JOHAN 5:35 - Khumi Common Language Bible

³⁵ Ni ly angveaung parai nai hawi angvang parai nai maisi yhm ne i, nangchi ly maidenrei ni i kangvang y amo theu ai nai ngai u be.

JOHAN 5:35 Iomraidhean Croise

2 SAMUELA 21:17

Na i py Zeruiah i chapo Abisai ly Davida ai sabawm i, Philistia khumichi ai padei bo. Davida i khumichi ly samrang teng y, vai mo mang y ly nichi hawi vanrei tavai keung y abang y ai nai adeu hai bo. Nichi my, “Nang ly Israela chengchi i athang khai naira ne; kaichi ly nang ai tama hai ai nai ngai y,” napi u.

THEU NAI 34:35

Huna nai khala Israela chengchi ly ni i meimai angvang nai niu u; hunai deaungkho y ni ly Areng hawi leu arum ai nai Tabynako theung y kun jo nai ryrei, ni i meimai y amymra hawi amym vui nai ne.

Ezekiela 33:31

Hunai deaungkho y kai i khumichi ly nangmy thai hai ai awm nai leu tangai ai nai, nang i mo y ang tym u bo. Na i py nichi ly nang i thui nai kamta so u y. Leu khulym kahawi katheu u teu i py, atakaw nai paleung awm nai kamta sa u.

DANIELA 12:3

Lu sa nai khumi kachengchi ly kani mang i kangvang kamta, angvang phang na ai. Khumi neangneangchi ai teng nai kalopchi sa ai nai, thui parip pi nai khumichi py, ka-si taukichi kamta deungtasarei angvang ai,” napi.

MATTHAI 11:11

Meitang khyp kang thui pi, neampachy i tapen nai theung y Baptis sa nai Johan tleaung y len keh nai ly theu vai y rai; na i py kani pri i khumi theang kyh nai py ni tleaung y len kyh veng rai.

MATTHAI 21:26

Naibaly achi ly, Khumi i nai,’ napi i ai khy khumi mipuichi ai jei bi; nichi bawibawi my ly Johan ai ly amo ne, napi kheng bo,” nanai arum u.

MARKA 1:5

Naibaly Judai pri i khumi bawibawi hawi, Jerusalem i khumi bawibawi theu u i, mymy teng y chei u; naibaly mymychi i kamngo ahui nai Jordan tavo y mymy teng y baptisma nga u.

MARKA 6:20

ati mana nai mo nabaly Heroda ly Johan ai khumi kahawi hawi, khumi kachai ne, nanai pany nai deaungkho y ni ai jei i, kry jojo. Naibaly ni i leu tangai nai khala y mymy ly khri pa-rei paleung bi na; na i py ni i leu kawn parai naimy tangai lawh.

LUKA 7:28

Kang thui pi, neampachychi i tapen nai theung y ly Johan tleaung y len keh nai by y; na i py Tameuh i peang naira i khumi theang kyh nai py ni tleaung y ly len kyh veng rai.

JOHAN 6:66

Hunaibaly abangnai neangneangchi ly anaw veng i, mymy hawi amkawm ali y leang bo.

II PETERA 1:19

Naibaly kaichi ly thui rym nai leu khaw nai tleaung y khaw ra nai nga nai bo; khutawi iy khawn tempo ly nangchi i paleung y si y ryrei ly kaveng meingtym y angvang nai maisi ai dawn pi u nai kamta, huni ai dawn pi u ai nai aly len parai: