JOHAN 7:37 - Khumi Common Language Bible

³⁷ Naibaly pawi lui nai kani aly len keh nai khala y Isu ly angdo i, “Ami py tui ahai baly kai teng y jeu iy nei sy.

JOHAN 7:37 Iomraidhean Croise

NEHEMIA 8:18

Nichi ly pawi angchei kani dengdai kangkhym i kani tym pa-rei, kani tleirei Tameuh i Reita leu phain u bo. Nichi ly huni pawi ai kani saryhrei sa u i, kani tajarei kani y ly Reita leura y thui yb nai kamta pawi sa u nai ne.

SAM 143:6

Kai ly kiu pheu naimy nang teng y chiu sa bo; tui ahai nai khaileaung kamta, kai i phailo ly nang ai kadeaung nai ne.

SAM 42:2

Tameuh kangheng napi nai, nang ai kai ly kadeaung bo. Kai ly mana khala y nang i mo y ahihawi iy, chiu sa pajau ai mo?

SAM 63:1

Aw Tameuh, nang ly kai i Tameuh ne nai deaungkho y, kai ly nang ai kadeaung nai ne. Kai ly tlang hawi paleung verei, nang ai ajeng naimy kadeaung bo; kai i phailo ly tui by y iy jengha nai khaileaung kamta, nang ai kadeaung bo.

LEU KACHENG 1:20

Tangai cham! cheng naira my ly lamchira py, seng meingtymchira py palau nai ne.

LEU KACHENG 8:1

Tangai cham! Cheng naira my ang palau. Pany thai nai cheng naira ly my i raawi khumichi thai ai nai aeu nai ne.

LEU KACHENG 8:17

Kai ai tamen nai khumi ai, kai py tamen; ami py ne sy, kai ai hau baly avum pajau.

LEU KACHENG 8:3

Mary theung y kun nai pa-kho ra y py, mary apai pa-kho sahawi y py, angdo nai cheng naira my ly

LEU KACHENG 9:3

Mymy i miseaung neampachychi ai pato iy, mary theung y asang keh nai meingtym mang dengdairei,

Solomon i khulym 5:1

Kai i aju angam nai khrei nai awi, kai ly kaimy i akho theung y kun bo. Kai ly rimui hawi mura pakym achu bo; kai ly khawi hang hawi khawi byn cha iy kreip hang hawi kanu kanei nai ne. Khrei naichi awi, cho u, nei u; khrei nai hawimy pavui na pa-rei nei u.

ISAIA 12:3

Tui kachai ly tui ahai nai khumichi ai amo theu hai nai kamta, Tameuh i khumichi ly mymy atleu pi nai khala, amo theu ai.”

ISAIA 40:2

Jerusalem mary i khumichi ai atho pei u. Nichi ly ngari kamtang kra parai pa-rei avum nai deaungkho y, nichi i kamngochi ai vai, kaimy pahen pi bo, nanai nichi teng y thui pi u. Kai ly nichi i kamngo nai ai pajeng nai tym angym hai bo,” napi.

ISAIA 40:6

Huni raawi my, “A-eu!” napi nai deaungkho y, “Ati amjy aeu ai mo?” nanai kaimy deng baly, “Khumi angso bawibawichi ly acha keung atawm iy, daichi kaseaung kamta akan y, nanai aeu!

ISAIA 44:3

“Kai ly tui ahai nai pri y kani nai hai ai. Tui by y nai daichi ka-vymra y micheaung tuinochi leaung hai ai. Nangchi i cho chanauchi tlang tleaung y kai i phailo py, nangchi i katu chanauchi tlang tleaung y amtheaung naira py, satleu pi ai.

ISAIA 55:1

Areng my, “Tui ahai nai khumi bawibawichi awi, jeu u; hi y tui awm! Paisa tangka by y nai khumichi awi jeu u ly, choh van iy cho u! Kanu tui hawi kreip hang vang u! nangchi ati sai py vang tlo y leang!

