JOHAN 7:4 - Khumi Common Language Bible

⁴ Ami py amy i satang amthang ai ngai nai khumi ly kangviu y ati sai py so y leang. Hini atitichi ly nang sa tatang baly, khaileaung prichi teng y nangmy ai amteng hai,” napi.

JOHAN 7:4 Iomraidhean Croise

1 ARENG KEH 22:13

Hunai thym y Mikha teng y chei nai samrang yhm miteaung keh ly Mikha teng y, “Takhra amo bawibawichi my samrang ly eaung naira nga ai, nanai thui pi bawibawi bo; nang ly huna nai kamta thui pi teang ai nai hawi,” napi.

MATTHAI 23:5

Nichi i atiti sa nai bawibawi ly khumi i ka-niu y sa nai teu; nichi ly la-phawi vui bei kalen sa i kanih tawn py len parai sa;

MATTHAI 4:6

“Nang ly Tameuh i Chapo ne nabaly tabo kathiu; ‘Nang i molam y mymy i kani pri i amtaw thau naichi ai leu ang pei ai i, Nichi i kiu my nang ai ang dawmkhawn ai, Ti y baly nang i kheu ly lengseaung y thip lawh na,’ nanai tajiu nai awm lawh,” napi.

MATTHAI 6:16

“Naibaly nangchi ly biu hai nai neng khala y py tapawp nai khumichi i kamta meimai takhui sui nai awm u moh; nichi ly khumichi i mei ka-niu y biu hai nai amny thai ai nai mymychi i meimai aneaung hai run lawh. Meitang khyp kang thui pi, nichi ly mymychi i kawn nai vang nga be veng bo.

MATTHAI 6:5

“Naibaly nangchi ly chiu sa khala y tapawp naichi i kamta sa ai nai tlo y: nichi ly khumichi my niu thai ai nai achura yhm y hawi lam kangpreira y py angdo nai tarawi y chiu sa ai nai ngai parai lawh. Meitang khyp kang thui pi, nichi ly mychi i kawn nai vang nga be veng bo.

LUKA 6:45

Khumi kahawi ly ni i paleung i yhmtheaung kahawi i dengdairei atiti kahawi patheu reng, khumi kamngo ly ni i paleung yhmtheaung hawi y naira i dengdairei atiti hawi y nai patheu reng: ni i paleung y kawi palai nai ly labeaung y thui reng.

JOHAN 18:20

Isu my ni teng y, “Khaileaung pri i khumichi teng y khumi bawibawichi i ka-thai y kai leu thui be; achura yhm y hawi, achura yhm kalen pui y py, Juda bawibawichi i achu reng nai meingtym y kai patiu jojo be; kai ly kangviu y ati sai py thui y leang.

JOHAN 7:3

Hunaibaly ni i amjo amnauchi my ni teng y, “Nang teng y abangnaichi ly nang i atiti sa naichi niu thai ai nai hi i dengdairei theu ly, Judai pri y chei ba.

JOHAN 7:5

Mymy i amjo amnauchi raurei py ni ai ym y.