JOHAN 5:39 - Khumi Common Language Bible

³⁹ “Tameuh i cha-iu theung y deungtasarei hengra awm, nanai ym u nai deaungkho y nangchi hawihai my phain; naibaly huni ly kai i satang pany hai reng;

JOHAN 5:39 Iomraidhean Croise

SAM 1:2

Nichi ly Areng i leu pei naichi tangai iy vum kanithun dawn ryhpatyh naira y amo theu u reng.

SAM 119:11

Kai ly nang i tlang tleaung y kamngo so y ai nai, kaimy i paleung theung y nang i reita leu ai kapateung me bo.

SAM 133:3

Heramon mawi salo y tla nai kadam ly Zion mawichi salo y tla nai kamta ne. Huni meingtym ly deungtasarei heng naira napi nai amtheaung naira ai Areng my pei nai meingtym ne.

SAM 16:11

Nang ly kai ai heng naira lam patei pi ai; nang ly kai i sahawi y awm nai deaungkho y, kai ly amo theu iy deungtasarei paleung tuinem naimy awm bo.

SAM 21:4

Ni ly hengra hnei i, nang ly ni ai hengra pei nai khyh chang y, deungtasa hengra py pei pi nai ne.

SAM 36:9

Nang teng i dengdairei heng nai ngiereichi ly hengra nga u bo. Nang i kangvang saho y kaichi ly kangvang nga u nai ne.

LEU KACHENG 6:23

Reita leuchi ly maisi yhm kamta ne i, nichi i ang thui pi nai leuchi ly kangvang hawi atawm. Nichi i thui parip nai leuchi ly nang heng ai nai lam patei pajau.

ISAIA 34:16

Heng nai amjychi satang tajiu nai Areng i cha-iu theung y hau iy phain u cham. Huni heng nai amjy harei py tama ai ny y. Mani heng nai amjy ngiereichi py, nu kalo ka-bom by y nai awm ai ny y. Hina nai kamta tym hai ai nai Areng my leu pei nai ne. Mymy ly nichi ai akachu hai ai.

ISAIA 8:20

Huna nai khala nangchi my, “Areng i leu pei nai tangai u! Nichi thui nai leuchi ly nangchi i vui kamran by y,” nanai thui pi u.

JEREMIA 8:9

Nangchi i khumi kachengchi ly kangji nga u bo. Nichi ly paleung khrukhra naimy deaung y man u bo. Nichi ly kai i leu khai u su bo i, vai nichi ly ati cheng naira awm u jau mo?

DANIELA 12:2

Dei chum nai khumi neangneangchi ly heng u ali teang ai. Nichi theung i phyrei khumichi ly deungtasarei hengra nga u ai. Phyreichi ly deungtasarei tahm anem naira avum u ai.

MATTHAI 22:29

Isu my ly nichi teng y, “Nangchi ly Tameuh i cha-iu leu hawi Tameuh i atiti sa thai naira pany u y nai deaungkho y dawn tamang u nai ne.

MARKA 10:3

Naibaly mymy ly nichi teng y, “Mosi my mana leu ang pei mo?” napi nai pathang.

MARKA 12:10

‘Yhm sa nai keungchi i lengseaung ngai nai ly, Huni kypkyp ly taki i lengseaung avo keh nai palawn bo;

LUKA 16:29

Na i py Abraham my ly, ‘Mosi hawi amochi i leu py nichi teng y awm chy bo; hunichi i leu tangai u sy,’ napi.

LUKA 16:31

Naibaly ni my ly mymy teng y, ‘Mosi hawi amochi i leu tangai y baly, kadeichi theung i leaungrei angthau teang i py ym lawh ai nai ny y leang,’ napi,” nanai thui pi.

LUKA 24:25

Naibaly ni my ly nini teng y, “Khumi cheng y naichi awi! Amochi i leu thui nai bawibawi ym naira y kapawpchi awi!

LUKA 24:27

Naibaly Mosi hawi amochi i tajiu nai bawibawi amteaung iy, Tameuh i cha-iu bawibawi y amymy isatang tajiu nai ngierei ly nini ai thui pi pachai bo.

LUKA 24:44

Naibaly mymy ly nichi teng y, “Hini ly kai i leu na a. Mosi i Reita hawi, amochi i cha-iu hawi, sam cha-iu y ly kai i satang tajiu nai ngierei tym ai nai sai, nangchi teng y kai awm nai khala kang thui pi reng ly,” napi.

JOHAN 1:45

Philipa ly Nathanaela ai hau i ni teng y, “Ni i satang Mosi my Reita cha-iu y hawi, amochi my tajiu nai py kaichi niu bo, Nazaret Isu, Josepha i chapo ai ly,” napi.

JOHAN 5:32

Kai i satang pany hai nai keung takhra ne; ni my kai i satang pany hai nai ly teng, nanai kapany.

