JOHAN 5:23 - Khumi Common Language Bible

²³ Ami py chapo ai tahm khai y nai ngierei ly Ampo, ni ai pato nai keung ai py tahm khai y nai bo.

JOHAN 5:23 Iomraidhean Croise

SAM 2:12

Jei hyn naimy mymy i mo y lu meung u; huna nai so y baly mymy ly kado theu nai deaungkho y nangchi ly dei u takengkei ai. Mymy teng y ahihawi naimy abyh nai khumi bawibawichi ly taham hawi u nai ne.

ISAIA 42:8

“Kai leaungrei naini, nang i Areng Tameuh ne. Kai i nang parai nai ai ly mani tameuh py amtym ai ny y. Kai ly kaimy ai mynchi hawi vanrei palo ai nai py, kapei ai ny y.

ISAIA 44:6

Israela chengchi ai peang iy ama hai nai Areng, ati cheaungkhang sa thai nai keung Areng my, “Kai ly angchei khala i dengdai tem khala khrairei awm jojo nai keung harei khyh nai Tameuh ne. Kai ny y baly tameuh takhra by y.

ISAIA 45:15

Mymy i khumichi ai atleu pi nai, Israela chengchi i Tameuh ly khumi i mei hawi niu pajau y nai Tameuh ne.

ISAIA 45:21

Jeu ly nangchi i ka-jo ka-thui ai jeung y tym hai u. Tara amteng naichi ly mychi tengtawi, leaung leaungrei arum u. Tym ai nai atitichi ai ami my jangni khala y thui pi yb lawh mo? Kaimy i khumichi ai atleu nai Tameuh, kai Areng my kang thui pi yb nai ny y lawh sai a? Kai ny y baly tameuh takhra by y.

ZEKHARIAH 9:9

Zion mary i khumi bawibawichi awi, amo theu u, amo theu u! Nangchi Jerusalem mary i khumichi awi, amo theu naimy aeu u! Khen u; nangchi i samrang ly nangchi teng y ang jeu bo! Huni samrang ly eaung naira nga i, atleu ai nai ang jeu nai ne i py, paleung apanem naimy keaungngo kano kasau nu i cho, keaungngo kano kasau cho tleaung y, atang naimy ang jeu bo.

MATTHAI 10:37

Ami py mymy i amhm ai mo, ampo ai mo, kai tleaung y tamen keh lawh nai ly kai i khumi lawn ai nai ataing y leang; ami py mymy i chaniu ai mo, chapo ai mo kaimy tleaung y tamen keh lawh nai py kai i khumi lawn ai nai ataing y leang.

MATTHAI 11:27

Ngaai my ati cheaungkhang bawibawi kai teng y au bo; naibaly Ampo ny y baly ami py Chapo ai pany y leang; naibaly Chapo hawi, ami teng y Chapo my amteng hai ai nai ngai nai ny y baly ami py Ampo ai pany y.

MATTHAI 12:21

Naibaly Cheng Takhrachi ly mymy i amyn y athang khai ai,” nanai tym thai ai nai thui nai ne.

MATTHAI 15:8

‘Hini khumichi ly nichi i labeaung y ly kai ai tahm ang khai i, Mymychi i paleung ly kai hawi palo parai veng;

MATTHAI 28:19

Hunaibaly cheng cheaungkhangchi ai abang nai khumi palawn ai nai chei u ly, nichi ai Ampo hawi Chapo hawi Philo Kaichai i amyn y baptis so u:

LUKA 10:16

“Ami py nangchi i leu tangai baly kai i leu tangai nai bo mang; ami py nangchi ai ngai y baly kai ai ngai y nai bo mang; ami py kai ai ngai y baly, kai ai pato nai keung ai ngai y nai bo mang,” napi.

JOHAN 14:1

“Nangchi i paleungbi u moh. Tameuh ai ym i kai ai py ym.

JOHAN 16:14

Ni ly kai ai palo ai; ati mana nai mo nabaly ni ly kai i nai la ai i, nangchi teng y ang thui pi ai.

JOHAN 17:10

kai i atiti bawibawi ly nang i ne, nang i ly kai i ne, nichi deaungkho y palo naira kanga bo.

ROM AVANGCHI TENG Y PAWLA I CHA PA NAI 1:7

Rom avang i Tameuh i ngai parai nai, khumi kachai lawn ai nai palau naichi bawibawi teng y, Tameuh achi i Ampo hawi Areng Isu Krista teng i dengdairei pahenra hawi awmnem naira ly nangchi teng y awm sy.

