JOHAN 8:21 - Khumi Common Language Bible

²¹ Naibaly mymy ly nichi teng y, “Kai ly chei veng ai bo he, nangchi ly kai ai hau ai i, nangchi i kamngo awm jo naimy dei u ai: kai i chei ai naira y nangchi jeu thai y leang,” napi bi.

JOHAN 8:21 Iomraidhean Croise

1 ARENG KEH 18:10

Samrang ly nang ai khaileaung pri verei y hau hai nai ne, nanai Tameuh kangheng, nang i Areng amyn y kai, vaineng abeu bo. Mani pri y py Elija ly by y leang bo, nanai thui nai ly teng khyp nanai Ahab my vaineng abeu hai nai ne.

JOBA 20:11

Ni i tlang ly ka-veang thym ngan tlang y awm vai teu i py, kra y naimy spryh kamta lawm vui ai.

LEU KACHENG 11:7

Khumi hawi y nai dei nai khala, my i athang khai naira ly my hawi vanrei tama veng bo. Yhmtheaung katui ai paleung apado nai ly ati sai py ny y naira y tym hai bo.

LEU KACHENG 14:32

Khumi hawi y naichi ly hawi y nairachi sa nai molam y, mychi ai mychi naimy atlymra sa u nai ne. Na i py khumi kahawichi ly mychi i leu meitang saho y, mychi ai ama hai ai.

ISAIA 65:20

Kanu kanei deaungdichi py, tleaungri cheng y naimy dei u ai ny y. khumi luteng py saneng syp pa-rei heng u ai. Saneng chungvairei heng nai khumichi ai malawn py, saneng theang nai khumichi, nanai palawn u ai. Saneng chungvairei heng y nai khumichi ai ly kaimy pajeng nai ka-ma-ra ne, nanai dawn pany u ai.

MATTHAI 23:39

Kang thui pi, ‘Areng i amyn y jeu nai ly taham hawi,’ ti u y ryrei ly, nangchi ly vai i dengdairei kai ai niu ali y leang bo he,” napi.

MATTHAI 25:41

“Hunai pajau khala y ly ni ly mymy i langvawi mang y awm naichi teng y ly, ‘Amsawi lawi naichi awi, diabola hawi mymy i amtaw thaunaichi i vui sa rym nai deungtasarei mai y kai teng i nai chei u pawn;

MATTHAI 25:46

Naibaly hinichi ly deungtasarei pajeng naira y chei u vui ai: khumi kahawichi naini deungtasarei hengra y chei u vui ai,” napi.

JOHAN 12:33

Huni leu ly mymy i dei ai nai sai pany hai nai thui nai ne.

JOHAN 12:35

Naibaly Isu my nichi teng y, “Kangvang ly tanarei chy sala y nangchi theung y awm rai; kaveng my nangchi ai kai y ai nai kangvang awm nai sala y pavai u; ami py kaveng y pavai nai ly mymy i tako ai naira pany y.

JOHAN 13:33

Bechi awi, kai ly nangchi teng y tanarei chy awm ai rai. Nangchi ly kai ai hau ai:naibaly Judachi teng y, ‘Kai i chei ai naira y nangchi jeu thai y leang,’ nanai kai i thui nai kamta vai py hunai kamta nangchi teng y py kang thui pi teang.

JOHAN 7:34

Nangchi ly kai ai hau ai i niu ai ny y; kai i awmra y py nangchi jeu thai ai ny y,” napi.

JOHAN 7:36

‘Nangchi ly kai ai hau ai i niu ai ny y:kai i awm naira y py nangchi jeu thai ai ny y,’ nanai ly ati mana nai sai mo?” napi.

JOHAN 8:24

Hunai deaungkho y chy bo, ‘Nangchi i kamngo awm jo naimy dei u ai,’ kang napi nai ly; huni ly kai ne, nanai nangchi ym y baly, nangchi i kamngo awm jo naimy dei u thle thle ai,” napi.

EPHESI 2:1

Nangchi py nangchi i taphra nai hawi kamngo nai deaungkho y dei u nai thym khala i nai ly nangchi ai ang paheng bo;