JOHAN 7:17 - Khumi Common Language Bible

¹⁷ Ami py mymy i kangai sa ai nai ngai nai khumi ly leu patiu nai ly Tameuh i patheu nai mo, kaimy i paseang iy thui nai mo, nanai pany ai.

JOHAN 7:17 Iomraidhean Croise

SAM 119:10

Kai ly paleung hawi verei, nang i miseaung lawm ai nai atho sa ai; kai ly nang i reita leu pei naichira i nai amphri vui moh sy.

SAM 25:12

Areng ai jei kaji naimy tahm khai nai khumichi ly mychi tako ai nai lam Tameuh teng i dengdairei amtiu u ai.

SAM 25:14

Areng ly mymy i leu tangai nai khumichi hawi amkawm nai ne. Nichi i vui mymy i Leu Maikawm ai khaw hai bo.

LEU KACHENG 28:5

Khumi hawi y naichi ly adyh adawi naira i, awm nai sai pany u y. Na i py Areng ai chiu nai khumichi ly huni ai pany thai nai ne.

LEU KACHENG 3:32

Ati mana nai mo nabaly Areng ly hawi y sa nai khumichi ai niu ngai y i, khumi kahawichi ai ly mymy hawi amkawm hai nai deaungkho y ne.

ISAIA 35:8

Huni meingtym y, “Meingtym kachai mang y chei nai lam,” nanai amyn pathi nai lam manglai pui amteng ai. Kamngo sa nai khumi ngiereichi ly huni lam tako ai nai nga u ai ny y. Khumi ka-khum ngiereichi ly huni lam tako nai khumichi ai lam tamang hai pajau ai ny y.

DANIELA 12:10

Khumi neangneangchi ly paleung chai u ai. Khumi hawi y naichi ly pany thai naira by y i, hawi y naira sa u veangveang ai. Khumi kacheng naini, pany thai naira nga ai.

HOSEA 6:3

Achi ly Areng ai pany ai nai atho so u sina. Khawn khutawi reng nai kamta, nicho neng khala khaileaung salo y kani nai hai reng nai kamta, mymy ly achi teng y ang jeu takengkei ai,” nanai thui u bo.

MIKHA 4:2

“Tameuh i Achura yhm awm nai Areng i mawi mang y kalau u sina. Mymy ly achi ai, mymy i kangai hawi vanrei awm ai nai patiu pi ai. Mymy i lam patei nai kamta tako u ai. Mymy i reita leu ly Zion mawi i dengdairei py, Areng i leu pei nai ly Jerusalem mary i dengdairei py, ang tym nai ne,” nanai thui u.

MALAKHI 4:2

Na i py kai i leu ai tahm khai nai khumichi i vui ly kai i atleu nai sa thai naira ly kanito kamta, nichi i tlang tleaung y angvang naimy, kanito kangvang sangso kamta, nangchi i no-nachi hawi hai ai. Nangchi ly hai theung i patleaung nai si chochi kamta, amo theu naimy ampyh u lengleang ai.

MATTHAI 6:22

“Tlang i maisi ly mei ne; nang i mei pachym baly nang i tlang bom varei y kangvang kawi be ai mang.

LUKA 8:15

Naibaly khaileaung kahawira y tla nai ly hinichi he: paleung kateng kahawi naimy leu thai iy patawm jojo i hawihai palai athai.

JOHAN 3:21

Na i py ami py kateng sa nai ngierei ly mymy i atiti sa naichi Tameuh i saho y sa nai ne, nanai amteng hai ai nai kangvang y theu ai,” napi.

JOHAN 8:43

Nangchi my kai i leu thui nai ly ati mana nai pany thai y lawh? Kai i leu tangai u pajau y nai deaungkho y na a.

JOHAN 8:44

Nangchi ly ngampo Setan teng i theu nai i, ngampo i ngai phi teng y nai sa ai nai ngai chy bo. Ni ly angchei kha i dengdairei khumi ai padei nai keung ne, naibaly ni teng y leu meitang ha py by y nai deaungkho y mymy ly leu meitang y awm y leang. Mymy ly ka-chawi thui nai khala y amy i satang thui khyp nai ne: ati mana nai mo nabaly mymy ly ka-chawi thui nai keung ne, ka-chawi ampo py ne.

JOHAN 8:47

Tameuh teng i theu nai ly Tameuh i leu tangai; nangchi ly Tameuh teng i theu nai ny y nai deaungkho y chy bo tangai y nai ly,” napi.

AMTAW 17:11

Hu i khumichi ly Thesalonika avang i khumichi tleaung y ly hawi kyh, ati mana nai mo nabaly nichi ly paleung kawn parai naimy huni leu tangai iy, huni satang thui pi nai ly teng mo teng y mo, nanai Tameuh i cha-iu y kani tleirei hau u.