JOHAN 6:45 - Khumi Common Language Bible

⁴⁵ Amochi i cha-iu y ly, ‘Tameuh my nichi bawibawi ai patiu ai,’ nanai tajiu nai ne. Ami py Ampo i leu thai iy amtiu nai ngierei ly kai teng y ang jeu.

JOHAN 6:45 Iomraidhean Croise

ISAIA 2:3

Nichi my, “Areng i mawi salo y Israela chengchi i Tameuh i Achura yhm mang y, achi lyn u sina. Mymy i kangai amtiu u sina. Mymy i vawi takhra pi nai lam y achi tako u sina,” nanai thui u ai. “Areng i reita leu ly Jerusalem mary i dengdairei py, mymy i leu ly Zion mawi salo i dengdairei py theu ai.”

ISAIA 54:13

“Nang i khumichi ai kaimy thui parip ai. Nang i cho chanauchi ai nang chawn nai hawi tlamsa naira pei ai.

MIKHA 4:2

“Tameuh i Achura yhm awm nai Areng i mawi mang y kalau u sina. Mymy ly achi ai, mymy i kangai hawi vanrei awm ai nai patiu pi ai. Mymy i lam patei nai kamta tako u ai. Mymy i reita leu ly Zion mawi i dengdairei py, Areng i leu pei nai ly Jerusalem mary i dengdairei py, ang tym nai ne,” nanai thui u.

MATTHAI 11:27

Ngaai my ati cheaungkhang bawibawi kai teng y au bo; naibaly Ampo ny y baly ami py Chapo ai pany y leang; naibaly Chapo hawi, ami teng y Chapo my amteng hai ai nai ngai nai ny y baly ami py Ampo ai pany y.

MATTHAI 17:5

Ni ly thui dudu nai thym khala y khen cham, tamai kaleung parai nai ly mymychi ai deng; naibaly khen cham, tamai theung i dengdairei raawi ly, “Hini ly kai i Chapo ngai parai nai ne: kai ly mymy i tlang tleaung y khrikhri pa-rei kakawn parai: mymy i leu tangai u,” napi.

MARKA 1:2

Amo Isaia i cha-iu y tajiu nai kamta, “Khen cham, kai i amtaw thau nai ai ly nang i mo y kang pato i, Mymy ly nang i lam sa rym ai;

LUKA 1:70

Achi i paleung ka-echi hawi, achi ai niu ngai y naichi bawibawi teng i nai paheng ai nai hawi,

LUKA 18:31

Naibaly holai nyhreichi ai ly mymy teng y hawi takhra i nichi teng y, “Khen cham, achi ly Jerusalem avang y kalau ai i, amochi i leu tajiu nai bawibawi ly Khumi i Chapo i tlang tleaung y tym ai.

JOHAN 10:27

Kai i beramchi ly kai i raawi thai, kai py nichi ai kapany, nichi py kai teng y abang u i,

JOHAN 6:37

Ampo my kai ai pei nai bawibawi ly kai teng y jeu bebe ai; ami py kai teng y jeu nai ai ly den py kapatheu y ai.

JOHAN 6:65

Naibaly mymy naimy, “Huna nai y chy bo, Ampo my pei y baly ami py kai teng y jeu thai y leang, kang napi nai ly,” napi.

AMTAW 13:40

Hunai deaungkho y amkym u, ti y baly amochi i cha-iu y thui nai ly nangchi i tlang tleaung y tym lawh na;

AMTAW 7:42

Hunaibaly Tameuh my hi pi vui i kani mang i ka-sichi ai chiu thai ai nai mymychi ai khen pi joja veng bo; amochi i cha-iu y, ‘Israela chengchi awi, daichi ka-vym y saneng vui palyhrei sala y tleh nai mawi hawi, apathyp naira hawi kai ai talam a?

EPHESI 1:17

mymy ai pany naira y cheng nai hawi, hawihai pany nai phailo ang pei thai ai nai, kai i chiu sa naira y ly nangchi ai chiu sa hai iy, nangchi i tlang tleaung y kawn nai leu thui nai ly ka-nawn y leang;

PHILIPI 3:15

Hunaibaly cheang nai ngiereichi ly hunai kamta paleung takhra apu nai awm u sina; naibaly atira y py paleung takhra apu u nai ne baly, huni py Tameuh my ang pany hai ai mang.

I THESALONIKA 4:9

Na i py amjo amnauchi ai tamen nai leu ly ami py nangchi ai tajiu pi ai nai aly by y; nangmychi kypkyp my atamen leungtang ai nai Tameuh my patiu veng bo;

HEBRAI 10:16

“Huni neng bo y ly nichi teng y Leu maikawm kakhai ai nai ly hini ne he; Nichi i paleung y kai i leu pei naichi kakhai ai i, Nichi i dawn naira y py katajiu teang ai, nanai Areng my napi,” napi. Naibaly huni thui nai bo y ly,

I JOHAN 2:27

Na i py nangchi ly mymy teng i dengdairei rimui paju nai nga nai ly nangmychi y awm jojo i, nangchi ai ly ami py patiu ai nai aly ngai y leang; mymy i rimui paju nai my ly atiti bawibawi ang patiu nai deaungkho y hawi, teng parai nai ne iy ka-chawi py ny y nai y, huni my ang patiu nai kamta ly mymy y awm u jojo.