JOHAN 6:29 - Khumi Common Language Bible

²⁹ Isu ly nichi teng y, “Ni i pato nai keung ai ym ai nai ly Tameuh i kalop sa nai he,” napi nai pathang.

JOHAN 6:29 Iomraidhean Croise

SAM 2:12

Jei hyn naimy mymy i mo y lu meung u; huna nai so y baly mymy ly kado theu nai deaungkho y nangchi ly dei u takengkei ai. Mymy teng y ahihawi naimy abyh nai khumi bawibawichi ly taham hawi u nai ne.

MATTHAI 17:5

Ni ly thui dudu nai thym khala y khen cham, tamai kaleung parai nai ly mymychi ai deng; naibaly khen cham, tamai theung i dengdairei raawi ly, “Hini ly kai i Chapo ngai parai nai ne: kai ly mymy i tlang tleaung y khrikhri pa-rei kakawn parai: mymy i leu tangai u,” napi.

MARKA 16:16

Ym iy baptisma nga nai khumi ly hengra nga ai; ym y nai khumi ly sum naira nga ai.

JOHAN 3:36

Ami py Chapo ai ym nai ngierei ly deungtasarei hengra nga bo; na i py Chapo ai ym y nai ngierei ly hengra ngo y ai i, Tameuh i kado theu nai ly ni teng y awm jo,” nanai pathang.

JOHAN 5:39

“Tameuh i cha-iu theung y deungtasarei hengra awm, nanai ym u nai deaungkho y nangchi hawihai my phain; naibaly huni ly kai i satang pany hai reng;

JOHAN 6:28

Naibaly nichi my ly ni teng y, “Kaichi ly Tameuh i kalop sa thai ai nai ati sa ai nai tla mo?” napi.

JOHAN 6:38

Kai ly kaimy i kangai sa ai nai ny y naimy, kai ai pato nai keung i kangai sa ai nai kani pri mang i dengdairei kang satla kathiu nai teu.

JOHAN 6:57

Heng nai Ampo my ly kai ai pato i, kai ly ampo i saho y heng nai kamta ly, kai ai cha nai khumi kypkyp py kaimy i saho y heng ai.

AMTAW 16:31

Naibaly nini my ly, “Areng Isu ai ym, hunaibaly nang hengra nga ai, nang hawi nang i dengtheungchi py,” napi.

I THESALONIKA 1:3

tamen nai deaungkho y nangchi i sa akawm nai sai hawi, achi i Areng Isu Krista ai athang khai nai deaungkho y nangchi i kham pajau nai sai py tami y naimy pany jo i, kaichi i chiu sa naira y ly nangchi i amyn tabawi iy, nangmychi bawibawi deaungkho y kaichi ly Tameuh teng y kawn nai leu thui jojo nai ne.

HEBRAI 5:9

hunaibaly mymy ai ly angym hai iy, mymy i leu tangai nai bawibawichi i vui y ni ly deungtasarei heng naira pakeung lawn bo:

JAKOB 2:22

Ym naira ly atiti sa naira hawi sa abom, nanai nang pany bo, naibaly atiti sa naira awm nai deaungkho y ni i ym naira ly hawi angym bo:

I JOHAN 3:23

Achi ly mymy i Chapo Isu Krista i amyn y ym iy, mymy i leu pei nai kamta atamen leungtang ai nai mymy i leu pei nai ne he.

I JOHAN 5:1

Ami py Isu ly Krista ne, nanai ym nai ngierei ly Tameuh i tapen nai ne; ami py ni ai tapen nai keung ai tamen nai ly tapen nai ai py tamen reng.

AMTENG HAI NAI 2:26

Hunaibaly pajau nai keung, kai i atiti sa naichi tem pa-rei patawm nai ai ly cheng cheaungkhangchi tleaung y sa thai naira kapei ai;