JOHAN 4:10 - Khumi Common Language Bible

¹⁰ Isu my ni teng y, “Tameuh i atiti pei nai hawi, nang teng y Kai nei ai nai pei ba’ napi nai keung ai nang pany i khyly, nangmy ni teng y hnei lawh ai i, ni my ly tui kangheng ang pei ai bo,” nanai pathang.

JOHAN 4:10 Iomraidhean Croise

SAM 10:17

Aw Areng, nang ly paleung apanem nai khumichi i chiu sa nai tangai pi iy, nichi teng y sorai paleung pei ai.

SAM 46:4

Tameuh i mary pui napi nai tahm asang parai nai Tameuh i yhm y amo theu hai nai tavo awm.

THEU NAI 17:6

Kai ly Sinai mawi i lengseaung saleung nang i mo y angdo ai. Nang ly lengseaung y pakhau; huni lengseaung mang khumichi nei ai nai tui theu ai,” napi. Naibaly Mosi ly Israela chengchi i luchi mo y leu pei nai kamta huni lengseaung y pakhau bo.

Solomon i khulym 4:15

Huni akho ly tuikhochi, tavo micheaungchi, Lebanon mawichi dengdairei leaung kathiu nai tavochychira i tui nga nai ne.

ISAIA 12:3

Tui kachai ly tui ahai nai khumichi ai amo theu hai nai kamta, Tameuh i khumichi ly mymy atleu pi nai khala, amo theu ai.”

ISAIA 35:6

Kheu kangbaichi ly achaw u ai; leu ka-achi py amo theu naimy aeu u ai. Daichi ka-vymra y tuino achawn iy, micheaung tui leaung ai.

ISAIA 42:6

“Kai, Areng ly nang ai palau iy, khaileaung pri y ka-dyh ka-dawi awm ai nai, sa thai naira pei bo. Nang deaungkho y kai ly khumi bawibawichi hawi leu maikawm asa iy, prichi salo y kangvang tym hai ai.

ISAIA 43:20

Daichi mawichi malawn py, kai ai tahm khai iy palo u ai. Kai ly kaimy vawi takhra nai khumichi tui nga ai nai molam tui by y nai daichi ka-vymra y tavo tuichi leaung hai nai khala y khivachi hawi kula-iu tavochi ly kai ai palo u ai.

ISAIA 44:3

“Kai ly tui ahai nai pri y kani nai hai ai. Tui by y nai daichi ka-vymra y micheaung tuinochi leaung hai ai. Nangchi i cho chanauchi tlang tleaung y kai i phailo py, nangchi i katu chanauchi tlang tleaung y amtheaung naira py, satleu pi ai.

ISAIA 49:10

Nichi ly mana khala py, teicha teinei avaw ai ny y. Nichi ly mymychi ai tamen nai keung i lam patei nai avum iy, kanito hawi speung kangngo molam y, patang naira avum ai ny y. Mymy ly nichi ai tui sampumchi awm naira mang y pahawi ai.

ISAIA 9:6

Kaichi i vui deaungdi tapen pi! Kaichi i vui chapo ang pei bo! Ni ly kaichi ai ang peang ai. “Ni i amyn ly rengrang tlai,” “Tau pei nai keung,” “Sathai naira len parai nai Tameuh,” “Deungtasarei Ampo,” “Tlamsa nai samrang i Chapo,” nanai amyn pathi ai.

JEREMIA 2:13

Kai i khumichi ly heng nai tuino, napi nai kai ai khai su iy tui atang y nai akosyn nai tui kadengra tuikanchi sa u iy, kamngo amjy nyhrei sa tamang u bo.

Ezekiela 16:35

Nang bima Jerusalem mary awi! Areng my leu pei nai tangai.

ZEKHARIAH 13:1

Ati cheaungkhang sa thai nai Areng my, “Huni neng tym nai khala Davida i katu chanau kangpreangchi hawi, Jerusalem mary i khumichi teng y, mychi i kamngo hawi myn y chiu naira i nai chai hai ai nai, tui kho am-eaung ai.

ZEKHARIAH 14:8

Huni neng kani ang tym nai khala y, Jerusalem mary i dengdairei micheaung tuichi leaung ai. Huni tui ka-hyhrei nai ly pangli kadei theung y, takhra ka-hyhrei nai ly Mrethe pangli theung y saneng jeungrei, kaseih y py, kanipui y py, leaung jo ai.

