JOHAN 5:26 - Khumi Common Language Bible

²⁶ Ampo ly amy teng y hengra awm nai kamta ly, Chapo ai py amy teng y hengra awm ai nai pei bo:

JOHAN 5:26 Iomraidhean Croise

SAM 36:9

Nang teng i dengdairei heng nai ngiereichi ly hengra nga u bo. Nang i kangvang saho y kaichi ly kangvang nga u nai ne.

SAM 90:2

Mawichi lawm y rai khala y hawi, khaileaung pri palum y rai khala y nang ly awm yb nai Tameuh ne; tem naira by y nai Tameuh py ne.

THEU NAI 3:14

Tameuh my, “Kai i amyn ly Kai ne: “Kai ne”, nanai leu sai ly Hebrai leu y Jehovah, nanai ne; huni ai ly khumi leu y “Areng” nanai leu tapeang bo. Kai nanai amyn awm nai keung ly nangchi teng y kai ai pato nai ne,’ nanai Israela chengchi teng y thui pi ai nai tla,” napi.

JEREMIA 10:10

Na i py aw Areng, nang ly Tameuh tatang ne. Nang ly heng nai Tameuh, deungtasarei samrang ne. Nang i kado theu nai khala, khaileaung pri ly kaso theu bo. Khumi cheng cheaungkhangchi ly nang i kado theu nai haiho kham pajau y.

JOHAN 1:4

Mymy y ly heng naira awm i, huni heng naira ly khumichi i kangvang ne.

JOHAN 10:18

Ami py kai teng i nai lo pi y leang, kaimy ngaingai patlaw pi nai teu, Kai ly patlaw py patlaw pi thai, la py la bi thai. Hini leu pei nai ly Ngaai teng i nai kanga bo,” napi.

JOHAN 11:25

Isu my ni teng y, “Kai ly angthau teang naira hawi hengra py ne; ami py kai ai ym nai ly dei i py heng ai;

JOHAN 11:26

heng nai ngierei kai ai ym nai ly deungtasarei dei ai ny y; huni ly nang ym a?” napi.

JOHAN 14:19

Kra y nai sala y ly khaileaung prichi my kai ai niu ai ny y; na i py nangchi ly niu ai: kai ly heng nai deaungkho y nangchi py heng ai.

JOHAN 14:6

Isu my ni teng y, “Kai ly lam py, leu meitang py, hengra py ne.

JOHAN 4:10

Isu my ni teng y, “Tameuh i atiti pei nai hawi, nang teng y Kai nei ai nai pei ba’ napi nai keung ai nang pany i khyly, nangmy ni teng y hnei lawh ai i, ni my ly tui kangheng ang pei ai bo,” nanai pathang.

JOHAN 6:57

Heng nai Ampo my ly kai ai pato i, kai ly ampo i saho y heng nai kamta ly, kai ai cha nai khumi kypkyp py kaimy i saho y heng ai.

JOHAN 8:51

Meitang khypkhyp kang thui pi, ami py kai i leu tangai baly deungtasa khrairei deira niu ai ny y,” napi.

AMTAW 17:25

atiti avaw nai kamta ly khumichi i kiu y kalop sa pi nai py awm vai y leang, ati mana nai mo nabaly mymy naini ati cheaungkhangchi teng y hengra hawi, taho naira hawi, atiti bawibawi py pei nai keung ne;

I KORINTH 15:45

Hunai kamta khyp teang, “Angchei i khumi Adam ly kangheng lawn,” nanai tajiu nai ne. Kangkhym kangtem i Adam ly hengra pei nai keung phailo lawn.

I TIMOTHEI 1:17

Deungtasarei awm jo nai Samrang, phra pajau y nai hawi, niu pajau y nai hawi, Tameuh harei awm khyh nai teng y ly tahm pasang naira hawi, palo naira py deungrasarei awm jojo sy. Amen

I TIMOTHEI 6:16

mymy leaungrei dei thai y nai sai awm khyh, ni ly kangvang chei kasa pajau ai nai vuilam ny y naira y ly awm nai, mymy ai ly ami py niu vai y, niu py niu pajau y; mymy teng y tahm pasang naira hawi, deungtasarei aly peang naira py awm sy. Amen.

HEBRAI 1:2

na i py hini kangkhym kangtem i neng y ly mymy ly Chapo ai achi teng y leu thui hai bo; mymy ly ni ai ati cheaungkhang amtym ai nai keung y khai rym i, ni i saho y kani khaileaung py sa.

AMTENG HAI NAI 21:6

Naibaly ni ly kai teng y, “Hunichi ly angym be bo. Alpha hawi Omeka, pakeung hawi katem kai ne. Tui ahai nai keung ngierei teng y heng naira tuino i tui jawm my kapei ai.

AMTENG HAI NAI 22:1

Naibaly mymy ly huni i lam pareaung sala y heng naira jangpang tui, krustala lengseaung kamta angvang nai, Tameuh hawi Beram Cho i areng atehra dengdairei theu nai ang khen hai.

AMTENG HAI NAI 22:17

Naibaly Phailo hawi deaung vawi nai anglo my, “Jeu ly,” ang napi. Thai nai khumi py, “Jeu ly,” tapi sy. Tui ahai nai khumi ly jeu sy: ngai nai khumi ly heng naira tui jawm my lo sy.

AMTENG HAI NAI 7:17

ati mana nai mo nabaly areng atehra sala y awm nai Beram Cho ly nichi ai typ nai keung lawn ai i, nichi ai heng nai tuinochi mang y ang pahawi ai; naibaly Tameuh ly nichi i mei i dengdairei mei katui bawibawi tamui pi ai,” napi.