JOHAN 7:51 - Khumi Common Language Bible

⁵¹ “Ami i labeaung kypkyp y leu thai iy, ni i atiti sa naichi pany y rai kha y, achi i Reita ly khumi ai chih vai a?” napi.

JOHAN 7:51 Iomraidhean Croise

THEU NAI 23:1

Nangchi ly teng y nai satang kamngo sa nai khumi mang y, teng y nai pany hai nai keung lawm moh.

LEU KACHENG 18:13

Pathang y rai khala deng nai leu ai tem pa-rei tangai; hunai kamta so y baly akhum nai hawi khumi mei aniu y nai ne.

Kati Nai 35:30

“Khumi ai padei, nanai neng hai nai keung ai, pany nai keung leaung nyhrei, ti y baly leaung nyhrei bo y pany nai keung awm khala naini padei teang pajau nai ne. Pany nai keung leaungrei i neng hai nai hawi ly huni khumi ai padei ai nai avo y.

AMTAW 23:3

Naibaly Pawla my ly mymy teng y, “Nang an kangleung paju nai ampang awi, nangmy ai naini Tameuh my ang tabeang ai mang; nang ly Reita kamta kai ai chih ai nai ateh nai iy, Reita ny y nai kai ai tabeang ai nai leu pei lawh a?” napi.

Leu Thui Nai 1:17

Padyh padawi nai khala meimai katheang kalen khen y naimy, adyh adawi pa-rei chih u. Nangchi i padyh padawi nai ly Tameuh i kangai ne nai deaungkho y, jei u moh. Nangchi my chih pajau y nai awm lawh baly kai teng y tym hai u, kaimy chih pi ai.

Leu Thui Nai 17:6

Na i py pany nai keung leaung nyhrei, leaung thomrei awm khala naini, kamngo sa nai huni khumi ai padei ai nai tla. Pany nai keung leaungrei awm khyh baly, huni khumi ai padei ai nai tlo y.