JOHAN 6:26 - Khumi Common Language Bible

²⁶ Naibaly Isu my nichi teng y, “Meitang khyp kang thui pi, nangchi ly kai i rengrang sa naichi niu nai deaungkho y kai ai hau nai ny y leang, nangchi ly tako phi cha nai kajeu kawi nai deaungkho y teu.

JOHAN 6:26 Iomraidhean Croise

SAM 78:37

Nichi ly mymy i tlang tleaung y ka-ym by y, mymy hawi asa nai Leu Maikawm ai py kry u y.

Ezekiela 33:31

Hunai deaungkho y kai i khumichi ly nangmy thai hai ai awm nai leu tangai ai nai, nang i mo y ang tym u bo. Na i py nichi ly nang i thui nai kamta so u y. Leu khulym kahawi katheu u teu i py, atakaw nai paleung awm nai kamta sa u.

JOHAN 3:3

Isu my pathang i ni teng y, “Meitang khypkhyp kang thui pi, khumi ami py kangtha tapen y baly Tameuh i peang naira niu thai y leang,” napi.

JOHAN 3:5

Isu my pathang i, “Meitang khypkhyp kang thui pi, khumi ami py tui y hawi Phailo y tapen y baly Tameuh i peang naira y kun thai y leang.

JOHAN 6:14

Naibaly khumichi ly mymy i rengrang sa nai niu baly, “Hini ly khaileaung pri y jeu ai nai amo ly ne khyp na a hi ly,” napi.

JOHAN 6:15

Hunaibaly nichi ly mymy ai samrang palawn ai nai patiu ta-li ai nai jeu ai, nanai Isu my pany i, mymy tlairei mawi y chei takhra bi.

JOHAN 6:2

Naibaly no naichi i tlang tleaung y mymy i atiti lyh ai sa naichi ly nichi niu nai deaungkho y, khumi mipui ka-teng ny y nai mymy ai hui u.

JOHAN 6:24

Hunaibaly khumi mipuichi ly Isu py abangnaichi py by y, nanai pany baly, nichi py paleaung chy mang atang i Isu ai hau ai nai Kapernaum avang y chei u.

JOHAN 6:30

Nichi my ly ni teng y, “Kaichi niu iy kang ym thai ai nai ati ka-ma-ra patei ai mo?

JOHAN 6:36

Na i py nangchi kai ai niu iy py ym u y, nanai kang thui pi bo.

JOHAN 6:47

Meitang khypkhyp kang thui pi, ym nai khumi ly deungtasarei hengra nga bo.

JOHAN 6:53

Isu my nichi teng y, “Meitang khypkhyp kang thui pi, nangchi ly Khumi i Chapo ngan cha iy, ni i thi nei y baly, nangmychi teng y hengra by y leang bo.

JOHAN 6:64

Na i py nangchi theung y phyreichi ly ym y nai khumi ne,” napi. Ati mana nai mo nabaly Isu ly mymy ai ym y naichi hawi, patiu hai ai nai keung ai py angchei kha i dengdairei pany yb bo.

ROM AVANGCHI TENG Y PAWLA I CHA PA NAI 16:18

Hunai kamta khumichi ly achi i Areng Isu Krista i kalop so y naimy, mymychi i kajeu i kalop sa u lawh; naibaly mymychi i leu kahawi hawi leu kakawp nai my ly cheng y naichi i paleung y tapawp lawh.

PHILIPI 2:21

Nichi bawibawi ly Isu Krista i vui hau y naimy amy i vui hau u lawh veng.

PHILIPI 3:19

hunichi i tem naira ly tama naira ne, mymychi i tameuh ly mymychi i kajeu ne, mymychi i tahm apasang naira py mymychi i amthang leaung naira ne, nichi ly khaileaung pri i atitichi ngai lawh.

I TIMOTHEI 6:5

huni amjy dengdairei paleung no nai hawi, ajo nai hawi, thui preaung nai hawi, hawi y naira mang y ym nai hawi, aei si naira py theu lawh veng; hunai kamta aei kasi nai khumichi ly paleung patheng nai hawi leu meitang by y nai, Tameuh ai dawn ryhryh nai ly amran naira mo na lawh nai khumi ne.