JOHAN 7:41 - Khumi Common Language Bible

⁴¹ Phyreichi my ly, “Hini ly Krista ne na a,” napi. Phyreichi my ly, “Ma! Krista nai Kalili pri y theu rengrang ai mo?

JOHAN 7:41 Iomraidhean Croise

JOHAN 1:41

Ni my ly ni i amjo Simon ai hau manme i ni teng y “Kaini ly Messia ai niu bo,” napi; (huni ly Krista nanai sai ne.)

JOHAN 1:46

Naibaly Nathanaela my ni teng y, “Nazaret avang i dengdairei atiti kahawi theu thai a?” napi. Philipa my ni teng y, “Jeu ly, khen cham,” napi.

JOHAN 1:49

Nathanaela my ni teng y, “Rabbi, nang ly Tameuh i Chapo ne, nang ly Israelachi i Samrang ne,” nanai pathang.

JOHAN 4:25

Naibaly neampachy my ni teng y, “Messia, Krista napi nai ang jeu ai, nanai ly kai pany:ni ly ang jeu khala y ly ati cheaungkhang ang thui pi ai,” napi.

JOHAN 4:29

“Jeu u ly, kai i atiti sa nai ngierei ang thui pi ryp ryp nai keung khumi leaungrei ai khen u cham. Hini ly Krista ny y a?” napi.

JOHAN 4:42

Nichi ly neampachy teng y, “Vai taleang ly kaichi nang i leu thui nai deaungkho y ym nai ny y leang bo: kaimychi kypkyp my ni i leu thai iy, hini ly khaileaung pri ai lawi hai nai keung ne khyp, nanai pany bo,” napi.

JOHAN 6:69

Nang ly Tameuh i Khumi Kachai ne, nanai kaichi ym i, pany py pany bo,” nanai pathang.

JOHAN 7:27

Na i py hini khumi ly ma mang i theu nai mo, nanai achi my pany be; na i py Krista ly ang tym khala y ma mang i theu nai mo, nanai ami py pany ai ny y,” napi.

JOHAN 7:31

Na i py khumi mipuichi theung i nai khumi neangneangchi ly mymy ai ym i, “Krista ly ang tym nai khala y hini khumi i sa nai tleaung y rengrang nawi keh so na a?” napi.

JOHAN 7:52

Nichi my ly ni teng y, “Nang py Kalili pri i khumi teang lawh kha? Hau cham. Kalili pri i nai amo ami py theu y leang, nanai pany be,” nanai pathang.