JOHAN 8:38 - Khumi Common Language Bible

³⁸ Ngaai teng y kai i atiti niu nai ly kathui, nangchi py ngampo teng y nangchi i atiti thai nai ly nangchi my sa,” napi.

JOHAN 8:38 Iomraidhean Croise

MATTHAI 3:7

Na i py mymy ly Pharisaichi hawi Saddukaichi neangneang ly baptisma nga ai nai jeu naichi ai niu baly mymychi teng y, “Pavui i kangpreangchi awi! Kado theu naira ang tym ai nai ly preang veng ai nai ami my ang pachei mo?

JOHAN 14:10

Kai ly Ampo teng y awm, Ampo py kai teng y awm, nanai ym y nai sai a? Kai i nangchi teng y leu thui nai ly kaimy paseang amang nai thui nai ny y leang; kai teng y awm jo nai Ampo my ly mymy i kalop sa nai teu.

JOHAN 14:24

Ami py kai ai tamen y nai ly kai i leu py tangai y; nangchi i leu thai nai ly kai i ny y leang, Ampo, kai ai pato nai keung i teu.

JOHAN 17:8

nangmy kai ai leu pei naichi ly kaimy nichi teng y thui pi bo; hunichi ly nichi tangai iy, kai ly nang teng i theu, nanai pany tatang bo, nangmy kai ai pato, nanai py ym u bo.

JOHAN 3:32

Mymy i niu nai hawi thai nai ngierei ly ang pany hai i, ami py ni i pany hai nai leu ym y.

JOHAN 5:19

Hunaibaly Isu my nichi teng y, “Meitang khypkhyp kang thui pi, Chapo ly ampo i atiti sa nai niu y baly amy tlairei ati sai py so thai y leang: ni i atiti sa nai ngierei ly Chapo py sa teang.

JOHAN 5:30

“Kaimy tlairei ly ati sai py kaso thai y leang; kai i thai nai kamta ly tara kachih khyh; kai ly kaimy i kangai hau y naimy kai ai pato nai keung i kangai kahau nai deaungkho y kai i tara chih nai ly teng parai mang.

JOHAN 8:26

Nangchi i molam y kai ly atiti neangneang thui ai nai hawi chih ai nai py awm; ati py ne sy, kai ai pato nai keung ly meitang khypkhyp ne:ni teng i leu kathai nai ngierei ly khaileaung pri y kathui,” napi.

JOHAN 8:41

Naibaly nichi my ly ni teng y, “Kaichi ly pajang cho ny y leang, kaichi ly ampo leaungrei awm, huni ly Tameuh ne,” napi.

JOHAN 8:44

Nangchi ly ngampo Setan teng i theu nai i, ngampo i ngai phi teng y nai sa ai nai ngai chy bo. Ni ly angchei kha i dengdairei khumi ai padei nai keung ne, naibaly ni teng y leu meitang ha py by y nai deaungkho y mymy ly leu meitang y awm y leang. Mymy ly ka-chawi thui nai khala y amy i satang thui khyp nai ne: ati mana nai mo nabaly mymy ly ka-chawi thui nai keung ne, ka-chawi ampo py ne.