ROM AVANGCHI TENG Y PAWLA I CHA PA NAI 15:12

Naibaly Isaia my ly, Jesai i tangjyn theu nai, Cheng Takhrachi ai peang ai nai jeu nai keung ly theu ai: mymy ai ly Cheng Takhrachi my athang khai ai,” napi bi.

ROM AVANGCHI TENG Y PAWLA I CHA PA NAI 6:22

Na i py vai ly kamngora i nai ang law hai i, Tameuh i miseaungchi lawn u iy, nangchi ly chai naira nga nai ka-lawn pa-rei athai nga u nai chy bo, huni i tem naira ly deungtasarei hengra ne.

ROM AVANGCHI TENG Y PAWLA I CHA PA NAI 8:9

Na i py Tameuh i Phailo ly nangmychi y awm tatang baly, nangchi ly tlang i reita y awm nai ny y i, Phailo i reita y awm u nai teu. Na i py ami py Krista i Phailo by y nai khumi ly mymy i khumi ny y leang.

I KORINTH 1:3

Tameuh achi i Ampo hawi Areng Isu Krista teng i dengdairei pahenra hawi awmnem naira py nangchi teng y awm sy.

I KORINTH 10:31

Hunaibaly nangchi cha i py nei i py, nangchi i sa nai ngierei y py Tameuh ai palo ai nai so u bebe.

I KORINTH 16:22

Ami py Areng ai tamen y baly amsawi lawi nai awm sy.

I KORINTH 6:19

Naibaly nangchi theung y awm nai, Tameuh teng i dengdairei nga nai Phailo Kachai i awm naira ly nangchi i tlang ne, nanai nangchi pany y nai sai a?

II KORINTH 1:9

Ne, amy ai py aym y nai, Tameuh, kadeichi ai pathau nai keung ai ly ym pajau ai nai, kaimychi y ly dei ai nai leu atlym bo.

II KORINTH 13:14

Areng Isu Krista i pahenra hawi, Tameuh i tamen naira hawi, phailo kachai i amkawm naira py nangchi bawibawi teng y awm sy.

II KORINTH 5:14

Krista i tamen naira my ly kaichi ai ang kawm rang nai bo; hunaibaly kaichi ly hina nai dawn, bawibawichi i dei ai nai jeng y leaungrei dei, hunai deaungkho y bawibawichi dei nai ne;

II KORINTH 5:19

huna nai Tameuh my Krista y khaileaung pri ai ly amymy hawi aly hai nai ne, nichi i taphra nairachi ly mymychi i tlang tleaung y taphra nairachi palawn pi y naimy, kaichi ai aly naira leu ang au nai bo.

EPHESI 6:24

Achi i Areng Isu Krista ai tamen nai rawm y nai bawibawichi teng y pahenra awm sy.

II TIMOTHEI 1:12

Hunai deaungkho y kai ly hini atitichi kapatang : na i py kai ly kaji y leang; kai i ym nai keung ai ly kapany i, ni teng y kaau nai ly huni kani i vui y mymy ly hawihai kry thai, nanai kapany khyp bo.

HEBRAI 1:6

Naibaly mymy ly tapen man nai ai ly khaileaung pri y hawi bi kha y, “Tameuh i kani pri i amtaw thau naichi bawibawi ly ni ai chiu u sy,” ang napi.

II PETERA 1:1

Simon Petera, Isu Krista i miseaung hawi amtaw thau nai my ly achi i Tameuh hawi achi ai Paheng Keung Isu Krista i hawi naira deaungkho y kaichi hawi vanrei ym naira vang teng parai nai nga teang naichi teng y ly:

II PETERA 3:18

Huni ny y naimy achi i Areng hawi Paheng Keung Isu Krista i pahenra y hawi pany naira y py veang u. Vai hawi deungtasa tym pa-rei py mymy teng y nang parai naira awm sy. Amen.

I JOHAN 2:23

Ami py Chapo ai ym y nai ngierei ly Ampo by y; Chapo ai ym nai ly Ampo py awm.

II JOHAN 1:9

Ami py Krista i patiu nai leu y awm jo y iy katlen vui nai keung ngierei teng y ly Tameuh by y:huni patiu nai leu y awm jo nai keung ly, huni khumi kypkyp teng y ly Ampo hawi Chapo py awm abom mei nai ne.