JOHAN 5:36

Na i py kai ai pany hai naira ly Johan i pany hai nai tleaung y len keh nai ne; Ampo my kai ai pato, nanai Ampo my kai ai atiti sa pajau ai nai au nai, kai i atiti sa nai khypkhyp my kai i satang pany hai.

JOHAN 5:40

na i py nangchi ly hengra nga thai ai nai kai teng y jeu ai nai ngai u y.

JOHAN 5:46

Nangchi ly Mosi ai ym bo nabaly kai ai py ym u ai bo: ni ly kaimy i satang tajiu pi bo.

JOHAN 7:52

Nichi my ly ni teng y, “Nang py Kalili pri i khumi teang lawh kha? Hau cham. Kalili pri i nai amo ami py theu y leang, nanai pany be,” nanai pathang.

AMTAW 13:27

Jerusalem i awm naichi hawi mymychi ai kry nai keungchi py ni ai ly pany y nai hawi, amochi i leu ly Anawn kani tleirei phain reng nai py pany y nai deaungkho y mymy ai pasum iy huni leu ly sa angym bo.

AMTAW 17:11

Hu i khumichi ly Thesalonika avang i khumichi tleaung y ly hawi kyh, ati mana nai mo nabaly nichi ly paleung kawn parai naimy huni leu tangai iy, huni satang thui pi nai ly teng mo teng y mo, nanai Tameuh i cha-iu y kani tleirei hau u.

AMTAW 26:27

Samrang Akripa awi, nang ly amochi i leu ym a? Nang ym, nanai kai pany,” napi.

ROM AVANGCHI TENG Y PAWLA I CHA PA NAI 1:2

huni Satang Kahawi mymy i Chapo achi i Areng Isu

ROM AVANGCHI TENG Y PAWLA I CHA PA NAI 3:2

Lengkhym takip naira py ati kamran awm mo? Lam cheaungkhangra y chawn parai; angchei y ly nichi teng y Tameuh i leu sai ly kry hai nai deaungkho y chawn naira ne.

Leu Thui Nai 18:15

Areng ly nangchi cheng theaung theung i, kaimy ka-tawm amo leaungrei pato pi ai i, ni i leu phai tangai u.

Leu Thui Nai 18:18

Kai ly nichi i cheng theaung theung i dengdairei nang ka-tawm amo leaungrei pato pi ai; kaimy ni teng y kaimy leu pei nai ngiereichi ai ni ly khumichi teng y thui pi pateang ai.

Leu Thui Nai 29:29

“Achi i Areng Tameuh my thui pi y nai satangchi awm rai. Na i py achi teng y thui pi nai satangchi ly reita leu pei naichi ne; achi hawi achi i kangpreangchi ly huni reita leu pei naichi ai avawrei patawm jojo ai nai tla.

Leu Thui Nai 32:47

Hini leu pei naichi ly atyhtyh ny y leang; hunichi ly nangchi i heng ai nai sai tatang ne. Nangchi hini leu pei naichi patawm u baly Jordan tavo vai, nangchi peang ai nai pri y heng sau u ai,” napi.

KOLOSA 3:16

Krista i leu ly cheng naira bawibawi y nangmychi y awm mamang sy; samchi hawi, khulymchi hawi, phailo ai kawn hai nai khulymchi py teaung nai apatiu u iy, mang mang aparip u leungtang ly, paleung y pahenra awm u iy Tameuh ai ly khulym thui pi u.

HEBRAI 11:16

Na i py vai ly nichi ly kani pri mang y awm nai, hawi tleaung hawi ra nai pri dawn nai ne; hunaibaly Tameuh my nichi i Tameuh angam ai nai kaji y leang; mymy ly nichi i vui avang khai pi rym veng bo.

HEBRAI 11:35

Neampachychi my nichi i kadeichi ai angthau bi naira y nga teang; khumi takhrachi my khri pa-rei ana patheng paang nai, angthau bi naira hawi tleaung hawi ra nga u thai ai nai lawi naira ly ngai y leang bo;

JOSUA 1:8

Nang i chiu sa naira tleirei y Reita leu tajiu nai cha-iu avawrei phain ai nai tla. Huni cha-iu ai vum, kanithun phain amtiu iy, huni theung y abawi nai reitachi kry ai nai tla. Huna nai sa baly nang ly eaung naira nga ai.

AMTENG HAI NAI 19:10

Naibaly kai ly ni ai chiu ai nai mymy i kheu keung y ambeu bo. Hunaibaly mymy ly kai teng y, “Huna nai kamta so reng moh! Kai ly nang hawi, Isu i thui pi nai leu patawm nai ngamjo ngamnauchi i miseaung ahawi ne chy bo: Tameuh ai chiu phai chiu; Isu i thui pi nai leu ly leu thui yb nai Phailo i nai ne lawh,” napi.