LUKA 11:13

Hunaibaly nangchi khumi kamngo malawn py chanauchi teng y atiti kahawi pei ai nai sai pany baly, kani pri mang i Ngampo ly hnei nai keungchi teng y ly Phailo Kachai mana tanrei ang pei ai mo?” napi.

JOHAN 16:3

Ampo kaini ai pany y nai deaungkho y hina nai sa u ai.

JOHAN 17:3

Nang, Tameuh meitang leaungrei awm khyh nai ai hawi, nang i pato nai Isu Krista ai pany nai ly deungtasarei hengra ne.

JOHAN 3:16

“Tameuh my khaileaung pri y khrikhri pa-rei tamen, hunaibaly my i Chapo leaungrei awm khyh nai pei keih, ami py mymy ai ym nai ngierei ly tamo y ai, deungtasarei hengra nga lawh ai.

JOHAN 4:14

ami py kai i pei ai nai tui nei nai ngierei ly tlen py tui ahai y ai; kai i ni teng y pei ai nai tui ly my i taku theung y tuino awm ai i, deungtasarei hengra tym pa-rei achawn ai,” nanai pathang.

JOHAN 6:35

Naibaly Isu my nichi teng y, “Kai ly heng nai tako ne:ami py kai teng y jeu nai ly biu alam y ai, ami py kai ai ym nai ly mana khala y py tui ahai y ai.

JOHAN 6:51

Kani pri mang i dengdairei satla kathiu nai heng nai tako kai ne, ami py hini tako cha baly deungtasarei heng jojo ai; ne, khaileaung pri heng ai nai kai i kang pei ai nai tako ly kai i ngan ne,” napi.

AMTAW 9:11

Naibaly mymy ly, “Khen cham Areng, kai hi y awm he,’ napi. Naibaly Areng my ly, mymy teng y, “Angthau ly, Lam Kataw napi naira y tako ly, Juda i yhm y Tarsa i khumi, amyn Sawla napi nai ai deng;

ROM AVANGCHI TENG Y PAWLA I CHA PA NAI 8:32

Mymy i Chapo kypkyp ai malawn py khai y nai, achi bawibawi i jeng y ang pei nai keung ly, mymy hawi atiti bawibawi jawm naimy ang pei teang y ai a?

I KORINTH 1:30

Na i py nangchi naini mymy i saho y Krista Isu y heng nai ne; ni ai ly Tameuh teng i dengdairei achi i vui cheng naira hawi, chai naira hawi, atleu naira hawi sa hai nai ne.

I KORINTH 10:4

naibaly nichi bawibawi ly phailo mang i tui nei nai py vanrei nei; ati mana nai mo nabaly nichi ly mymychi teng y abang nai phailo mang i lengseaung pui i nai bawibawi nei u bo; huni lengseaung pui ly Krista ne.

II KORINTH 9:15

Tameuh i pei nai ly den py thui pajau y nanai deaungkho y mymy teng y kawn nai leu tym sy.

EPHESI 2:8

Ati mana nai mo nabaly nangchi ym nai deaungkho y pahenra y hengra nga u veng bo; huni py nangmychi teng i theu nai ny y leang, Tameuh i jawm pei nai teu;

HEBRAI 6:4

Naibaly tlenrei paleung angvang hai nai, kani pri mang i atiti pei nai pateng nai, Phailo Kachai nga hai nai,

I JOHAN 5:20

Naibaly achi ly meitang khyp nai keung pany i, mymy i Chapo Isu Krista meitang khyp nai keung y achi awm, nanai ly Tameuh i Chapo ly ang jeu iy achi ai pany thai naira ang nga hai bo. Huni ly Tameuh meitang khyp nai hawi, deungtasarei hengra py ne.

AMTENG HAI NAI 21:6

Naibaly ni ly kai teng y, “Hunichi ly angym be bo. Alpha hawi Omeka, pakeung hawi katem kai ne. Tui ahai nai keung ngierei teng y heng naira tuino i tui jawm my kapei ai.

AMTENG HAI NAI 22:17

Naibaly Phailo hawi deaung vawi nai anglo my, “Jeu ly,” ang napi. Thai nai khumi py, “Jeu ly,” tapi sy. Tui ahai nai khumi ly jeu sy: ngai nai khumi ly heng naira tui jawm my lo sy.

AMTENG HAI NAI 7:17

ati mana nai mo nabaly areng atehra sala y awm nai Beram Cho ly nichi ai typ nai keung lawn ai i, nichi ai heng nai tuinochi mang y ang pahawi ai; naibaly Tameuh ly nichi i mei i dengdairei mei katui bawibawi tamui pi ai,” napi.