchi ne;

JOHAN 6:70

Isu my nichi teng y, “Nangchi holai nyhreichi ai ly kaimy kang vawi nai ny y a? Nangchi theung i leaungrei ly vawinam ne ryp,” nanai pathang.

JOHAN 7:17

Ami py mymy i kangai sa ai nai ngai nai khumi ly leu patiu nai ly Tameuh i patheu nai mo, kaimy i paseang iy thui nai mo, nanai pany ai.

JOHAN 8:38

Ngaai teng y kai i atiti niu nai ly kathui, nangchi py ngampo teng y nangchi i atiti thai nai ly nangchi my sa,” napi.

JOHAN 8:41

Naibaly nichi my ly ni teng y, “Kaichi ly pajang cho ny y leang, kaichi ly ampo leaungrei awm, huni ly Tameuh ne,” napi.

JOHAN 8:55

Nangchi ly mymy ai pany y; kai naini mymy ai pany; kai ly mymy ai pany y na i khyly, nangchi kamta kai py ka-chawi tla teang ai; na i py kai ly mymy ai pany, ni i leu py tangai.

AMTAW 13:10

“Nang tapawp nai khumi hawi mei amcheu rawi nai cheaungkhang kawi nai keung, nang diabola i chapo nang hawi naira cheaungkhang ai paka nai keung awi, Areng i lam teng parai nai taphra nai ly nang anawn y ai a?

AMTAW 24:9

Naibaly Judachi py, “Huni leu ly hunai kamta ne,” nanai asa hai teang.

AMTAW 5:3

Na i py Petera my, “Anania, Phailo Kachai ai ka-chawi thui ai nai hawi, meingtym vang ly phyrei um mai veng ai nai py ati mana nai nang i paleung y Setan my kawi hai lawh?

II KORINTH 11:3

Na i py pavui my cheng tapawp naira y Evi ai parawi nai kamta ly, Krista mang y meitang nai hawi chai naira i dengdairei nai ly ati mo sa iy nangchi i paleung taphra lawh na, nanai kajei pahui nai ne.

I PETERA 5:8

Amkym u ly, atyp u; nangchi i paleung ka-e diabola ly pa-u reng nai khrangsi takai kamta ly ang cha thai ai naira hau nai ami kalaka na veng;

II PETERA 2:4

Ati mana nai mo nabaly kani pri i amtaw thau naichi kamngo sa nai khala y ly Tameuh my nichi ai khai y i, ngari angawm y aphi iy tara chih pi ai khai nai angawm kaveng y paeung baly:

I JOHAN 1:8

“Kaichi ly kamngo by y leang,” napi baly amychi ai atapawp nai teu, leu meitang py achi teng y by y.

I JOHAN 2:21

Nangchi ly leu meitang pany y nai deaungkho y katajiu nai ny y leang, nangchi ly pany nai deaungkho y hawi, leu meitang i nai ka-chawi tlen py theu vai y nai deaungkho y py katajiu nai teu.

I JOHAN 2:4

Mymy i leu pei naichi patawm y pui naimy, “Mymy ai kapany,” napi nai khumi ly ka-chawi thui nai teu, leu meitang py mymy teng y by y.

I JOHAN 3:12

achi ly Kaina kamta awm ai nai tlo y: mymy ly kamngo sa reng nai keung i khumi ne i, amnau ai padei lawh. Naibaly ni ly mymy ai ati mana nai y padei nai mo? Mymy i atiti sa naichi ly kamngo tla iy, amnau i atiti sa naichi ly kahawi ne nai deaungkho y teu.

I JOHAN 3:15

Ami py amy i amjo amnau ai niu ngai y nai ngierei ly khumi ai padei nai keung ne; naibaly khumi ai padei nai keung ami py deungtasarei hengra ni i paleung theung y awm nai ha py by y leang, nanai ly nangchi pany.

JUDA 1:6

Naibaly kani pri i amtaw thau naichi, mychi i awm angchi nai sai kamta awm jo y naimy, mymychi i awm reng nai meingtym khai su naichi ai ly huni kani aly len parai nai i tara chih naira i vui y kaveng anui y deungrasarei kawm naimy ang khai nai bo.

AMTENG HAI NAI 12:9

Naibaly khaileaung pri bawibawi ai tapawp nai keung, jangni jangkhawn kha i awm nai pavui, Diabola hawi Setan napi nai, naka kalen pui ai ly khaileaung y aphi kathiu bo, mymy i amtaw thau naichi py mymy hawi vanrei aphi kathiu teang.

AMTENG HAI NAI 13:14

Naibaly ni ly huni mawi kasi i mei ka-niu y atiti ka-ma-ra sa ai nai nga nai deaungkho y, khaileaung pri y awm naichi ai ang tapawp; naibaly haisau y tamo nga iy heng asai nai mawi kasi i myn sa u ai nai, khaileaung pri y awm naichi teng y leu pei bo.

AMTENG HAI NAI 2:10

Nang i tlang tleaung y vai tym ai nai patang naira takhra takhra jei moh: khen cham, nangchi ai ang parawi thai ai nai diabola my ly nangchi theung y phyreichi ai theaung y tla hai ai bo; naibaly nangchi ly kani horei sala y patang py patang ai. Na i py dei pa-rei ka-ym awm ba, hunaibaly heng naira areng lukhym kang pei ai mang.

AMTENG HAI NAI 21:8

Na i py jei naichi hawi, ym y naichi hawi, amso ngailai naichi hawi, khumi ai padei naichi hawi, angai naichi hawi, atam kawp naichi hawi, myn y chiu naichi hawi, ka-chawi thui nai bawibawichi py mai hawi kan kang nai ang y phy nga ai nai nichi i vui ne ai: huni ly pa-nyh dei naira ne,” napi.

AMTENG HAI NAI 22:15

Angam mang y ly uichi py, atam kawpchi py, angai naichi py, khumi ai padei naichi py, myn y chiu naichi py, ka-chawi thui jeaung reng iy ka-chawi sa naichi py awm u bo.

AMTENG HAI NAI 9:11

Nichi tleaung y samrang lawn nai ly ngari angawm kalawi by y nai i amtaw thau nai ne: Hebrai leu y mymy i amyn ly Abadonna ne i, Krik leu y ly mymy i amyn ly Apoluona ne.