JOHAN 8:31 - Khumi Common Language Bible

³¹ Hunaibaly Isu ly mymy ai ym nai Judachi teng y ly, “Nangchi ly kai i leu y awm jo baly kai teng y abang nai khumichi ne khyp bo;

JOHAN 8:31 Iomraidhean Croise

MATTHAI 24:13

Na i py tem khala y khrairei kham pajau nai ngierei ly huni khumi kypkyp ly hengra nga ai.

JOHAN 1:47

Isu ly Nathanaela ni teng y jeu ai tau nai niu i, “Khen cham, Israela khumi meitang, tapawp nai paleung den py by y nai ho,” nanai ni i satang thui pi.

JOHAN 2:2

Isu hawi ni teng y abangnaichi ai py apom nai pawi y heang bo.

JOHAN 6:55

Kai i ngan ly teicha teinei tatang ne, kai i thi ly nei ai nai tatang ne.

JOHAN 8:36

Hunaibaly Chapo my nangchi ai miseaung alaw hai baly, nangchi alaw tatang ai.

AMTAW 13:43

Naibaly achu naichi ly amprei nai bo y Judachi hawi, mymychi i suibang kammeaung Tameuh ai tahm khai parai nai khumi neangneangchi ly Pawla hawi Bernaba teng y abang; nini ly nichi hawi arum i, Tameuh i pahengra y awm jo ai nai pachei.

AMTAW 14:22

ngari neangneang patang iy Tameuh i peang naira y kun ai nai teu, nanai abangnaichi ly paleung khaw hai iy, ym naira y ly awm jo ai nai pachei prei prei.

AMTAW 26:22

Na i py kai ly Tameuh teng i dengdairei sabawm naira kanga nai deaungkho y amochi hawi Mosi my thui nai leu tym ai nai harei ny y baly, vaini khrairei khumi katheangchi hawi khumi kalenchi teng y py leu pany hai nai kaawm jo;

ROM AVANGCHI TENG Y PAWLA I CHA PA NAI 11:22

Hunaibaly Tameuh i neaung hawi nai sai hawi ryh patyh pa-rei ang parip nai sai ly dawn cham; atlym naichi i vui ly ryh patyh pa-rei ang parip nai ne; naibaly nang ly mymy i neaung hawi naira y awm jojo baly, Tameuh i neaung hawi nai sai naini nang i vui ne; ti y baly nang ai py ang do vui teang ai.

ROM AVANGCHI TENG Y PAWLA I CHA PA NAI 2:7

atiti kahawi sa naira y kham pajau iy, nang parai naira hawi tahm asang naira hawi, veaung thai y naira hau nai keungchi teng y ly deungtasarei hengra pei ai;

KOLOSA 1:23

nangchi ly ym naira y awm u jojo i, amchym naira nga u iy khaw parai pa-rei awm u naimy, nangchi i Satang Kahawi thai nai athang khai naira i dengdairei asyh vui y baly; huni ly kani anui y atiti sa nai bawibawichi theung y aeu hai nai ne chy bo; naibaly kai, Pawla ai ly huni ai kry ai nai keung y ang palawn nai ne.

I TIMOTHEI 2:15

na i py nichi ly amkym nai tarawi y ym naira y hawi, tamen naira y hawi, chai naira y py awm jojo baly, chanau tapen nai deaungkho y paheng naira nga ai.

I TIMOTHEI 4:16

Nangmy hawi nang i patiu naira y ly amkym ly. Hunichi ly so veangveang; nang ly hunai kamta sa naira y ly nangmy hawi nang i leu tangai naichi ai py paheng ai.

II TIMOTHEI 3:14

Na i py nang ly ami teng y amtiu, nanai apany iy, nang i atiti amtiu nai hawi pany khyp nai ryrei y awm jojo:

HEBRAI 3:14

achi my achi i ym amteaung angchei nai ly tem nai khala y khrairei khaw parai pa-rei my patawm cheng baly,

HEBRAI 8:9

Mymychi i amsi pajochi ai Aikupta pri i dengdairei pahawi ai nai Nichi i kiu y kapatawn nai kani y, Nichi teng y kai i leu maikawm khai nai kamta ny y; Ati mana nai mo nabaly nichi ly kai i leu maikawm y awm u jo y; Hunaibaly nichi ai ly kadawn hai y bo, Areng my napi.

JAKOB 1:25

Na i py ami py angym nai reita, miseaung alaw nai reita y khen nai awm jo baly, thai nai ly tami ryp y nai, patawm iy sa jo nai keung lawn nai ly, huni khumi ai ly ni i atiti sa naira y amtheaung hai ai.

I JOHAN 2:19

Nichi ly achi theung i dengdairei theu bo, na i py nichi ly achi i khumi tatang ny y leang; nichi ly achi i khumi tatang ne i khyly achi teng y ang awm jojo ai bo; na i py nichi bawibawi ly ha py achi i khumi tatang ny y leang, nanai hawihai palai amteng thai ai nai ang theu pi veng nai bo.

I JOHAN 2:24

Nangchi i angchei kha i dengdairei thai nai ly nangmychi y awm jojo sy. Nangchi i angchei kha i dengdairei thai nai ly nangmychi y awm jojo baly, nangchi py Chapo y hawi Ampo y py awm jojo ai.

II JOHAN 1:9

Ami py Krista i patiu nai leu y awm jo y iy katlen vui nai keung ngierei teng y ly Tameuh by y:huni patiu nai leu y awm jo nai keung ly, huni khumi kypkyp teng y ly Ampo hawi Chapo py awm abom mei nai ne.

1 SAMUELA 12:14

Nangchi ly nangmychi i Areng Tameuh ai, jei kaji naimy chiu iy leu pei naichi ai akhi y, leu tangai nai hawimy nangmychi i samrang hawi vanrei, mymy i pahen naira y atyp u baly, nangchi ly tlamsa ai.