JOHAN 5:37 - Khumi Common Language Bible

³⁷ Kai ai pato nai keung Ampo my py kai i satang pany hai teang. Nangchi ly mana khala y py ni i raawi py thai vai y, ni i mo py niu vai y.

JOHAN 5:37 Iomraidhean Croise

THEU NAI 20:19

Nichi my Mosi teng y, “Nangmy kaichi teng y Areng i leu pei nai amti pi ba, kaichi tangai ai mang; na i py Tameuh kypkyp my kaichi teng y leu pei lawh baly kaichi ly dei ai,” napi.

ISAIA 26:10

Nang ly khumi hawi y naichi ai pahen teu i py, nichi ly kateng sa ai nai pany u y. Khumi kahawichi i awm nai hini pri y malawn py, nichi ly hawi y naichi sa u. Nang i nang parai nai ai py, dawn dang u y nai ne.

MATTHAI 17:5

Ni ly thui dudu nai thym khala y khen cham, tamai kaleung parai nai ly mymychi ai deng; naibaly khen cham, tamai theung i dengdairei raawi ly, “Hini ly kai i Chapo ngai parai nai ne: kai ly mymy i tlang tleaung y khrikhri pa-rei kakawn parai: mymy i leu tangai u,” napi.

MATTHAI 3:17

Naibaly khen cham, kani pri mang i dengdairei raawi ly, “Hini ly kai i Chapo ngai parai nai ne, kai ly mymy i tlang tleaung y khrikhri pa-rei kakawn parai,” napi.

MARKA 1:11

Naibaly kani pri mang i dengdairei raawi ly, “Nang ly kai i Chapo ngai parai nai ne, kai ly nang i tlang tleaung y khrikhri pa-rei kang kawn parai,” napi.

LUKA 24:27

Naibaly Mosi hawi amochi i tajiu nai bawibawi amteaung iy, Tameuh i cha-iu bawibawi y amymy isatang tajiu nai ngierei ly nini ai thui pi pachai bo.

LUKA 3:22

naibaly kani pri mang i dengdairei raawi ly, “Nang ly kai i Chapo ngai parai nai ne; kai ly nang i tlang tleaung y khrikhri pa-rei kakawn parai,” napi.

JOHAN 1:18

Ami py mana khala y py Tameuh ai niu vai y; Chapo leaungrei awm khyh nai, Ampo teng y awm khyp nai my ly ni i satang thai hai bo.

JOHAN 14:9

Isu my ni teng y, “Philipa, hina tanrei kai nangchi teng y awm i py nang ly kai ai pany y jo rai a? Ami py kai ai niu baly Ampo ai niu nai bo; ‘Ampo ai kaichi ai patei kyh ba,’ nanai ly ati mana nai thui nai mo?

JOHAN 15:24

Khumi takhra ami py so vai y naichi ly kaimy nichi theung y so y nai khyly, nichi ly kamngo by y ai bo; vai ly nichi ly Ngaai kaini ai niu i py niu ngai y bo.

JOHAN 5:32

Kai i satang pany hai nai keung takhra ne; ni my kai i satang pany hai nai ly teng, nanai kapany.

JOHAN 6:27

Phra nai biu nga ai nai ny y naimy, deungrasarei hengra tym pa-rei awm jo ai nai biu, Khumi i Chapo my ang pei ai nai phai tau u tanga; Ampo, Tameuh my ni ai pajawp hai typ bo.

JOHAN 8:18

Kai ly amy i satang apany hai nai keung ne, kai ai ang pato nai Ngaai my py kai ai pany hai teang,” napi.

Leu Thui Nai 4:12

nangchi ly Areng i mo-cha niu y i py, mai theung i dengdairei mymy i leu pei nai raawi thai u nai ai py, cho chanauchi teng y thui pi.

I TIMOTHEI 1:17

Deungtasarei awm jo nai Samrang, phra pajau y nai hawi, niu pajau y nai hawi, Tameuh harei awm khyh nai teng y ly tahm pasang naira hawi, palo naira py deungrasarei awm jojo sy. Amen

I TIMOTHEI 6:16

mymy leaungrei dei thai y nai sai awm khyh, ni ly kangvang chei kasa pajau ai nai vuilam ny y naira y ly awm nai, mymy ai ly ami py niu vai y, niu py niu pajau y; mymy teng y tahm pasang naira hawi, deungtasarei aly peang naira py awm sy. Amen.

I JOHAN 4:12

Ami py mana khala y py Tameuh ai niu vai y leang: achi ly atamen u leungtang baly Tameuh ly amychi y awm jojo ai i, mymy i tamen naira py amychi y angym teang ai.

I JOHAN 4:20

Ami my, “Kai ly Tameuh ai tamen,” napi iy, amy i amjo amnau ai niu ngai y baly, mymy ly ka-chawi thui nai teu; amy i amjo amnau niu ryhryh nai ai malawn py tamen y pui baly, Tameuh niu vai y nai ai ipsaly mana tamen thai ai mo?

I JOHAN 5:9

Achi ly khumi i pany hai naira malawn py tangai baly, Tameuh i pany hai naira ly len keh nai ne; ati mana nai mo nabaly mymy i Chapo i satang ang pany hai nai ly Tameuh i pany hai naira ne he.