JOHAN 3:35 - Khumi Common Language Bible

³⁵ Ampo my Chapo ai tamen i, ati cheaungkhang bawibawi ai ly ni teng y au bo.

JOHAN 3:35 Iomraidhean Croise

ATITI AWM ANGCHEI NAI 41:44

Hunaibaly Samrang my Josepha teng y, “Kai ly samrang ne; na i py Aikupta pri y awm nai khumichi ly nang i leu ny y baly ami py angto vam y leang mang,” napi.

ATITI AWM ANGCHEI NAI 41:55

Aikupta khumichi py biu takang avum nai deaungkho y samrang teng y biu choh nga ai nai aeu u nai ne. Naibaly samrang my ly Josepha teng y chei iy ni i thui nai kamta sa u ai nai leu pei bo.

SAM 2:8

Hnei, khumi cheng cheaungkhangchi ai nang teng y kang pei ai; khaileaung pri verei y nangmy peang ai.

LEU KACHENG 8:30

Kai ly kupe kakawp leaungrei kamta, mymy sahawi y awm; Kai ly mymy ai kani tleirei amo theu hai. Kai ly mymy i mo y avawrei amo theu naimy,

ISAIA 42:1

Areng my, “Hini khumi ly kaimy atho awm hai nai, kai i miseaung, kai i paleung kangai vawi patyp nai khumi ne. Kai ly kaimy i Phailo ai ni teng y kawi hai ai. Ni py khumi cheng cheaungkhangchi ai, ka-dyh ka-dawi naimy peang ai.

DANIELA 7:14

Naibaly cheng leu cheaungkhang katheu nai khumi ngiereichi ly ni i kalop sa hai ai nai mymy ly ni teng y, peang ai naira hawi sa thai naira py, samrang i sa thai naira py, pei pi nai ne. Ni i sa thai naira haiho ly deungtasarei khaw jo ai i, ni i pri ly mana khala py phra ai ny y.

MATTHAI 11:27

Ngaai my ati cheaungkhang bawibawi kai teng y au bo; naibaly Ampo ny y baly ami py Chapo ai pany y leang; naibaly Chapo hawi, ami teng y Chapo my amteng hai ai nai ngai nai ny y baly ami py Ampo ai pany y.

MATTHAI 17:5

Ni ly thui dudu nai thym khala y khen cham, tamai kaleung parai nai ly mymychi ai deng; naibaly khen cham, tamai theung i dengdairei raawi ly, “Hini ly kai i Chapo ngai parai nai ne: kai ly mymy i tlang tleaung y khrikhri pa-rei kakawn parai: mymy i leu tangai u,” napi.

MATTHAI 28:18

Hunaibaly Isu ly nichi teng y chei i, nichi hawi arum iy, “Kani y hawi khaileaung y py aly peang naira bawibawi ly kai teng y ang pei nai bo.

MATTHAI 3:17

Naibaly khen cham, kani pri mang i dengdairei raawi ly, “Hini ly kai i Chapo ngai parai nai ne, kai ly mymy i tlang tleaung y khrikhri pa-rei kakawn parai,” napi.

LUKA 10:22

Ngaai my ati cheaungkhang bawibawi kai teng y au bo. Naibaly Chapo ami mo, nanai ly ampo ny y baly ami py pany y; Ampo py ami mo, nanai ly Chapo hawi, ami teng y Chapo my amteng hai ai nai ngai nai ny y baly ami py pany y,” napi.

JOHAN 13:3

Isu ly Ampo my ni i kiu y ati cheaungkhang au nai hawi, mymy ly Tameuh teng i theu nai hawi Tameuh teng y chei bi ai nai py pany naimy,

JOHAN 15:9

Ampo my kai ai tamen nai kamta kai py nangchi ai tamen teang; kai i tamen naira y awm u jo.

JOHAN 17:2

“Ngaai, neng ly tym bo: nangmy mymy ai khumi bawibawichi ai peang ai nai pei iy, mymy teng y nang i au nai ngierei ai ly mymy deungtasarei hengra pei thai ai nai, Chapo my nang ai palo thai ai nai nangmy i chapo ai palo ba.

JOHAN 17:23

kai mymychi teng y awm nai, nang kai teng y awm nai, nichi bomrei awm iy angym thai ai nai, nangmy kai ai pato nanai hawi, nangmy kai ai tamen nai kamta nichi ai py nang tamen teang, nanai py khaileaung prichi my pany ai nai.

JOHAN 17:26

naibaly nang i kai ai tamen nai ly mychi teng y awm i, kai py mychi teng y awm thai ai nai, kaimy nichi teng y nangmy i amyn pany hai bo, kapany hai bi ai,” napi.

JOHAN 5:20

Ampo ly Chapo ai tamen, ni i atiti sa nai ngierei py mymy teng y patei: naibaly nangchi ly lyh thai ai nai hini tleaung y atiti sa nai lyh nai py ni teng y patei bi ai.

JOHAN 5:22

Khumi bawibawichi ly ampo ai tahm khai nai kamta Chapo ai py tahm khai ai nai, Ampo ly ami ai py tara chih y, tara chih ai nai bawibawi ly Chapo teng y au bo.

I KORINTH 15:27

Ni ly mymy i kheu anui y ati cheaungkhang ai khai veng. Na i py, “Mymy i anui y ati cheaungkhang ai khai veng,” nanai ly, anui y ati cheaungkhang khai pi nai keung ly abawi y leang, nanai amny bo.

EPHESI 1:22

Naibaly ati cheaungkhang mymy i kheu anui y khai iy palau takhra kamkawm i vui y mymy ai ly ati cheaungkhang bawibawira y lu lawn ai nai ang sa hai bo;

HEBRAI 1:2

na i py hini kangkhym kangtem i neng y ly mymy ly Chapo ai achi teng y leu thui hai bo; mymy ly ni ai ati cheaungkhang amtym ai nai keung y khai rym i, ni i saho y kani khaileaung py sa.

I PETERA 3:22

Isu Krista ly kani pri mang y lyn kalau iy Tameuh i lamtang mang y awm bo; kani pri i amtaw thau naichi hawi, aly peang nairachi hawi, atiti sa thai nairachi py mymy i ngaingai y awm hai bo.