ISAIA 55:3

“Kai i khumichi awi, kai i leu tangai iy, kai teng y jeu u. Hina nai kamta sa baly nangchi ly hengra nga u ai! Kai ly nangchi hawi deungtasarei leu maikawm asa iy, Davida teng y adeu nai amtheaung nairachi ly nangchi teng y kang pei ai.

ISAIA 58:1

Areng my, “Baw katyn pajeng thai ryrei eng nai kamta aeu! Kai i khumichi teng y mychi i kamngo nai sai thui pi!

JEREMIA 16:19

Aw Areng, nang ly kai ai kry iy atho pei bo. Patang naira avum nai khala sabawm bo. Khaileaung pri katemra i dengdairei khumi cheng cheaungkhangchi ly nang teng y jeu iy, “Kaichi i amsi pajochi chiu nai tameuhchi ly tameuh ka-chawi ne, atyhtyh teu. Hawi naira pei pajau y nai mynchi ne.

JEREMIA 2:2

“Nang ly Jerusalem mary y chei iy, huni mary y awm nai khumi bawibawichi teng y hini satang thui pi,” Nangchi ly deaungdi khala y, ati mana ka-ym awm u mo, nanai kai pany. Nang ly deaung vawi nai anglo kamta kai ai khrei bo. Nangchi ly ati sai py pati y nai daichi ka-vym jeungrei tako prei iy, kai i nithun abang u nai ne.

Ezekiela 47:9

Huni tavo micheaung leaung nai meingtym tleirei y, daichi mawi hawi ngo cheaungkhang avum ai. Huni tavo micheaung ly pangli kadei i tui y, tui kahawi lawm hai ai. Huni tui leaung nai meingtym tleirei y heng nai amjychi ai, heng nai hawi hai ai.

Levi 23:36

Kani saryhrei sala kani tleirei teicha teinei kapathyprachi talam ai nai tla. Kani tajarei kani y chiu sa achu u bi iy, teicha teinei kapathyprachi talam u bi ai nai tla. Huni kani ly chiu sa achu nai kani ne i, kalop sa ai nai avo y.

Levi 23:39

Nangchi chohboleh nai khala Taichy pawi ai saryh lo i kani holai pangrei kani dengdai kani saryh tym pa-rei pawi sa ai nai tla. Pawi angchei kani y amdaw nai kani khai patyp ai nai tla.

MIKHA 6:9

Areng ai jei kaji nai khumi ly khumi kacheng ne. Mymy ly mary y hina nai kamta thui pi bo. “Mary theung awm achu nai khumi bawibawichi awi, tangai u!

ZEKHARIAH 9:15

Ati cheaungkhang sa thai nai Areng ly mymy i khumichi ai kry ai; nichi py paleung ka-echi ai eaung ai. Nichi ly cha nei ala nai khumichi kamta, tavai keung y aeu naimy paleung ka-echi ai padei u ai. Huni khumichi i thi ly rahumra i nai maicham salo y leih nai thi kamta leaung ai.

Kati Nai 29:35

Tajarei kani y ly nangchi jeu achu iy chiu sa ai nai tla, huni kani y kalop sa ai nai tlo y.

MATTHAI 11:28

Nangchi akawm naichi hawi myn kaji pho nai bawibawichi awi, kai teng y jeu u, kaimy anawn hai namang.

MATTHAI 3:3

Amo Isaia my, “Daichi ka-vym y aeu nai raawi ly,” “Areng i lamlen so u rym ly, Mymy i lam cheaungkhang pataw u,’ napi,” nanai thui nai ly mymy ne he.

MATTHAI 5:6

“Hawi naira nga ai nai kajeu kanglam tui kanghai dawn y pa-rei hau naichi ly taham hawi: nichi ly bym pa-rei nga ai.

JOHAN 1:23

Naibaly ni my ly, “Amo Isaia i thui pi nai kamta, ‘Areng i lam pataw u,’ nanai daichi ka-vym y aeu nai keung i raawi ne kai ly,” napi.

JOHAN 14:6

Isu my ni teng y, “Kai ly lam py, leu meitang py, hengra py ne.

