JOHAN 7:32 - Khumi Common Language Bible

³² Naibaly Pharisaichi ly ni i molam y khumi mipuichi i preaung nai leu thai u i, pathyp pi nai keung kalenchi hawi Pharisaichi ly ni ai patiu ai nai miseaung luchi ai pato.

JOHAN 7:32 Iomraidhean Croise

MATTHAI 12:14

Hunaibaly Pharisaichi ly theu iy mymy ai padei thai ai nai sai arum u bo.

MATTHAI 23:13

“Na i py nangchi Reita patiu nai keungchi hawi Pharisai tapawp naichi awi, nangchi ly taham si! Nangchi ly amichi i vui kani pri my peang naira ly kho hai tawp veng iy, nangmychi py kun u y i, kun ai naichi ai py nangchi my kun ai nai pei u y.

MATTHAI 26:58

Na i py Petera ly pathyp pi nai keung kalen keh nai i lyum y tym pa-rei kamlo dengdairei mymy ai hui pajyh; naibaly kun iy huni satang tem pa-rei pany ai nai miseaungchi theung y ateh teang.

JOHAN 11:46

Na i py phyreichi ly Pharisaichi teng y chei u i, nichi teng y Isu i atiti sa nai ly thui pi.

JOHAN 12:19

Hunaibaly Pharisaichi my ly, “Khen cham, nangchi ly ati sai py so thai y; khen cham, khaileaung pri vereichi ly mymy teng y abang lawh bo he,” na u leungtang.

JOHAN 18:3

Hunaibaly Juda ly tavaimi kamkawm hawi, pathyp pi nai keung kalenchi hawi Pharisaichi teng i nai miseaung luchi hawi avum i, maisi hawi maiteaung hawi haisauchi py syn iy hu y chei bo.

JOHAN 7:30

Hunaibaly nichi ly mymy ai patiu ai nai hau u, na i py mymy i neng tym y rai nai deaungkho y ami py ni ai nam y.

AMTAW 5:26

Hunaibaly achura yhm kalen pui typ nai lu hawi, miseaung luchi hawi chei iy nichi ai ano y naimy pahawi, ti y baly mymychi ai khumi mipuichi my lengseaung y atum lawh na, nanai jei.

1 SAMUELA 19:20

hunai deaungkho y niai patiu ai nai khumi phyreichi ai pato. Nichi ly Samuela my lu sa iy lam, aeu u nai amo kamkawm ai niu u. Huna nai khala y Tameuh i phailo ly Sawla i khumichi teng y tym i, nichi py lam, aeu u.