JOHAN 7:13 - Khumi Common Language Bible

¹³ Khumi mipuichi ai tapawp nai teu,” napi. Na i py Judaichi ai jei nai deaungkho y ami py ni i satang ka-thai ra y thui vam y.

JOHAN 7:13 Iomraidhean Croise

LEU KACHENG 29:25

Amy i tlang tleaung y khumi takhrachi my ati mana dawn na mo, nanai paleung mawn nai khumi ly ka-jeira avum ai. Na i py Areng teng y abyh nai khumi ly chymme ai.

JOHAN 19:38

Naibaly huna naichi sa nai bo y ly Josepha Arimathai avang i khumi, Isu teng y abang teang (ne mang ly Judachi ai jei nai deaungkho y kangviu y abang) ni ly Isu i veu la vui ai nai Pilata teng y hnei. Naibaly Pilata my pei i ni ly jeu iy veu la veng bo.

JOHAN 20:19

Naibaly huni kani saryhrei nai angchei i kani dym mang y ly, Judachi ai jei nai deaungkho y abangnaichi ly mymychi i awm naira yhm katheu kho veng nai bo y Isu ly nichi theung y angdo i nichi teng y, “Nangchi teng y paleung awmnem naira awm sy,” napi.

JOHAN 3:2

Huni khumi ly vum y Isu teng y chei i ni teng y, “Sara! Tameuh teng i nai leu patiu nai keung y nang jeu, nanai kaichi pany; ati mana nai mo pany baly Tameuh my awm hai y baly hini nang i rengrang sa naichi ka-tawm ami py so thai y,” napi.

JOHAN 7:1

Hunai pajau khala y Isu ly Kalili pri y khuleaung chei; Judachi my ni ai padei ai nai hau nai deaungkho y Judai pri y khuleaung chei ai nai ngai y bo.

JOHAN 7:11

Naibaly Judachi ly pawira y ni ai hau i, “Mymy ly ma mang y awm mo?” napi.

JOHAN 7:15

Naibaly Judachi ly, “Hini khumi ly cha amtiu vai y naimy mana pany lawh?” napi i lyh parai.

JOHAN 9:22

Mymy i amhm ampo my ly Judachi ai jei nai deaungkho y huna nai leu thui nai teu: Judachi my ly ti y rai khala y py, ami py mymy ly Krista ne, nanai asa hai nai khumi ai ly achura yhm i dengdairei patheu ai, nanai arum u yb bo.

JOHAN 9:34

Nichi my ly mymy teng y, “Nang ly kamngo naimy tapen nai na a, kaichi ai patiu lawh a?” nanai pathang i, ni ai ly atho y my patheu bo.

AMTENG HAI NAI 2:13

Nang i awm naira kapany: Setan i areng atehra ly huni meingtym y awm: naibaly nang ly kai i amyn patawn cheng i, Setan i awm naira y kai i leu pany hai nai keung ka-ym Antipa ai ang padei nai thym khala y py nang ly kai ai ym naira ly apha y leang bo.