JOHAN 6:57 - Khumi Common Language Bible

⁵⁷ Heng nai Ampo my ly kai ai pato i, kai ly ampo i saho y heng nai kamta ly, kai ai cha nai khumi kypkyp py kaimy i saho y heng ai.

JOHAN 6:57 Iomraidhean Croise

SAM 18:46

Areng ly heng nai ne! Kai ai ama hai nai keung ai ly palo u! Kai ai atleu nai Tameuh ly nang parai nai ne, nanai palo nai aeu u.

JEREMIA 10:10

Na i py aw Areng, nang ly Tameuh tatang ne. Nang ly heng nai Tameuh, deungtasarei samrang ne. Nang i kado theu nai khala, khaileaung pri ly kaso theu bo. Khumi cheng cheaungkhangchi ly nang i kado theu nai haiho kham pajau y.

MATTHAI 16:16

Naibaly Simon Petera my ly, “Nang ly Krista, Tameuh kangheng i Chapo ne,” napi nai pathang.

JOHAN 14:19

Kra y nai sala y ly khaileaung prichi my kai ai niu ai ny y; na i py nangchi ly niu ai: kai ly heng nai deaungkho y nangchi py heng ai.

JOHAN 14:6

Isu my ni teng y, “Kai ly lam py, leu meitang py, hengra py ne.

JOHAN 17:21

nichi bawibawi bomrei awm thai ai nai hunichi i vui ly chiu kasa pi nai khyh ny y leang; nichi i leu deaungkho y kai ai ym ai naichi i vui py chiu kasa pi nai ne.

JOHAN 3:17

Tameuh my khaileaung pri ai pasum ai nai Chapo ai pato nai ny y, khaileaung pri ly mymy deaungkho y heng thai ai nai pato nai teu.

JOHAN 5:26

Ampo ly amy teng y hengra awm nai kamta ly, Chapo ai py amy teng y hengra awm ai nai pei bo:

JOHAN 6:29

Isu ly nichi teng y, “Ni i pato nai keung ai ym ai nai ly Tameuh i kalop sa nai he,” napi nai pathang.

JOHAN 6:38

Kai ly kaimy i kangai sa ai nai ny y naimy, kai ai pato nai keung i kangai sa ai nai kani pri mang i dengdairei kang satla kathiu nai teu.

I KORINTH 15:22

Adam y ly khumi bawibawichi dei nai kamta ly, Krista y ly khumi bawibawichi ai ang paheng teang ai.

I KORINTH 15:45

Hunai kamta khyp teang, “Angchei i khumi Adam ly kangheng lawn,” nanai tajiu nai ne. Kangkhym kangtem i Adam ly hengra pei nai keung phailo lawn.

II KORINTH 13:4

Ni ly ham y nai deaungkho y tahen naimy awm veng, na i py ni ly Tameuh i atiti sa thai naira deaungkho y heng nai ne. Kaichi py mymy y ly ham y nai ne, na i py nangmychi mang y Tameuh i atiti sa thai naira deaungkho y kaichi ly mymy teng y heng teang ai.

KALATIA 2:20

Kai ly Krista teng y tahen nai awm bo; na i py kai ly heng nai ne; na i py kai ly ny y leang bo, Krista kaimy y heng nai ne; naibaly vai kai i tlang heng nai ly ym naira y kaheng nai ne, Tameuh i Chapo my kai ai ang tamen nai kai i jeng y apei nai keung ai ym naira y.

I THESALONIKA 1:9

Mymychi kypkyp my kaichi i nangchi theung y kun ai nai ngai nai sai ly pany hai u reng; naibaly nangchi ly Tameuh kangheng hawi meitang i kalop sa ai nai hawi, mymy i Chapo (kadeichi theung i dengdairei pathau nai i kado theu nai tym ai naira i nai ang lawi hai nai keung Isu ly) kani pri mang i dengdairei satla nai ajeng ai nai,

HEBRAI 9:14

deungtasarei Phailo i saho y meimai cheh ai by y nai Tameuh teng y atalam nai Krista i thi my ly Tameuh kangheng i kalop sa ai nai, nangchi hawi nai hawi y nai pany naira ai ly hini hengra abawi y nai atiti sa naira y ly mana tanrei pachai ai mo?

I JOHAN 4:9

Hinira y ly Tameuh i tamen naira ly achi i tlang tleaung y amteng bo; achi ly mymy deaungkho y heng thai ai nai Tameuh my mymy i Chapo leaungrei awm khyh nai ai khaileaung pri y ang pato.