JOHAN 3:27 - Khumi Common Language Bible

²⁷ Johan my nichi teng y, “Kani pri mang i nai pei nai ny y baly khumi ly ati sai py ngo thai y leang.

JOHAN 3:27 Iomraidhean Croise

JEREMIA 1:5

“Kai ly nang ai hengra kang pei y rai khala my vawi takhra veng bo. Nang ai tapen y rai khala my khai takhra iy khumi cheng cheaungkhangchi i amo lawm ai nai kang khai bo,” nanai kai teng y leu pei.

JEREMIA 17:16

Na i py aw Areng, kai ly beram typ nai keung kalop khai su nai ny y leang. Ngari kamtang tym ai nai kani kadeaung nai py ny y leang, nanai nangmy pany nai ne. Kai i labeaung mang katheu nai leuchi nang pany.

AMOS 7:15

Na i py Areng my kai ai beram typ naira i nai palau i, mymy i khumi Israelachi teng y chei iy, amo leu thui pi ai nai pato nai ne.

Kati Nai 17:5

Kaimy vawi takhra nai khumi i cheaungvawi ly sai ampho ai mang. Huna nai kamta sa baly Israela chengchi my nang i tlang tleaung y avawrei josei nai anawn u ai,” napi.

MATTHAI 21:25

Johan i baptis sa nai ly ma mang i nai mo? Kani pri mang i nai a, khumi i nai a?” napi nai pathang. Naibaly nichi ly adawn u i, “Achi ly, ‘Kani pri mang i nai,’ napi baly, ‘Ati mana nai mymy i leu ym u y lawh? ang napi lawh ai.

MATTHAI 25:15

Naibaly mymy ly miseaung leaungrei teng y talent pangrei, leaungrei teng y talent nyhrei, leaungrei teng y talent harei, nichi i sa thai nai ryrei bawibawi sa ai nai au i, khuleaung chei bo.

MARKA 13:34

Ami py amy i yhm khai jo nai, mymy i miseaungchi ai aly peang hai iy, nichi i kalop sa ai nai leaung leaungrei teng y au i, katheu pa-kho typ nai keung ai py aeng yb ai nai leu pei iy, pri kamlora y khuleaung chei vui nai kamta atawm.

JOHAN 10:41

Naibaly khumi neangneangchi ly ni teng y chei i, “Johan ly atiti rengrang mang ly sai py so y leang; na i py hini khumi i satang Johan i thui nai ngierei ly teng parai he,” napi.

JOHAN 6:65

Naibaly mymy naimy, “Huna nai y chy bo, Ampo my pei y baly ami py kai teng y jeu thai y leang, kang napi nai ly,” napi.

ROM AVANGCHI TENG Y PAWLA I CHA PA NAI 1:5

mymy i amyn deaungkho y cheng cheaungkhang theung i khumichi ai ly ym naira patawm hai ai nai, kaichi ly mymy deaungkho y pahenra hawi amtaw thau nai keung lawn ai naira py nga bo;

ROM AVANGCHI TENG Y PAWLA I CHA PA NAI 12:6

Naibaly achi ai pahenra ang pei nai kamta achi ly sa thai naira takhra takhra awm bawibawi; leu thui ai nai tla baly achi i ym nai kamta hawi khyp nai ryrei thui u sina;

I KORINTH 1:1

Pawla, Tameuh i kangai Isu Krista i amtaw thau nai khumi lawn ai nai palau nai hawi, achi i amjo amnau Sostheni ly:

I KORINTH 12:11

na i py huni bawibawi ai ly Phailo vanrei teang nai my ly khumi leaung leaungrei teng y mymy i ngai nai kamta bawibawi paji iy sa nai ne.

I KORINTH 15:10

Na i py Tameuh i pahen nai saho y ataing nai kalawn bo; naibaly pahenra ang pei nai ly jawm sum nai by y; huna nai tleaung y ly kai ly nichi bawibawi tleaung y sa nai akawm keh; na i py kai i sa nai ny y leang, Tameuh i pahenra kai teng y awm nai i sa nai teu.

I KORINTH 3:5

Apolo ly ati mo? Pawla py ati mo? Kalop sa nai keung, nangmychi ai ym hai nai keung teu; huni py Areng my leaung leaungrei teng y ang pei nai kamta ne.

I KORINTH 4:7

Nang ai ly ami my tahm ang khai katlen mo? Nang ly jawm nga nai ny y baly nang ly ati awm mo? Naibaly nang ly jawm my nga baly ati mana nai jawm my nga nai ny y nai kamta am-e lawh mo?

KALATIA 1:1

Pawla, amtaw thau nai khumi (khumichi i pato nai ny y i, khumi i saho y py ny y leang, Isu Krista hawi ni ai kadeichi theung i dengdairei pathau nai keung Ampo Tameuh i saho y ne lawh nai) hawi, kai teng y amjo amnau awm nai bawibawichi hawi:

EPHESI 1:1

Pawla, Tameuh i kangai y Krista Isu i amtaw thau nai my ly: Khumi kachai Ephesi avang y awm nai Krista Isu y ka-ym awm naichi teng y ly:

I TIMOTHEI 2:7

huni molam y ly kai ai aeu hai nai keung hawi amtaw thau nai keung, ym naira y hawi leu meitang naira y Cheng Takhrachi ai patiu nai keung y ang khai rym nai ne (kai ly leu meitang thui nai ne, ka-chawi ny y leang).

JAKOB 1:17

Atiti pei nai kahawi hawi, atiti pei angym nai bawibawi ly salo mang i dengdairei, kangvangchi i Ampo teng i nai ang kathiu nai ne; mymy y ly takhra naira hawi ami nai pa-pui den py awm thai y.