JOHAN 4:10

Isu my ni teng y, “Tameuh i atiti pei nai hawi, nang teng y Kai nei ai nai pei ba’ napi nai keung ai nang pany i khyly, nangmy ni teng y hnei lawh ai i, ni my ly tui kangheng ang pei ai bo,” nanai pathang.

JOHAN 4:11

Naibaly neampachy my ni teng y, “Areng, nang ly atheura ati sai py by y pui be, tuikan ly thiu parai; nang ly huni tui kangheng ma mang i nai nga mo?

JOHAN 4:14

ami py kai i pei ai nai tui nei nai ngierei ly tlen py tui ahai y ai; kai i ni teng y pei ai nai tui ly my i taku theung y tuino awm ai i, deungtasarei hengra tym pa-rei achawn ai,” nanai pathang.

JOHAN 5:40

na i py nangchi ly hengra nga thai ai nai kai teng y jeu ai nai ngai u y.

JOHAN 6:35

Naibaly Isu my nichi teng y, “Kai ly heng nai tako ne:ami py kai teng y jeu nai ly biu alam y ai, ami py kai ai ym nai ly mana khala y py tui ahai y ai.

JOHAN 6:37

Ampo my kai ai pei nai bawibawi ly kai teng y jeu bebe ai; ami py kai teng y jeu nai ai ly den py kapatheu y ai.

JOHAN 6:55

Kai i ngan ly teicha teinei tatang ne, kai i thi ly nei ai nai tatang ne.

JOHAN 7:28

Hunai deaungkho y Isu ly achura yhm kalen pui y leu patiu nai tarawi y aeu i, “Nangchi ly kai ai pany, kai ly ma mang i theu nai mo, nanai py nangchi pany mang. Kai ly amy ngaingai kang jeu nai ny y leang, kai ai pato nai keung ly meitang khypkhyp ne, ni ai ly nangchi my pany y.

I KORINTH 10:21

Nangchi ly Areng i khau hawi vawinamchi i khau hawi nei abom thai y leang: nangchi ly Areng i sabawi y hawi, vawinamchi i sabawi y py cho abom thai y leang.

I KORINTH 10:4

naibaly nichi bawibawi ly phailo mang i tui nei nai py vanrei nei; ati mana nai mo nabaly nichi ly mymychi teng y abang nai phailo mang i lengseaung pui i nai bawibawi nei u bo; huni lengseaung pui ly Krista ne.

I KORINTH 11:25

Hunai kamta teang dym biu cha pajau iy khau py la i, “Hini khau ly kai i thi y leu maikawm kangtha ne; nangchi nei nai tleirei kai ai pany jo ai nai hini ly so u,” napi nai ly.

I KORINTH 12:13

Achi bawibawi ly Judachi mo Krikchi mo, miseaung mo miseaung ny y nai mo, tlang bomrei y awm ai nai achi ly Phailo harei y baptisma nga bawibawi i, Phailo harei y ang nei hai bawibawi teang.

EPHESI 5:18

Naibaly kreip athai hang pavui u moh, hunira y ly amkym pajau y naira awm lawh veng; Phailo kawi nai phai awm u;

AMTENG HAI NAI 21:6

Naibaly ni ly kai teng y, “Hunichi ly angym be bo. Alpha hawi Omeka, pakeung hawi katem kai ne. Tui ahai nai keung ngierei teng y heng naira tuino i tui jawm my kapei ai.

AMTENG HAI NAI 22:1

Naibaly mymy ly huni i lam pareaung sala y heng naira jangpang tui, krustala lengseaung kamta angvang nai, Tameuh hawi Beram Cho i areng atehra dengdairei theu nai ang khen hai.

AMTENG HAI NAI 22:17

Naibaly Phailo hawi deaung vawi nai anglo my, “Jeu ly,” ang napi. Thai nai khumi py, “Jeu ly,” tapi sy. Tui ahai nai khumi ly jeu sy: ngai nai khumi ly heng naira tui jawm my lo sy.