JOHAN 3:29 - Khumi Common Language Bible

²⁹ Aju la nai keung ly neampachy ai nga nai keung ne: na i py angdo iy ni i leu thai nai aju la nai keung i ahawi ly, aju la nai keung i raawi deaungkho y khrikhri pa-rei kawn; hunai deaungkho y hini kai i kawn naira ly tym angym nai bo he.

JOHAN 3:29 Iomraidhean Croise

Solomon i khulym 3:11

Zion mary i neampachychi awi, jeu u ly Samrang Solomon ai khen u. Ni ly mymy i apom nai kanih hawi amo theu nai kani y amhm my pei nai samrang lukhym adeung nai ne.

Solomon i khulym 5:1

Kai i aju angam nai khrei nai awi, kai ly kaimy i akho theung y kun bo. Kai ly rimui hawi mura pakym achu bo; kai ly khawi hang hawi khawi byn cha iy kreip hang hawi kanu kanei nai ne. Khrei naichi awi, cho u, nei u; khrei nai hawimy pavui na pa-rei nei u.

ISAIA 54:5

Nang ai sa nai keung ly nang i juvo kamta, nang ai ang kry ai. Ni i amyn ly ati cheaungkhang sa thai nai keung Areng ne. Israela chengchi i chai parai nai Tameuh ly nang ai atleu ai. Mymy ly khaileaung pri y peang nai keung ne.

ISAIA 66:11

Nangchi ly amhm i paleung tleaung y awm nai deaungdicho kamta, paleung anyp naimy Jerusalem mary i nang chawn naira amtym u ai.

JEREMIA 2:2

“Nang ly Jerusalem mary y chei iy, huni mary y awm nai khumi bawibawichi teng y hini satang thui pi,” Nangchi ly deaungdi khala y, ati mana ka-ym awm u mo, nanai kai pany. Nang ly deaung vawi nai anglo kamta kai ai khrei bo. Nangchi ly ati sai py pati y nai daichi ka-vym jeungrei tako prei iy, kai i nithun abang u nai ne.

Ezekiela 16:8

“Kai ly nang i sahawi mang aleaung bi bo. Huna nai khala nang ly khrei nai paleung mang y tleaungri aveang nai neng tym bo, nanai kang niu nai deaungkho y, kai ly tlang ka-keu naimy awm nai nang ai kai i ateaung hawi kang khiu iy, nang ai kang khrei mang, nanai adeu chum baly, nang hawi leu maikawm asa i, nang ly kai i aju lawm bo,” napi. Hini ly sa thai naira angym nai Areng i thui nai leu ne.

HOSEA 2:19

Aw Israela awi, kai ly nang ai, aju kapalawn ai. Nang i tlang tleaung y kai i ka-ymra khaw jo ai. Nang i tlang tleaung y tamen nai hawi pahen naira khai iy, kaimy i aju ra y deungrei kapalawn ai.

MATTHAI 22:2

“Kani pri my peang nai ly ami mo samrang leaungrei ly ni i chapo i vui y aju palyn nai pawi sa nai hawi pata nai ne.

MATTHAI 25:1

Huna nai khala y ly kani pri my peang nai ly anglo kachai leaung horei, aju la nai keung ai lamchung ai nai maisi syn iy chei naichi hawi pata ai nai tla bo.

MATTHAI 9:15

Naibaly Isu ly nichi teng y, “Aju palyn nai keung i ahawichi ly aju palyn nai keung nichi teng y awm jo nai sala ryrei ly paleung mawn thai a? Na i py aju palyn nai keung ai mymychi teng i dengdairei la vui nai kani tym ai i, hunai khala y ly biu hai ai.

LUKA 15:6

Naibaly yhm y tym baly my i ahawichi hawi saleaungchi ai palau achu i mychi teng y, ‘Kai ai kawn hai kyh, kai i beram tama nai ly kaniu teang bo,’ na be.

JOHAN 15:11

Kai i kawn naira nangchi teng y awm jo ai nai hawi, nangchi kawn angym ai nai py hini leu kang thui pi bo.

JOHAN 16:24

Vai khrairei nangchi ly kaimy i amyn y ati sai py hnei y rai; hnei u. naibaly nangchi ly kawn angym ai nai nga u ai.

JOHAN 17:13

Na i py vai ly nang teng y kang vawi ai bo; mymychi y ly kai i kawn naira nga u angym thai ai nai kaimy khaileaung pri y hini leu thui pi bo.

JOHAN 3:30

Ni ly veang ai nai tla, kai ly jum ryry ai nai tla.

II KORINTH 11:2

Tameuh i takho hai naira kamta nangchi ai kang takho hai nai ne; kai ly nangchi ai Krista teng y ly anglo kachai kamta kang pei thai ai nai, juvo leaungrei angam pi na a.

PHILIPI 2:2

nangchi ly dawn nai vanrei atlyh u nai, tamen naira vanrei awm u nai, leu adyh naimy paleung vanrei awm u iy kai i kawn nai angym hai u.

I JOHAN 1:4

hunaibaly kaichi ly kawn angym thai ai nai hini satang takhra takhra tajiu nai ne.

II JOHAN 1:12

Kai ly nangchi teng y leu neangneang thui ai nai awm nai deaungkho y cha-ku y hawi cha tui y tajiu ai nai ngai y leang; na i py nangchi ly kawn angym u thai ai nai kai ly nangchi teng y kang jeu iy, mo atha naimy arum ai nai athang kakhai nai ne.

AMTENG HAI NAI 21:9

Naibaly kangkhym i patang hai naira kawi meng nai khau saryhrei syn nai kani pri i amtaw thau nai saryhrei theung i leaungrei ly ang jeu i kai teng y, “Jeu ly, Beram Cho i deaung vawi nai anglo mymy i aju ai kang khen hai ai mang,” nanai thui.