JOHAN 6:61 - Khumi Common Language Bible

⁶¹ Hunaibaly abangnaichi my huni leu y preaung, nanai Isu ly mymy i paleung y pany i nichi teng y, “Nangchi ly hini leu y paleung hawi u y lawh kha?

JOHAN 6:61 Iomraidhean Croise

MATTHAI 11:6

Naibaly ami py kai i tlang tleaung y paleung hawi y naira ngo y nai ly taham hawi,” nanai pathang.

MATTHAI 17:27

Na i py ani my nichi ai atlym hai lawh baly ang y chei ly, naibaly sakawi va i, man angchei nai ngo la iy huni i labeaung taai i tangka tlaurei nga ai; huni ly lo ly, kai i vui hawi nang i vui py nichi teng y pei,” napi.

JOHAN 16:19

Naibaly nichi ly mymy teng y deng ai nai ngai, nanai Isu my pany i nichi teng y, “Kra y nai sala y nangchi ly kai ai niu ai ny y, kra y nai sala y nangchi ly kai ai niu teang ai,’ nanai, hini kai i leu thui nai nangchi ly adeng u lo-oh?

JOHAN 21:17

Naibaly pa-thom ni teng y, “Simon, Johan i chapo, nang ly kai ai khrei a?” napi. Naibaly tlen thomrei ni teng y, “Nang ly kai ai khrei a?” napi veangveang nai deaungkho y Petera ly paleung mawn i ni teng y, “Areng, nang ati cheaungkhang pany, kai ly nang ai khrei nanai py nang pany chy bo,” napi. Isu my ni teng y, “Kai i beramchi ai pacho.

JOHAN 6:64

Na i py nangchi theung y phyreichi ly ym y nai khumi ne,” napi. Ati mana nai mo nabaly Isu ly mymy ai ym y naichi hawi, patiu hai ai nai keung ai py angchei kha i dengdairei pany yb bo.

HEBRAI 4:13

Naibaly mymy i mei ka-niu y ly atiti sa nai bawibawichi theung y amteng y nai ha py by y; achi ai ang sa nai keung i mei ka-niu y ly ati cheaungkhang ka-keu hawi am-eaung nai angchi awm lawh veng nai ne.

AMTENG HAI NAI 2:23

Naibaly mymy i chanauchi ai ly kapadei khyp ai; naibaly kai ly dawn naira hawi paleung khen patawm nai keung ne, nanai palau takhra kamkawm bawibawichi ly pany u ai; naibaly nangchi leaung leaungrei i atiti sa nai kamta kaimy kang heung ai.